A Escola Municipal de Música do Concello de Negreira abre os prazos de matrícula para alumnado do curso 2020-2021, que este ano como novidade máis importante farase de forma presencial no Rexistro Municipal (Casa do Concello), e de forma telemática na Sede Electrónica d do Concello (https://sede.concellodenegreira.es/opencms/gl/).
Prazos
- Do 15 ao 30 de xuño, para alumnado da Escola
- Do 1 de xullo ao 4 de setembro para novos alumnos
Comunícase que o día 11 de setembro, ás 18:00 horas no Auditorio do Centro Sociocultural, terá lugar a presentación do curso e a elección de horarios.
Audición fin de curso
O alumnado da Escola Municipal de Música protagonizará o venres 19 de xuño, ás 18:30 horas na súa páxina en Facebook, unha audición de fin de curso de forma virtual, dadas as actuais circunstancias pola excepcionalidade do presente curso debido á pandemia sanitaria da Covid-19.
Como cada ano, o Concello de Negreira está a preparar o servizo de conciliación familiar durante o verán. As circunstancias actuais derivadas da crise sanitaria provocada pola Covid-19 esixen un esforzo de adaptación e reaxuste. Por isto, dende o Concello de Negreira ábrese esta enquisa destinada a coñecer as necesidades reais de conciliación da poboación de Negreira, para así adaptarse mellor e ofrecer un servizo acorde a ditas necesidades, agradecendo de antemán a participación de todas aquelas familias que precisen de dito servizo.
Abrimos un plazo de 5 días naturais para aqueles proxenitores que por motivos laborais precisen este tipo de servizo dende o día da publicación desta enquisa.
Unha vez coñecidas as necesidades reais da poboación tentarase organizar todas as actividades de conciliación. A enquisa débese cubrir nun formulario no que se solicitan datos ás familias para coñecer cantos nenos e nenas estarían interesados en participar nas actividades de conciliación.
A enquisa pódese cubrir na seguinte ligazón:
https://forms.gle/HGkv2dtFWBL91QbWA
A concesión de axudas ao aluguer, mediante adxudicación directa, están dirixidas ás persoas arrendatarias de vivenda habitual que, como consecuencia do impacto económico e social da Covid-19 teñan problemas transitorios para atender ao pago parcial ou total do aluguer.
Especificamente, o programa inclúe no seu obxecto a concesión de axudas para facer fronte á devolución das axudas transitorias de financiamento recollidas no artigo 9 da Real Decreto-Lei 11/2020, polo que se adoptan medidas urxentes complementarias no ámbito social e económico para facer fronte ao COVID-19 e contraídas por arrendatarios de vivenda habitual, a cuxa devolución non puidesen facer fronte.
As axudas teñen carácter finalista, e por tanto non poderán aplicarse a outro destino que o pago da renda do aluguer, ou a cancelación, total ou parcial, das axudas transitorias de financiamento reguladas no artigo 9 do Real Decreto-Lei 11/2020.
Para máis información e presentación de solicitudes, poden poñerse en contacto co departamento de Servizos Sociais do Concello de Negreira, a través do número de teléfono: 981 885 381.
Tras ampliar o prazo para a presentación de obras para o Certame de pintura "Negreira en cor", convocado polo Concello de Negreira, ata finais de maio, o xurado decidiu os seguintes premios no apartado de 6 a 12 anos:
1º Premio dotado de 200€ - "Fermoso atardecer", de Andrea Pais Souto (11 anos), de Negreira.
2º Premio dotado de 100€ - "Cor esperanza", de Lidia Núñez Forján (7 anos), de Luaña-Brión.
3º Premio dotado de 50€ - "A danza infinita", de Ayla Amigo Agra (11 anos), de Milladoiro-Ames.
O apartado de 13 a 18 anos, quedou deserto pola baixa participación, ao igual que o certame de contos "Cóntame un conto".
Dende a Delegación de Cultura agradecemos a vosa participación e vos emprazamos ao vindeiro ano 2021. Os premios serán entregados nunha próxima data por determinar, a cal será comunicada ás gañadoras.
Convócasen para o ano 2020, en réxime de concorrencia non competitiva, as subvencións destinadas á renovación de electrodomésticos e á instalación de domótica enerxética en vivendas situadas en Galicia por parte de persoas físicas, para promover actuacións que fomenten o aforro e eficiencia enerxética.
