Ata este martes 10 de setembro aínda estás en tempo de inscribirte no Obradoiro de emprego xuvenil 2024 do que é promotor o concello de Santa Comba, e os concellos de Negreira, Val do Dubra e A Baña como entidades colaboradoras. A duración será 12 meses para moz@s menores de 30 anos dos catro concellos para a formación dun total de 16 alumn@s traballadores/as nas seguintes accións formativas:
✅ Actividades auxiliares en conservación e mellora de montes. Nivel 1
✅ Actividades auxiliares en viveiros, xardíns e centros de xardínería. Nivel 1
A preselección de alumnos/as traballadores/as farase na Oficina de Emprego Santiago Norte, onde serán preseleccionadas as persoas inscritas no Servizo Público de Emprego de Galicia coma demandantes de emprego, e teñan solicitado algún dos seguintes servizos: Escolas Taller (320); Casa de Oficios (330); Taller de Emprego (340); Outros programas de emprego en formación dual (370).
Aquelas persoas interesadas en participar neste programa como alumnado e que aínda non estean inscritas nos devanditos códigos poderán facelo dirixíndose á citada oficina de maneira presencial ata o martes 10 de setembro ás 14:00h ou a través da Oficina virtual do SPEG.
Para máis información ou se precisas axuda na inscrición podes dirixirte ao Servizo Local de Emprego do Concello de Negreira (1° pranta).
Existen tres lugares en Galicia que comparten o nome de Negreira, tal e como corroboran os especialistas en toponimia e segundo desvélanos o historiador e escritor barcalés, X. Amancio Liñares Giraut, de quen partiu a iniciativa de convocar un acto institucional, o sábado día 14 de setembro ás 18:30 horas, a representantes veciñais destas outras dúas Negreira, unha no municipio de Santa Comba e outra, no concello pontevedrés de A Estrada, a unha recepción oficial na Casa do Concello, cos seus respectivos alcaldes, e darlles un agasallo e establecer un «simpático» vínculo de irmadande, segundo sinala Amancio «porque só existen estas tres Negreira en Galicia», coma él mesmo recolleu despois de visitar e fotografar as outras dúas poboacións que comparten nome co noso concello.
A máis coñecida é a capital do Val de Barcala, cuxo topónimo define o concello (Negreira), e mais unha parroquia, a de San Xián de Negreira, que como ben di Amancio «tamén integra entroutros núcleos, a propia vila e máis unha aldea con este nome». A seguinte sería o lugar de Negreira, na parroquia de Santa María de Vilamaior, no concello veciño de Santa Comba, a cal lembra Liñares Giraut «conta cun célebre santuario». A terceira é última Negreira existente, atopámola na parroquia de San Miguel de Barcala, no concello pontevedrés de A Estrada «pero neste caso din A Negreira -con ese A diante-, que non usamos no topónimo propio, nin os barcaleses nin os xalleiros», segundo subraia Amancio Liñares, que tivo a ocasión de achegarse e fotografar as outras dúas Negreira, aínda que no caso da estradense defíneo como «un lugar con só tres ou catro casas, parras e campos de cultivo. Non ten letreiros que a identifiquen. Tivemos que preguntarlle á veciñanza, en terras que miran ó río Ulla, como na nosa Negreira barcalesa ollamos ó río Tambre e a Negreira de Vilamaior, está na contorna do río Xallas».
Programa
A convocatoria está fixada para as 18:30 horas no Salón de Plenos da Casa do Concello e inclúe, unha acollida musical que vai seguida da propia presentación por parte de Xosé Amancio Liñares Giraut. A continuación haberá unha charla coloquio impartida por Fernando Cabeza Quiles, filólogo e especialista en toponimia. Séguelle a intervención do secretario xeral da Lingua da Xunta de Galicia, Valentín García Gómez, pechándose o acto coas intervencións dos tres alcaldes: Alberto Romar Landeira, por Santa Comba; Gonzalo Louzao Dono, por A Estrada, e finalmente, o rexedor municipal negreirés, Manuel Ángel Leis Míguez.
O acto institucional rematará coa actuación do grupo de música tradicional Os Garuleiros, na rúa do Carme.
Infórmase da convocatoria de Pleno da Corporación Municipal de Negreira, en sesión ordinaria, o luns día 9 de setembro, ás 21:00 horas no Salón de Plenos da Casa do Concello.
Orde do día
Primeiro.- Toma de posesión do concelleiro electo, Mario Barreiro Barreiro.
Segundo.- Dar conta dos Decretos de Alcaldía emitidos dende o último Pleno Ordinario: do nº 224/2024 ó nº 316/2024, ambos inclusive.
Terceiro.- Festivos locais 2025.
Cuarto.- Ratificación do Decreto 1ª emenda do proxecto: “ Red de saneamento e estación de bombeo de augas residuais no lugar de Abeanca”, POS + 2024.- Expediente de Decreto 2024/G003/000222.
Quinto.- Ratificación do Decreto 1ª emenda do proxecto: “ Humanización da rúa do Carme”, POS + 2024.- Expediente de Decreto 2024/G003/000223.
Sexto.- Ratificación do Decreto 1ª emenda do proxecto: “Rede de saneamento no lugar de Cobas”, POS +2024.- Expediente de Decreto 2024/G003/000224.
Sétimo.- Representantes na Mancomunidade Xallas-Tines-Tambre
Oitavo.- Rogos e preguntas.
O Concello de Negreira oferta máis de 20 actividades deportivas para nenos e adultos, en distintos horarios e localizacións. Ata o día 30 de setembro podes facer efectiva a túa inscrición na Delegación de Deportes (Casa da Cultura), en horario de mañá.
Para facer efectiva a matrícula en calquera actividade, debes levar a cabo os seguintes pasos:
1.- Cubrir a folla de inscrición das actividades que che interesen:
2.- Entregar a folla de inscrición cuberta, na Delegación de Deportes ou enviar escaneado o documento ao email:Este enderezo de correo está a ser protexido dos robots de correo lixo. Precisa activar o JavaScript para velo.
3.- Pagar a cota de inscrición na conta bancaria do Concello de Negreira.
- ES33 2080 0305 0131 1000 0021 (Abanca)
- ES15 0081 2153 2400 0104 6411 (Sabadell)
4.- No recibo debes indicar nome alumno/a e actividade/es.
5.- Prezo
- Actividades normais
- 1 actividade: 60 €;
- 2 actividades: 52,50 €;
- 3 actividades: 45 €
En caso de ser familia directa (pais/fillos):
- 2 irmáns: 52,50 €
- 3 irmáns: 45 €
- Ximnasia de maiores
- 1 actividade 40 € (non ten descontos por máis actividades)
6.- Tes que enviar copia do recibo ao email:, ou entregala de forma presencial na oficina de Deportes.
7.- Para dúbidas podes chamar ó número: 981 885 886
8.- As clases comezan o 30 de setembro.
+info: https://goo.su/uOa5I
Páxina 1 de 264
