O Servizo Local de Emprego é a denominación baixo a que o Concello de Negreira realiza as súas funcións en materia de emprego. Os servizos que engloban esta sección son a Axencia de Desenvolvemento Local e o Servizo de Orientación Laboral.

Os obxectivos principais deste servizo son:
• Mellorar e favorecer a empregabilidade das persoas demandantes de emprego.
• Manter informados aos demandantes de emprego dobre programas e servizos ofrecidos polo propio Concello de Negreira, outras administracións e o Servizo Público de Emprego de Galicia.
• Fomentar a inserción laboral das persoas desempregadas.
• Fomentar e soster a contratación de persoas pertencentes a colectivos con dificultades, para proporcionarlle expereriencia e soster a actividade económica.
• Xestión e cobertura de ofertas de emprego.
• Impulsar o emprendemento como parte inseparable da activación e recuperación do emprego.
• Dinamizar o tecido empresarial do Concello.