Na medianoite do mércores 8 de novembro péchanse as inscricións para A Clásica de 10.000 metros de Negreira que se celebra este domingo, pero que este ano conta cunha carreira de cinco quilómetros que tamén engloba a cadetes e xuvenís, e que supera os 300 corredores inscritos. No total das dúas probas absolutas e as tres escolares, a Carreira Popular de Negreira xa supera os 1.300 inscritos, aínda que a organización confía en superar os rexistros de edicións anteriores ao contar por primeira vez cun circuíto homologado para a mellora de tempos.
A proba raiña de 10.000 metros é toda unha referencia en Galicia pola presenza de atletas africanos, pero a vistosidade da proba céntrase nos atletas populares e a loita por equipos con premios en metálico en xogo. Destaca á súa vez, a alta participación na terceira carreira, a de infantís, alevíns e benxamíns, con máis de 420 inscritos.
Todos os corredores recibirán a súa bolsa de corredor cunha camiseta técnica, un batido, un pastel e unha bebida, aínda que A Clásica ofrece moitos máis servizos aos corredores/as:
1 - Dorsais de saída por marcas
2 - Tres globos ou lebres (40´- 45´ e 50´), na 10K
3 - Cronometraxe por chip (Emesports)
5 - Fotografía profesional (Facebook e Twitter oficiais)
6 - Servizo de gardaroupa
7 - Servizo de gardeiría
8 - Servizo de duchas (Piscina Climatizada en bús)
9 - Avituallamentos (qms 5 e 8 e na liña de meta)
10 - Avituallamento en meta (bolsa do corredor, froita e auga)
11 - Quilómetrosmarcados
12 - Carreiras 5K e 10K con distancias homolagadas)
Máis información: https://carreirapopulardenegreira17.blogspot.com.es/
Vídeo percorrido: PLAY