O Concello vén de executar dúas obras na rede hidráulica municipal a través de dúas subvencións de ????? ?? ???????, dentro dos proxectos encadrados nunha serie de subvencións solicitadas á Xunta para acometer melloras en infraestructuras de servizos básicos como son o abastecemento e o saneamento de auga.

• Estación de tratamento de auga potable: Renovouse a tubaxe de impulsión que atravesa o río Barcala e a súa dixitalización.

O investimento foi de 53.773€

• No rego de Duomes: Rehabilitouse un tramo do colector de augas residuais que discorre polo mesmo na zona de A Restreva para evitar filtracións á rede e a súa dixitalización.

O investimento foi de 53.774€

Segundo sinalou o alcalde, Manuel Ángel Leis Míguez: “Isto é debido a que o equipo de goberno ten unha programación é unha previsión cos informes das necesidades e prioridades que se deben levar a cabo no noso concello”. 

A Primavera Deportiva, dou comezo cunhas espectaculares xornadas de ximnasia rítmica no Pavillón de Pedra Mámoa que reuniu a máis de 1.100 deportistas. A programación composta por preto de 20 propostas deportivas para todos os públicos, acollerá actividades de distintas modalidades.

En maio destacan citas como a Gala Ritmo&Movemento, os Campionatos Provincial de Orientación e Campo a Través ou o Torneo de Tenis de mesa “Día das Letras”.

Xa para xuño, o Torneo de Primavera de Tenis na primeira fin de semana, volverá a reunir a xogadores de toda Galicia e Asturias nas Pistas de Pedra Mámoa. O venres 13 será a apertura da Piscina Municipal de O Coto, unha instalación moi demandada polos nosos veciños e visitantes.

As propostas dos clubs locais tamén serán moi diversas, destacando o Trofeo de kárate “Vila de Negreira”, organizado polo Kárate O Coto, o ADN Cup de fútbol ou o Campus da SD Negreira.

Outro dos eventos importantes para esta datas é a final da 58º Copa do Sar que enfrontará a SD Negreira e o CSD Arzúa o domingo 24 de maio.

Esta nova adquisición foi posible grazas a unha subvención da Xunta de Galicia, a través do Fondo de Compensación Ambiental (FCA), procedente do canon eólico, que supuxo un investimento de arredor de 69.000€ para o noso concello. Na imaxe, o alcalde, Manuel Ángel Leis xunto co concelleiro de Parques e Xardíns, Adolfo Manuel Barbosa e mailo operario do novo tractor.

O novo vehículo agrícola substitúe a un dos existentes, que levaba preto de 40 anos en funcionamento e que, nos últimos tempos, presentaba frecuentes problemas mecánicos. Con esta renovación, garántese un traballo máis eficiente e seguro nas tarefas de limpeza e desbroce de estradas e camiños municipais.

Actualmente, en Negreira contamos con dous tractores equipados con brazo desbrozador para labores de mantemento da rede viaria dos núcleos e espazos públicos.

Tal e como sinala o alcalde, Manuel Ángel Leis, esta adquisición forma parte dunha estratexia de mellora progresiva do parque móbil municipal, que nos últimos anos tamén incluíu a compra dun camión 6x6 e unha barredora. Nesta liña, o Concello continuará investindo en medios que permitan ofrecer servizos de maior calidade á veciñanza.

Ademais, esta mellora complétase cunha planificación eficaz do traballo da brigada, reforzada mediante programas como o PEL da Deputación da Coruña ou o Aprol da Xunta de Galicia, que non só contribúen á creación de emprego, senón tamén ao desenvolvemento de tarefas esenciais de limpeza e mantemento en todo o municipio.

O Concello de Negreira, ABANCA e Afundación, a súa Obra Social, inauguraron esta mañá no hall do Centro Sociocultural a mostra «Castelao grafista (facsímile)», que poderá visitarse ata o 8 de maio, de luns a venres, en horario de 10.00 a 14.00 e de 17.00 a 21.00 horas. Ao acto asistiron o alcalde de Negreira, Manuel Ángel Leis Míguez; o coordinador institucional de ABANCA na Coruña, José Manuel Vilariño; representantes da entidade financeira; e responsables da Área de Cultura de Afundación.

