Saúdo do alcalde

M. ÁNGEL
LEIS
MÍGUEZ

Alcalde de Negreira

 

CONCELLO DE NEGREIRA

Este enderezo de correo está a ser protexido dos robots de correo lixo. Precisa activar o JavaScript para velo.
De 9:00 a 14:00 (de luns a venres)
Rúa do Carmen, 3 - 15830 - NEGREIRA

Saúdo do Alcalde

Benvidas e benvidos á páxina web do Concello de Negreira, unha ferramenta virtual que pon nas vosas mans todos os sevizos e información que ofrece este pobo acolledor. É un pracer para min e o noso equipo de goberno representar a esta vila, asentada no epicentro do Val de Barcala cunhas paisaxes cheas de encanto e multitude de servizos para a veciñanza.

O noso concello é un referente na comarca tanto pola súa programación cultural e deportiva como de lecer, cunha ampla oferta de actividades que se programan anualmente e cunhas instalacións deportivas que son a envexa de moitos concellos da contorna. Coñecida é tamén a nosa ambición por potenciar a Escola de Música coa oficialización conseguida no ano 2018 polo noso goberno; a Radio Municipal, de gran interese para os milleiros de oíntes que día a día gozan da súa programación, ou que dicir do Camiño de Fisterra, un potencial económico que teremos que seguir mimando e coidando de cara ao vindeiro Xacobeo 2021 porque sabemos da importancia e repercusión que terá na nosa hostalaría e comercio como fonte de ingresos para moitas familias do noso municipio. Aínda sendo un concello rural, somos conscientes da riqueza que poden xerar proxectos emprendedores, así como a instalación de novas empresas que se poidan instalar no parque empresarial e que xerarán postos de traballo para toda a contorna.

Nos últimos catro anos centramos os esforzos en facer de Negreira un lugar mellor, e sendo conscientes de que queda moito por facer, tentaremos ir sacando adiante novos retos como humanización de rúas, saneamentos, abastecementos, construción e mellora de instalacións deportivas e potenciar os programas de axudas sociais para toda a veciñanza.

Este é o meu compromiso e o deste goberno co noso Concello e con esforzo, traballo e ilusión, poderemos acadar entre todos unha mellor calidade de vida e benestar para a nosa veciñanza e todas as persoas visitantes.

CONCELLO DE NEGREIRA

Este enderezo de correo está a ser protexido dos robots de correo lixo. Precisa activar o JavaScript para velo.
De 9:00 a 14:00 (de luns a venres)
Rúa do Carmen, 3 - 15830 - NEGREIRA