Dentro da potenciación do deporte e a vida saudable no noso concello, este mércores 25 levouse a cabo unha xornada de achegamento ó tenis de mesa entre os estudantes do instituto Xulián Magariños, xornada promovida polo Concello de Negreira, a cargo de membros do club Oroso Tenis de Mesa.

A idea municipal é a de impulsar unha futura escola municipal de tenis de mesa, a cal xa foi ofertada ós veciños/as a comezos do presente curso, pero ca non cuaxou entre a veciñanza, de aí, a idea de facer esta xornada de exhibición no IES de Negreira.

O Concello de Negreira puso hoxe en marcha, a primeira das dúas novas aulas de educación, correspondentes á ampliación acometida este ano na Escola Infantil Municipal. Os primeiros once nenos e nenas, dunha capacidade total de trece, estrearon a aula de 1 a 2 anos, xunto coas súas educadoras e coidadoras, logo do proceso de selección de persoal laboral realizado nos últimos meses polo Concello.

Negreira despediu as Xornadas contra a violencia de xénero cunha participativa camiñada polo paseos fluviais ata o Refuxio de Covas e volta á vila, o pasado sábado, reiterando o seu rexeitamento contra calquer tipo de violencia. Foron máis de 250 as persoas que déronse cita no Centro Sociocultural, na convocatoria feita dende o Centro de Información á Muller (C.I.M.), e á que sumáronse representantes das distintas forzas políticas a nivel municipal como o Partido Socialista, o Partido Popular e Cidadáns.

Ao remate da andaina polo paseo fluvial fíxose entrega dos premiios do V Concurso «Loita contra a violencia de xénero»:

· Premio ó mellor relato curto: Iria Freire Agra, de 14 anos e alumna do IES Xulián Magariños polo seu relato ¨Cun pano nos ollos¨. A concelleira de Servizos Sociais, María Jesús Veiga Hortas, entregoullelo seu galardón consistente nun vale agasallo por valor de 100 euros, a canxear nun establecemento de Negreira.

· Premio ó mellor cartaz gráfico: Nerea García Guzmán, de sete anos e alumna do CEIP O Coto. O alcalde, Jorge Tuñas Caamaño, foi o encargado de entregarllelo seu premio, consistente igualmente nun vale agasallo de 100 euros.

Precisamente, Iria Freire, de Terceiro curso da ESO foi a encargada de ler o manifesto de remate do acto, xunto coas intervencións finais da concelleira, María Jesús Veiga Hortas e mailo alcalde, Jorge Tuñas Caamaño, quenes agradeceron en nome do Concello de Negreira, a veciñas/os participantes nos diferentes actos ó longo de toda a pasada semana a súa especial sensibilidade e, en especial ó alumnado participante no concurso, así como a todas/os colaboradores con esta actividade. Coma colofón final serviuse unha chocolatada con rosca.

O debuxo que ilustrará as presentes festas de Nadal no noso concello, segundo decidiu o xurado do Concurso de Carteis de Nadal, recaeu no traballo conxunto da Aula de 5 anos C do Colexio do Coto, que foi un dos tres finalistas entre preto de oitenta debuxos presentados por alumnado de distintos rangos de idade, dende curta idade da Escola Infantil Municipal, pasando polo CEIP O Coto, e o IES Xulián Magariños, cuxo premio consiste nun vale-agasallo por valor de 90 euros, ademáis de editarse o seu debuxo como anunciador do programa navideño do Concello de Negreira.

Faráselle entrega do seu premio durante a Cabalgada dos Reis Magos, o vindeiro día 5 de xaneiro de 2016, cando tamén entregaranse os tres premios do concurso de escaparates do comercio de Negreira.

Na vindeira semana darase a coñecer a totalidade de actividades do programa de Nadal que, entre outras citas, depara para o sábado 19 de decembro a celebración do Gran Festival do Nadal, ca este ano alcanza os seus 25 anos, a partir das seis da tarde, no Auditorio do Centro Sociocultural. 

O Concello de Negreira colabora coa Asociación de Empresarios (ENe), para levar a bo porto esta fin de semana, unha nova edición da Feira Multisectorial que o sábado e mailo domingo, ten cabida no Pavillón do Colexio do Coto e maila chaira anexa, onde instalouse a carpa municipal para acoller distintas actuacións musicais, de baile e deportivas.

Van ser 36 as firmas expositoras na feira que terá horario ininterrompido, de 10:00 a 21:00 horas, o sábado e mailo domingo. Sectores que van desde a moda, calzado, comprementos, perruquería e estética, automoción, seguros, alimentación e bebidas, librarías ou mobles. Nesta edición ademáis, o Concello de Negreira conta cun stand de promoción dos recursos turísticos e naturais.

Actividades:

Sábado 5 de decembro

Inauguración da feira, ás 12 h.