A exposición compónse de pezas que ofrecen unha escolma rigorosa da obra gráfica de Castelao, mostrando a evolución do seu compromiso ético, social e político, así como a súa mestría plástica e a súa fonda vinculación coa ilustración. A mostra percorre desde as súas colaboracións en publicacións como Galicia, Faro de Vigo ou Vida Gallega ata obras tan significativas como Cousas da vida e os álbums de guerra Galicia mártir, Atila en Galicia e Milicianos.

Entre as pezas expostas atópanse facsímiles, debuxos, caricaturas, retratos fotográficos e portadas de revistas, nun percorrido que pon en valor a dimensión artística e humana dun dos grandes referentes da cultura galega.

O sábado 11 de abril, coincidindo coa semana da saúde, o pavillón de Pedra Mámoa vai a albergar o 8º Torneo Interescolas de Ximnasia Rítmica, un evento que contará con máis de 650 deportistas e 28 escolas e clubs de ximnasia rítmica de Galicia e Asturias.

Horarios:
A competición estará dividida en duas partes; pola mañán é a quenda dos participantes de nivel 1 individuais e conxuntos, de nivel 2 individuais e dúos/tríos e pola tarde conxuntos nivel 1 e 2:
De 9:30 h. a 10:54 h. Individuais.

De 11:20 h. a 12:20 h. Dúos/Tríos Nivel 1.

Ás 12:25 h. Entrega de medaias.

De 12:45 h. a 13:43 h. Nivel 2 Individuais.

De 13:45 h. a 13:50 h.

Ás 13:51 h. Entrega de medaias.

De 15:30 h. a 16:52 h. Conxuntos Nivel 2.

Ás 16:53 h. Entrega de medaias.

De 17:20 h. a 19:25 h. Conxuntos Nivel 1.

Ás 19:30 h. Entrega de medaias.

Organización:
A organización do evento corre a cargo do club Marusia e do Club Ximnasia Rítmica Compostela coa colaboración do Concello de Negreira.

Clasificación:
Os equipos mellor clasificados na Fase de Negreira e Burela obterán o pase para a Gran Final que terá lugar no mes de xuño.

Escola Municipal de Ximnasia Ritmica:
Despois de meses de traballo as alumnas das Escola teñen a ilusión de poder mostrar o seu traballo e de seguir progresando nesta disciplina.

Está todo preparado para unha cita que está marcada no calendario como unha das probas deportivas máis importantes do ano, xa que nesta xornada poderemos ver as mellores ximnastas escolares e novos valores de Galicia, nun deporte que destaca pola disciplina, o traballo en equipo e a superación persoal.

IV Torneo Ximnasia Rítmica “Camiño de Santiago” – Bahía Software

O domingo 12 de abril, será o turno deste evento coa presenza de 500 ximnastas de toda Galicia que en horario de mañán loitarán polas medaias.

Organizado polo club Ximnasia Rítmica Compostela co apoio do Concello de Negreira, é unha cita imprescidible para tod@s @s deportistas nos niveis escolar, promoción, prebase e nacional.

Vai a ser unha xornada chea de talento, esforzo e paisón.

Infórmase da apertura do prazo para a renovación de matrícula e solicitude de novo ingreso, de nenos e nenas, de 0 e 3 anos de idade, na Escola Infantil Municipal para o curso 2026-2027.

O prazo de renovación de matrícula vai do día 1 ó 15 de abril, e o de novo ingreso, do 1 ó 30 de abril. O lugar de tramitación é na propia escola en horario de 9:00 a 14:00 horas, de luns a venres.

A documentación necesaria pódese consultar a continuación, así como descargar os modelos de inscrición.

O Concello de Negreira publicou as bases de selección de persoal laboral de carácter temporal durante sete meses para prestar servizos básicos municipais, ao abeiro do Programa PEL-Concellos 2026 que financia a Deputación da Coruña. 

As prazas ofertadas son: catro albaneis, oficiais de 1ª e 2ª.

Titulación requirida:

• Certificado de escolaridade ou equivalente
• Permiso de conducir tipo B
• CELGA 1: en caso de non estar en posesión do título contémplase a posibilidade de presentarse a unha proba.

O sistema selectivo elixido é o de concurso-oposición.

