Segundo recolle o Bando informativo asinado polo alcalde de Negreira, Manuel Ángel Leis Míguez, faise saber á cidadanía do concello que a Lei 3/2007 do 9 de abril, de Prevención e defensa contra os incendios forestais de Galicia, recolle a obriga que antes do día 31 de maio de cada ano, todos os terreos ubicados nas chamadas franxas secundarias de seguridade, os 50 metros de terreo na contorna a núcleos habitados, vivendas illadas e outras construccións; as persoas propietarias teñen a obriga de mantelas limpas de biomasa e libres de árbores como piñeiros, eucaliptos e acacias, para evitar así o maior risco de incendio.
No caso de incumprimento, o titular ou responsable expoñerase ás infraccións leves, graves ou moi graves, segundo corresponda.