Sesión vermú co grupo Saiva Nova, ás 13 h.

Baile con Veiga do Cotón, ás 17 h.

Exhibición de kárate coa Asociación Deportiva O Coto.

Concerto de Chop Trop, ás 21 h.

Domingo 6 de decembro

Sesión vermú de Os Atrevidos de Barcala, ás 13 h.

Paseo nun coche de ralis para os nenos/as, ás 17 h.

Concerto grupo Closer, ás 19 h.

Entre tódalas persoas que fagan as súas compras durante a feira, entregaráselles boletos para o sorteo dun carro de compras valorado en 150 euros. O sorteo vai ter lugar o domingo, ás 19 horas no recinto e, vai ser necesario estar presente durante o mesmo en caso de corresponderlle o premio.

Asemesmo, durante a Feira Multisectorial contarase cun servizo de cantina e comidas, na carpa anexa, e un servizo de gardeiría para os nenos e nenas que acodan á feira. 

O tradicional Belén de cumios que marca o inicio da programación de Nadal en Negreira, vai ter lugar este sábado, día 12 de decembro e, nesta ocasión vai repetir destino coa subida ó Mirador do Monte do Cotro, na parroquia de Santa Cruz de Campolongo, nunha camiñada de aproximadamente dez quilómetros.

O desprazamento de ida e volta dende Negreira a Campolongo farase en autobús, con saída ás 9.30 horas de diante do Centro de Saúde, na rúa de Castelao e, con regreso aproximadamente para as 13.00 horas.

As persoas interesadas deben anotarse antes do venres 11 de decembro na Delegación de Cultura e Deportes, en horario de mañá, ou chamando ao número de teléfono 981 88 58 86.

VIVO é un espectáculo experimental de improvisación, onde o público interactúa co intérprete xerando unha creación conxunta que faille sentirse parte do espectáculo, desfrutando a experiencia teatral como propia.

O intérprete despoxado de todo artificio leva a actuación aos seus estados máis primitivos e carnais, a partires de máscaras balinesas que serven como veículo poético.

Este espectáculo foi presentado no LISPA (London International School of Performing Arts), e no Festival Internacional de Improvisación en Wuerzburg (Alemaña), e en festivais de Chile, Perú, Colombia, Brasil e España.

O espectáculo VIVO poderase desfrutar no Auditorio do Centro Sociocultural, este sábado 12 de decembro, ás 21:00 horas. O prezo das entradas é de 5 euros para o público en xeral.

¿Quén é Marcelo Savignone?

É un actor, director e dramaturgo arxentino, ademais de docente teatral. Naceu en Rosario e actualmente reside en Bos Aires.

Dirixe o Estudo de formación actoral Marcelo Savignone, con pedagoxía baseada no método de Jacques Lecoq, entre outros, e orientada ao desenvolvemento do artista na súa totalidade. Con sé en Belisario Club cultural onde comparte espazo con Belisario teatro e a productora teatral, Producións Belisarias, a través da que artella os seus emprendementos teatrais.

Marcelo Savignone dirixiu máis de vinte obras teatrais e actuado en trinta. Polo seu estudo pasaron máis de mil douscentos alumnos, entre os que se atopan recoñecidos actores nacionais e internacionais.

Unha trintena de veciñas/os de Negreira participaron o pasado sábado na subida ata o Mirador do Monte do Cotro, co gallo do tradicional Belén de cumios levado a cabo polo Concello de Negreira, unha actividade que marca o inicio do programa do Nadal no municipio e que terá continuidade este sábado 19 de decembro, a partir das seis do serán, co XXV Gran Festival do Nadal, no Auditorio do Centro Sociocultural.

Un cuarto de século cumpre o festival organizado pola Asociación Cultural e Folclórica Veiga do Cotón e mailo Concello de Negreira e, que contará coas seguintes actuacións:

Grupo de danza tradicional Val de Barcala.

Escola municipal de baile galego

Banda de acordeóns Xosé Manuel Suárez

Escola municipal de pandeireta

Escola municipal de ximnasia rítmica

Escola municipal de gaitas

Richo, interprete musical de Negreira

Banda Ateneo Musical de Negreira

E as colaboracións especiais que virán da man do Grupo de baile Churia, da Asociación Cultural Castro Meda, de Zas; a Escola de danza Shambala, de Ames, xunto coa actuación especial da Escola Municipal de Teatro.

O Pleno extraordinario celebrado onte pola Corporación Municipal de Negreira, acordou por unanimidade de tódolos seus membros, refrendar os proxectos incluídos no Plan Provincial de Cooperación ás Obras e Servizos de competencia municipal (POS) 2016 da Deputación de A Coruña, cunha achega económica de 309.152,70 euros.