Persoas beneficiarias
As persoas físicas que realicen algunha das actuacións establecidas no artigo 3 nunha vivenda sita na CA de Galicia. Para ser beneficiario terá que tramitar a súa solicitude a través dalgunha das entidades colaboradoras adheridas que figuren na listaxe que se publique na páxina web do Inega, www.inega.gal
Vixencia do plan
Do 26 de maio ao 30 de setembro de 2020 ou cando se esgoten os fondos.
Actuacións que se subvencionan e contía máxima das axudas
a) Actuación 1. Plan Renove de electrodomésticos.
É subvencionable a renovación de electrodomésticos das tipoloxías indicadas na seguinte táboa por outros novos da mesma tipoloxía e con etiqueta de clasificación enerxética A+++. No caso das placas é subvencionable a substitución da placa preexistente de calquera tecnoloxía por outra nova de indución total. Para acceder á subvención hai que entregar o electrodoméstico retirado a un xestor autorizado.
Un beneficiario só poderá recibir axuda pola substitución dun único electrodoméstico de cada unha das tipoloxías de equipamentos incluídos e cun máximo de dous electrodomésticos por beneficiario.
A cantidade da subvención non poderá ser superior ao 25 % do prezo do electrodoméstico para un consumidor xeral, do 50 % para consumidores vulnerables e do 75 % para consumidores vulnerables severos.
Para os efectos desta convocatoria considéranse consumidores vulnerables e vulnerables severos os que cumpran os requisitos establecidos no Real decreto 897/2017, do 6 de outubro, polo que se regulan a figura do consumidor vulnerable, o bono social e outras medidas de protección para os consumidores domésticos de enerxía eléctrica e sexan beneficiarios do bono social eléctrico (desconto do 25 % para consumidores vulnerables e de 40 % para consumidores vulnerables severos), o que deberá acreditarse mediante a presentación dunha factura de enerxía eléctrica cunha antigüidade máxima de 3 meses anteriores á data en que se presenta a solicitude de reserva de fondos.
b) Actuación 2. Instalacións domóticas enerxéticas.
Son subvencionables as novas instalacións de elementos domóticos enerxéticos citados na seguinte táboa e a adaptación das instalacións existentes para a súa integración efectiva:
• Monitorización térmica da vivenda (sensores de humidade, temperatura, CO2 e/ou radon e termóstatos comunicados cun equipamento centralizado): 500 €
• Monitorización eléctrica da vivenda (medidores de consumo, racionalizadores de potencia, actuadores para a programación de acendidos e fotocélulas comunicados cun equipamento centralizado): 500 €
A cantidade da subvención non poderá ser superior ao 50 % do prezo da instalación, porcentaxe que sobe ata o 65 % para consumidores vulnerables e ata o 80 % para consumidores vulnerables severos.
Incompatibilidade das subvencións
Estas subvencións serán incompatibles con outras axudas, subvencións ou recursos destinados á mesma finalidade, procedentes de calquera Administración ou entes públicos ou privados, nacionais, da Unión Europea ou de organismos internacionais.
Forma de presentación de solicitudes (IN414C)
As solicitudes subscribiranas directamente as entidades colaboradoras.
Na páxina web do Inega (www.inega.gal) estará dispoñible unha listaxe de entidades colaboradoras adheridas a esta convocatoria de axudas.
Prazo de presentación
• Solicitudes de adhesión das entidades colaboradoras: do 26 de maio ao 30 de xullo de 2020. Para solicitar a súa adhesión a entidade colaboradora terá que cubrir e confirmar o formulario de adhesión (anexo II).
• Solicitudes de axuda: comezará o 1 de xullo de 2020 ás 9.00 horas para a actuación 1 e o día 2 de xullo de 2020 ás 9.00 horas para a actuación 2 e rematará o 30 de setembro de 2020 ou cando se esgoten os fondos.
Información ás persoas interesadas
Sobre este procedemento administrativo poderase obter documentación normalizada ou información adicional a través dos seguintes medios:
1. Na páxina web do Inega e no correo electrónico Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
2. No teléfono 981 54 15 00.
3. Presencialmente, no Inega (rúa Avelino Pousa Antelo, 5, San Lázaro, 15703 Santiago de Compostela), con cita previa no teléfono 981 54 15 00.
Página 90 de 260
