A Axencia de Doazón de órganos e Sangue de Galicia (ADOS), informa que este luns 19 de outubro, unha das súas unidades móbiles se vai desprazar ata Negreira. Permanecerá estacionada diante do Centro de Saúde, na rúa de Castelao, en horario de 9:30 a 14:30 e de 16:30 a 21:00 horas.

ADOS fai un chamamento á cidadanía a doar sangue e, moi especialmente, aos doantes dos grupos sanguíneos: 0 positivo; A positivo e B positivo. As reservas destes grupos presentan niveis baixos, polo que resulta preciso reforzar o permanente chamamento á participación nas campañas de doazón de sangue.

Cita previa
Para doar sangue podes pedir cita previa no 900 100 828 de cara a facelo de xeito organizado.

#súmateaonosoequipo