O pasado sábado, 1 de xullo, as familias de Avelaíños e Rebuldeiros de Negreira e as de Maimiños e Furabolos da Baña compartiron unha xornada de lecer visitando o parque zoolóxico Marcelle Natureza. As pequechas e pequechos visitaron o parque acompañados de monitoras e asistiron a diversas actividades.
Entre os animais do parque, chamaron a atención dos participantes os lobos Rasca e Pica e os emús, aves non voadoras de gran tamaño. Ademais de visitar os animais, as familias puideron gozar da flora existente no bosque autóctono, do que forma parte o zoo; da exposición artística con obras de madeira e pedra distribuídas por todo o parque e de actividades como o tiro ao arco ou un teatro de marionetas.
Un dos obxectivos de Marcelle Natureza é concienciar ás persoas participantes sobre a protección da fauna silvestre e da conservación da natureza.
Aberta a matrícula no servizo Madrugadores
O Centro de Información ás Mulleres do Concello de Negreira informa que está aberto o prazo de matrícula do programa Madrugadores, de cara ao vindeiro curso educativo 2017-2018.
Trátase dun programa de conciliación da vida familiar e laboral que se leva a cabo no Colexio de Educación Infantil e Primaria O Coto, dende as 7:30 até as 9:45 horas (hora de entrada no colexio).
As persoas interesadas en beneficiarse deste servizo poden facela inscrición dende o luns 26 de xuño e até o xoves 6 de xullo, no Centro de Información ás Mulleres, na pranta baixa da Casa do Concello, na área de Servizos Sociais, en horario de mañá.
O Concello de Negreira informa que co gallo da celebración este sábado 24 de xuño, da V Volta Ciclista ¨Concello de Negreira¨, entrre as 16:00 e as 21:00 horas, permanecerán cortadas ao tráfico as seguintes rúas:
Avenida das Brañas; Real Club Deportivo da Coruña; Xosé M. López Ardeiro; Castelao; Teresa Fabeiro Caamaño; rúa do Tambre e Camiño Vello (só un carril na confluencia coa avenida das Brañas).
Polo tanto, e para que o citado evento deportivo se desenvolva con normalidade e a máxima seguridade, solicítase a colaboración veciñal facendo o menor uso posible dos vehículos particulares durante o desenvolvemento da proba.
Dende a Alcaldía de Negreira pregan desculpas polas molestias que se poidan ocasionar.
O Concello de Negreira vén de formalizar a contratación do proxecto: Mantemento en camiños e pistas municipais, pertencente ao Plan de Acción Social (PAS 2015 sostíbel), que financia a Deputación de A Coruña.
Este proxecto inclúe as seguintes actuacións: Camiño peonil de Maio Pequeno ata a fonte-lavadoiro; camiño peonil en San Tomé; pista de acceso en Gonte, ata a fonte-lavadoiro; pista de acceso a Lueiro dende os depósitos municipais; pista á fonte no núcleo da Barquiña; canalización e pista dende os depósitos municipais en San Martiño, e pista de acceso ao monte da Pena e repetidores.
Con data do 1 de xuño de 2017 este contrato foi formalizado coa empresa Excavacións Yoni Tuñas, S.L., por un importe total de 168.128,73 euros (IVE 21% incluido).
O Concello de Negreira fai saber, que co gallo da celebración este sábado 17 de xuño, do II Triatlón Solidario ¨Concello de Negreira¨, entre as 16.00 e as 19:00 horas, permanecerán totalmente cortadas ao tráfico as seguintes rúas e accesos á vila:
Estrada provincial Urdilde-Negreira, dende Ponte Insúa; Abeanca; rúa Malecón (Campo da feira); Vilachán de Abaixo; Vilachán de Arriba; avenida de Vilachán; avenida de Barcala; Camiño Vello; avenida de Santiago; Arieira; A Barquiña (estrada autonómica AC-447); subida ata A Chancela (dende A Barquiña); e dende Fontán até a Abeanca, así como toda a Carreira de San Mauro; rúa do Carme; rúa da Cachurra e toda a Praza do Concello.
Para que o evento poida desenvolverse con normalidade e a máxima seguridade dos participantes, o Concello de Negreira prega a colaboración veciñal facendo o menor uso posible dos vehículos durante o desenvolvemento da proba.
Páxina 205 de 258