Prazo de presentación: 10 días naturais a contar dende o seguinte ao da publicación das bases no Boletín Oficial da Provincia da Coruña (ata o luns 6 de abril, ás 14:00 horas), no Rexistro Xeral do Concello de Negreira. 

Consulta as bases completas do proceso aquí. 

O vindeiro 24 de marzo a Oficina Móbil Retorno da Xunta de Galicia desprazarase ao Concello de Negreira para ofrecer atención presencial ás persoas emigrantes retornadas e ás súas familias.

A atención terá lugar na Praza do Concello en horario de 9:00 a 14:00 horas, no marco dunha iniciativa cofinanciada pola Unión Europea que busca facilitar información e asesoramento técnico para favorecer a integración sociolaboral das persoas que regresan a Galicia.

Durante a xornada, persoal especializado prestará atención individualizada sobre os programas da Estratexia Galicia Retorna 2023-2026, abordando cuestións como trámites administrativos, asistencia sanitaria, vivenda, formación e distintas axudas, entre elas as de autoemprego, gastos de retorno e bolsas BEME e Retorna Talento FP.

Para máis información, as persoas interesadas poden consultar https://emigracion.xunta.gal ou chamar ao teléfono gratuíto 900 102 380.

Mofa e Befa (Evaristo Calvo e Víctor Mosqueira), aparecen no ano 1992 asaltando, literalmente, o palco da desaparecida Sala Nasa, en Compostela. Moita xente cando escoita a expresión: Os dous de sempre, identifica a Mofa e Befa. E a Castelao non lle parece mal.

O primeiro semestre da Rede Galega de Teatros, eiquí en Negreira, achéganos o venres 27 de marzo o regreso aos escenarios deste dúo cómico fundado hai trinta anos por Evaristo Calvo e Víctor Mosqueira e que son parte do fecundo río do humor galego que ten a súa fonte nos bufóns e no escarño medievais, e ao que tamén pertence o humor de Castelao.

Un espectáculo de Producións Teatráis Excéntricas encadrado no xénero da comedia e cunha duración de noventa minutos dirixido a maiores de 13 anos, que aterra no auditorio Afonso Eanes do Cotón, o venres 27 dende as 21:00 horas.

Mofa e Befa pertencen á estirpe dos pallasos de circo, dos artistas do cinema mudo, dos canallas do cabaret, que decídense a encarnar duas personaxes de papel, concebidos por un humorista gráfico: Os dous de sempre.

Autores:  Quico Cadaval  e Carme Varela (versión libre de Os dous de sempre de Castelao e da súa produción de humor gráfico).

Entradas: www.woutick.es ou Delegación de Cultura (mañás)

Prezos: 5€ xeral / 3,50€ carné xoven e +60 

O Concello de Negreira inicia unha nova campaña de compostaxe doméstica, coa que busca fomentar a correcta xestión dos biorresiduos nos fogares e promover prácticas máis sostibles no municipio.

A primeira entrega de composteiros terá lugar o luns 23 de marzo, ás 11:00 horas, no auditorio da Casa da Cultura nunha sesión informativa na que as persoas participantes recibirán formación básica para comezar a compostar no seu fogar.

Esta iniciativa permitirá que os veciños e veciñas con pequeno terreo poidan transformar os seus restos orgánicos en abono natural de alta calidade, reducindo así a cantidade de lixo que chega ao colector e contribuíndo a unha economía circular máis eficiente enNegreira.

O Concello facilitará aos fogares participantes un composteiro de balde, formación e acompañamento, para garantir unha correcta posta en marcha e seguimento do proceso.

Nas vindeiras semanas celebraranse novas sesións en diferentes puntos do municipio, que serán anunciadas a través dos canais oficiais do Concello. A inscrición continúa aberta para aquelas persoas interesadas en participar na campaña.

As persoas interesadas poden atopar toda a información actualizada na páxina web: negreira.ocaminosostible.gal. Tamén poden contactar a través do teléfono 647 521 464 ou do correo electrónico info@ocaminosostible.gal.

Esta iniciativa conta co apoio da Xunta de Galicia e o financiamento do Plan de Recuperación, Transformación e Resiliencia – NextGeneration EU, e forma parte da aposta do Concello de Negreira por un modelo de xestión sostíbel e de proximidade, implicando á cidadanía na redución e valorización dos seus propios residuos.