Un grupo de estudantes de 2º de ESO do instituto Xulián Magariños participaron este luns nun roteiro polas igrexas románicas de Santa María de Paramos, en Val do Dubra; Santa Baia de Lañas, na Baña, e a de Santa María de Portor, en Negreira.
A ruta fíxose en autobús e foi guiada polo técnico municipal de Turismo, Eutropio Rodriguez, licenciado en Historia da Arte e en Fotografía Documental polo International Center of Photography de Nova York.
Na viaxe, falouse con gran interese por parte dos rapaces, das principais características do románico visibles en cada unha das igrexas, ademáis de comentar as súas posteriores reformas.
A igrexa de Paramos destaca polo seu románico rural do século XIII, conservando a súa cruz latina na planta e fermosas cruces antefixas, así como algún elemento de oratorios anteriores propios do prerrománico do século X. Por contra, a de Santa Baia de Lañas é un fermoso exemplo do románico da segunda metade do século XII, facilmente datable grazas ó descobremento dun Dolio, aerófono de barro dunha soa nota, recentemente nun dos seus canzorros.
O delegado territorial da Xunta na provincia da Coruña, Ovidio Rodeiro, visitou hoxe o parque empresarial de Negreira para comprobar os proxectos de mellora das infraestruturas viarias e da seguridade do mesmo, e que se van realizar nas vindeiras semanas grazas a unha achega da Consellería de Economía, Emprego e Industrial de 172.674 euros, cantidade á que hai que engadirlle a aportación do propio Concello.
O alcalde de Negreira, Jorge Tuñas Caamaño, acompañou ao delegado territorial, xunto ao primeiro tenente de alcalde, Manuel Ángel Leis Míguez, e os concelleiros do grupo municipal do Partido Popular, Juan Rey e María José Carballo, quenes comprobaron que o investimento permitirá dotar ao polígono negreirés dun sistema de videovixilancia e dun aparcadoiro para vehículos pesados.
Esta actuación forma parte da orde de axudas a través da cal a Xunta investirá 395.000 euros para mellorar os parques empresariais da área de Santiago en catro concellos: Negreira; Melide; Ordes e Santa Comba.
O Concello de Negreira pon a disposición da veciñanza un novo servizo como é o Punto de Información Catastral (PIC), despois da autorización por parte da Dirección Xeral do Catastro.
O Punto de Información Catastral é unha oficina onde os cidadáns poden acceder á información catastral como consultas e certificacións de datos non protexidos e, que en caso de titulares catastrais ou os seus representantes debidamente autorizados, poderán acceder a consultas de datos catastrais protexidos relativos aos inmobles da súa titularidade.
Coa posta en marcha deste novo servizo, totalmente gratuito, búscase dar unha mellor resposta ás necesidades dos veciños e veciñas de Negreira e que desta forma non se teñan que desplazar ata outros concellos para conseguir os seus certificados.
O horario do servizo será o mesmo que o das oficinas municipais, de 08:00 a 15:00 horas, de luns a venres.
A presente convocatoria ten por obxecto a concesión dos premios do VIII Concurso de relatos curtos e cartaces gráficos ¨Loita contra a violencia de xénero¨, promovido dende o Concello de Negreira, a través do Centro de Información á Muller (CIM), co fin de sensibilizar á veciñanza sobor desta lacra social. O prazo de presentación de traballos é o comprendido entre o 22 de outubro e mailo 22 de novembro.
No concurso poderán participar tódalas persoas menores de 18 anos, e os traballos presentados deberán entregarse no Centro de Información á Muller, nun sobre pechado, facendo constar un número de teléfono de contacto e en ningún caso de verá aparecer o nome da persoa participante. A identificación do autor/a levarase a cabo mediante o uso dun pseudónimo.
Entre tódolos traballos recibidos, un xurado independente seleccionará os gañadores de cada modalidade e concederá os seguintes premios:
- Premio ó mellor relato curto: Vale agasallo por importe de 100 euros a utilizar nunha tenda de Negreira.
- Premio ó mellor cartaz gráfico: Vale agasallo por importe de 100 euros a utilizar nunha tenda de Negreira.
Entrega de premios
Terá lugar o sábado día 24 de novembro ao remate da sétima andaina ¨Negreira camiña contra a violencia de xénero¨, no Centro Sociocultural. A organización contactará previamente cos premiados/as por teléfono para que asistan ó acto de entrega e recollan o seu agasallo persoalmente.
Pódense consultar as bases do concurso premando aquí:
Onte domingo 21 de outubro, Manuel Federico Quintáns Otero, o zapateiro da Chancela, alcanzaba os 100 anos de vida, nunha xornada na que estivo acompañado dos seus cunha comida e onde non faltaron os parabéns de familiares e veciños por esta espléndida celebración.
Tamén o alcalde de Negreira, Jorge Tuñas Caamaño, achegábase ata o seu domicilio para entregarlle un ramo de flores e un agasallo en nome do Concello de Negreira, felicitándoo en persoa.
Federico, como lle coñecen, ten unha memoria prodixiosa, e lémbrase de moitas anécdotas de Negreira e das familias da contorna. O seu segredo é ler moito e comer ben, segundo él mesmo di, pois non fai dieta algunha, e nunca sufriu doenzas importantes, agás que foi operado nunha ocasión dunha hernia.
Comezou con apenas doce anos a aprender o oficio de zapateiro, e logo da Guerra Civil, onde loitou na Fronte de Asturias, decidiu instalarse pola súa conta na Chancela, casándose máis tarde e tendo unha filla que lle deu dous netos, e agora, dende este ano, tamén é bisavó dunha netiña chamada Ana.
Páxina 157 de 257
