O Servizo Municipal de Augas do Concello de Negreira informan dun corte de subministración o mércores día 1 de xullo, dende as 15:00 horas e que afectará á rede en: Zas; Gonte; Gándara; Maio Pequeno e Escola Unitaria de Aro.
A rede considerase en presión a tódolos efectos, xa que debido aos traballos de limpeza periódica do depósito, poderían levar menos tempo do previsto inicialmente. Ante calquera dúbida ou consulta poden chamar aos seguintes números de teléfono: 981 881 569 ou 626 986 941.
Na semana conmemorativa do "Día da diversidade sexual" que se celebra este domingo 28 de xuño, na campaña Ser e sentir, da Deputación da Coruña, búscase que teñamos unha sociedade máis tolerante e igualitaria. E entre as palestras destaca a que leva por título "Tratamento informativo do colectivo LGTBQI+ nos medios de comunicación", coa participación de Ángela Fernández, Daniela Ferrández e Bárbara G. Vilariño.
"Por desgraza sigue habendo moitos estereotipos, moito tratamento non real e moita linguaxe non ben utilizada. O colexio ten unha guía de linguaxe inclusiva na que está este colectivo e outros moitos e aínda hai traballo por facer [...] Hai que afinar moitísimo os discursos, afinar a linguaxe, o tratamento e sobre todo, os estereotipos. Rachar con eses estereotipos, e digamos tamén facer mención, cando hai que facer mención á identidade e orientación sexual das persoas protagonistas das novas", segundo salienta Ángela Fernández, xornalista, docente e vecenllada ao Colexio Oficial de Xornalistas de Galicia.
Para visualizala na súa totalidade, pódese facer a través do seguinte enlace:
https://www.youtube.com/watch?v=mhyfKy53-hU
Recordade que todo o contido da campaña está dispoñible na web www.seresentir.gal
O Centro de Información á Muller informa que ten aberto desde hoxe, o prazo de inscrición ata o día 25 de xuño, para o Campamento urbano "Respira", durante os meses de xullo e agosto, de 8:45 a 14:15 horas, na franxa de idade entre os 3 e os 12 anos.
Son prazas limitadas á rapazada cuxos/as titores/as estean traballando, con prioridade ás persoas empadroadas en Negreira. Para maior información poden poñerse en contacto cos números de teléfono: 981 88 63 20 e 662 37 04 48.
Para as inscricións debe remitirse a ficha e a documentación xustificante ao enderezo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..
Este martes 23 de xuño ábrese o prazo para solicitar a participación nos cursos de natación na piscina municipal ao aire libre, e mailos obradoiros Diververán 2020. A inscrición debe realizarse presencialmente na Delegación de Cultura e Deportes, na primeira planta da Casa da Cultura, en horario de 9 a 14 horas.
Os cursos de natación presentan unha novidade importante, pois tan só serán dun mes, entre o día 8 de xullo e mailo 8 de agosto, polas mañás.
- Grupo primaria (100 prazas), de 10:00 a 13:00 horas
- Natación para bebés (15 prazas), de 13:00 a 13:30 horas
Para a inscrición debe entregarse a ficha cuberta e mailo pago de 8 euros, coa recomendación de levar o prezo xusto.
No caso dos obradoiros Diververán, ofértanse 20 prazas limitadas en cada quenda, por orde de anotación, durante os meses de xullo e agosto polas mañás no Centro Sociocultural.
- Nados do 2015 a 2017 de 10:30 a 12:00 horas
- Nados de 2011 a 2014 de 12:00 a 13:30 horas
As familias interesadas deben anotarse antes do 30 de xuño de forma presencial, na Delegación de Cultura e Deportes, debendo entregar as fichas cubertas e mailo importe xusto de 15 euros por cada participante.
Debido á gran propagación da pandemia da Covid-19, este ano non están permitidas as cacharelas de San Xoán en terreos públicos. Únicamente serán autorizadas en terreos privados, polo que as persoas interesadas en realizar unha fogueira en terreo privado, deberán presentar a solicitude con data limíte do día 22 de xuño, ás 13 horas, por algunha das seguintes vías:
- Rexistro telemático, a través da Sede Electrónica do Concello
https://sede.concellodenegreira.es/opencms/gl/
- No Rexistro Xeral do Concello, con cita previa nos números de teléfono: 881 035 143 ou 981 885 250
O número máximo de persoas que se poidan reunir en grupo axustarase ao disposto na normativa vixente o día 23 de xuño de 2020 reguladora da situación de emerxencia sanitaria, así como das demais recomendacións establecidas polas autoridades sanitarias.
A separación entre as cacharelas e os edificios, terreos forestais, árbores e demais obxectos que poidan resultar danados será coma mínimo de 20 metros. Poñerase especial coidado de non situalas debaixo de tendidos eléctricos ou telefónicos, así como de que nos arredores non exista ningún local no que se almacenen produtos inflamables nin vehículos.
Prohíbese a queima de pneumáticos, plásticos, espumas de poliuretano, aceites e en xeral calquera substancia que ao areder desprenda fume tóxico.
En ningún caso se botarán ao lume recipientes que conteñan líquidos inflamables ou gases a presión (sprais), aínda que estean baleiros.
Sobre terreos con vexetación herbacea, previo ó inicio do lume, farase unha devesa do material combustible nunha franxa de polo menos 9 metros de ancho, rodeando o perímetro.
A fogueira permanecerá viciada polas persoas responsables ata a súa extinción, que deberá ser asegurada empapando os restos con auga, e asegurándose de que as cinzas queden totalmente apagadas. No caso de que se levante o vento, e poida dificultarse a vixilancia e extinción da fogueira, esta deberá suspenderse.
Página 88 de 260