Este total divídese en dúas partes: obras e gasto corrente. Para cada partida asignase a cifra de 154.576,35 euros. As obras repártense en dous proxectos: Hormigonado de pistas e muro de contención en: Pista Negreiroa; pista en Bellalta; pista en Niñarelle; pista en A Chancela e muro de contención en Mourís, por un lado, e asfaltado de pistas: Pista en Bouzas a Zas; pista de Marcelle a Landeira; pista de Alvite a Santo Tomé; pista en Abeanca e, pista de Castelán a Castro.

Plan de Acción Social (PAS)

Neste punto, o Partido Popular abstívose e criticou que o goberno non inclúa a construcción do Centro de Día, destinando o importe do Plan de Obras e Servizos para este fin, e o resto de obras financialas co Plan de Acción Social.

Dentro dos investimentos financeiramente sostibles de carácter social: Obras de cuberta da pista de pádel por 58.572 euros; Melloras da accebisibilidade e seguridade vial en instalación municipais: Pavimentación e aparcadoiro adaptado no Local Social de Romarís; aseos adaptados na Escola Infantil de Negreira; aseos adaptados e cuberto na Área de Negreiroa: pasos sobreelevados e accesibilidade de minusválidos en vías urbanas do núcleo de Negreira; mantemento e impermeabilización das azoteas do Centro Sociocultural; mantemento das instalacións eléctricas no Colexio de Infantil e Primaria de Negreira, por un importe total de 252.943 euros.

Dentro dos investimentos financieiramente sostibles, inclúense os seguintes proxectos por valor de 168.628 euros para obras de mantemento e camiños e pistas municipais: Camiño peonil en Maio Pequeño, até a fonte do lavadoiro; camiño peonil en San Tomé; pista de acceso en Gonte até a fonte do lavadoiro; pista de acceso a Lueiro dende os depósitos municipais; pista no núcleo de A Barquiña; canalización e pista dende os depósitos municipais en San Martiño, e pista até os repetidores municipais no monte de A Pena.

Transporte experimental

A proposta da empresa de transporte de viaxeiros Hermanos Ferrín, S.L., ésta vai recuperar dous traxectos durante dous días á semana (martes e xoves), por onde ésta ten unha concesión á que renunciou por escaseza de viaxeiros. A súa posta en marcha tería un desembolso económico para o Concello de 2.000 euros mensuais.

Servizos:

O número 1 parte de Campolongo por Couso e Pesadoira cara Negreira, ás 07:45 horas. Retornará ás 11:00 horas.

O número 2 parte de Bugallido ás 08:45 horas por Landeira até Negreira. Retornará ás 12:15 horas.

Este asunto quedou sobre a mesa, a expensas de realizar un estudo económico e de viabilidade dun terceiro servizo, entre a parroquia de Portor e Negreira, a proposta do Partido Popular. Ésta formación política condicionou o seu apoio a conquerir este servizo para Portor e máis a que se emita un informe favorable da Intervención municipal, dado que o Concello terá que asumir o pago dunha cantidade á empresa, sempre e cando prosperen os servizos que o Concello debe solicitar agora á Dirección Xeral de Mobilidade, da Xunta de Galicia.

A directiva da Asociación de Amas de Casa de Negreira vén de facer un chamamento á doazón de alimentos e productos de hixiene persoal, dentro da campaña solidaria do Nadal en Negreira, axuda que seralles entregada aos Servizos Sociais Comunitarios do Concello de Negreira para o seu reparto entre as familias que máis o precisen no noso concello.

Logo de ter detectado un importante descenso na contribución solidaria de axuda, Soledad de la Fuente, a súa presidenta, facía un chamamento porque despois de recoller 4.500 quilos de alimentos o pasado ano, agora failles falta de todo.

A axuda pódese depositar nos carros habilitados en tódolos supermercados de Negreira, ou póndose en contacto coa asociación, que os martes e os xoves pola tarde, atenden ao público en xeral, no local que teñen no edificio municipal do antigo instituto, na rúa de Castelao.

Este ano non contaron finalmente coa colaboración do Colexio do Coto, a través das entregas das familias, nin tampouco coa Asociación de Empresarios. Sí, polo contra, colaboran outras firmas como a cooperativa Feiraco coa entrega de leite, e mesmo carnicería Suso, que nestes días vai facer entrega de douscentos quilos de carne fresca para as persoas maiores e familias con nenos e, que así poidan ter un produto de primeira calidade nas ceas e comidas do Nadal, segundo explicou Soledad de la Fuente en Radio Negreira.

A súa axuda maiormente, entregaráselle ás familias de Negreira logo do Nadal, unha vez que nestas datas moitas están cubertas coa axuda da Cruz Vermella e da Asociación Amigos de Galicia, xa que a campaña vaise prolongar até o vindeiro día 5 de xaneiro.

Asemesmo, tamén trasladou a necesidade de que as familias que queiran entregar xoguetes en bo estado fágano á asociación.