Este luns 7 de xuño ábrese o prazo para solicitar a participación nos obradoiros Diververán 2021. A inscrición pode realizarse presencialmente na Delegación de Cultura e Deportes, na primeira planta da Casa da Cultura, en horario de 9 a 14 horas, para o cal pódese descargar a ficha de inscrición que aparece ao final desta información.

Ofértanse 20 prazas en cada quenda, por orde de anotación, durante os meses de xullo e agosto polas mañás no Centro Sociocultural.

- Nados do 2016 a 2018, de 10:30 a 12:00 horas

- Nados de 2012 a 2015, de 12:00 a 13:30 horas

As familias interesadas deben anotarse antes do 29 de xuño, debendo entregar as fichas cubertas e mailo importe xusto de 16 euros por cada participante.

 A sesión de carácter extraordinario do Pleno da Corporación Municipal de Negreira celebrada este luns, día 7 de xuño, serveu para a toma de posesión dos novos concelleiros/as quenes xuraron o seu cargo como edís electos e de pleno dereito.

Teresa Duro Leis, número 8 da candidatura do PSdeG-PSOE sustitúe a María Josefa Vázquez Alende, trala súa renuncia. Pasará a formar parte da Xunta de Goberno Local como cuarta tenente de alcalde e asume as áreas de Educación e Sanidade, dentro do organigrama do Goberno Municipal, amén de ser designada como representante municipal nos Consellos Escolares.

Juan José Noya Rodríguez, número 7 da candidatura do PPdeG sustitúe a María González Gómez.

Ambos recibiron a benvida do alcalde, Manuel Ángel Leis Míguez quen desexoulles o mellor «e que traballades polos veciños, e é importante que na política haxa relevos». Pola súa banda, o portavoz do Partido Popular, Rubén Suárez, deulle a benvida «a esta batalla dialéctica, sobre todo, pero temos que pensar que o que estamos a facer aquí é en prol dos veciños, en prol do noso concello e non podemos extrapolar o debate e as discusións que podamos manter na política ao plano persoal».

Neste mes de xuño o Concello de Negreira presenta distintas actividades culturais e lúdicas para o desfrute da veciñanza, sobre todo pensando na rapazada antes do verán. Teatro, música infantil, apertura da piscina e moitas sorpresas nunha programación que vai a continuar co Verán Cultural, a partir do mes de xullo.

A primeira actividade e o Miniciclo de Teatro coa Escola de Teatro de Santa Comba o sábado 12 e a Escola de Teatro Municipal de Negreira que fará a súa estrea o venres 18 e mailo sábado 19. Ambas citas serán no Auditorio de Negreira.

Para os máis pequenos, o martes 15 e o venres 26 teñen unha cita ineludible coas actuacións de Mamá Cabra no novo auditorio ao aire libre da rúa Teresa Fabeiro (19:00h), o primeiro día, e coa Festa do Apego, na área recreativa Agra de Chans, na Baña, o día 26.

O martes 15 terá lugar a apertura da tempada das Piscinas ao aire libre do Coto que se extenderá até o 15 de setembro, e o último sábado de mes terá lugar o evento da Noite Romántica, onde os restaurantes de Negreira participantes farán menús especias e haberá actuacións musicais.

Para o domingo 27 o programa #Actívate péchase coa clausura da Escola Municipal de Baile Tradicional, coa celebración do Día da Muiñeira nunha versión reducida, a partir do mediodía na praza do Concello.

Este martes 15 de xuño entra en vigor o horario de verán na atención ao público nas dependencias municipais da Casa do Concello, na rúa do Carme 3, e que se extenderá ata o día 15 de setembro co seguinte horario: De 08.00 a 14.00 horas.

A Axencia de Doazón de Órganos e Sangue (ADOS), vén de iniciar a campaña “Súmate ao noso equipo” que abrangue os meses de xuño a setembro e que ten como principal obxectivo obter entre 400 e 500 doazóns de sangue diarias. Esta cifra é constante todos os días do ano e coas doazóns obtidas garántese o axeitado desenvolvemento do intenso labor dos hospitais galegos grazas á solidariedade e xenerosidade de toda a cidadanía.

Con esta campaña de verán, a máis longa de todas cantas realiza ao cabo do ano ADOS, tentase chegar a meirande parte dos concellos de Galicia e aproximar o solidario xesto da doazón a todos os galegos e galegas. En Negreira, unha unidade móbil desprazarse o martes 29 de xuño, en horario de 9:45 a 14:30 e de 16:00 a 21:00 horas. Como é habitual permanecerá estacionada diante do Centro de Saúde.

Ademais, ADOS mantén operativos os seus sete locais de atención permanente nas sete grandes cidades galegas para, deste xeito, ofrecer as máximas facilidades e o mellor servizo a todos os doantes de sangue.

Para doar sangue hai que almorzar e despois de xantar agardar 2 horas. Recoméndase á cidadanía que solicite cita previa no número de ADOS: 900 100 828.

Dende o mércores día 1 de xullo e até o vindeiro día 8 de setembro permanece aberta a matrícula para cursar estudos musicais na Escola Municipal de Música de Negreira, nun prazo dirixido ao novo alumnado que se queira incorporar á escola.

A matrícula pódese facer de maneira presencial, no Rexistro Xeral do Concello, en horario de 8 a 14 horas, ou ben de forma telemática na sede electrónica do Concello de Negreira.

A presentación do curso e asignación de horarios terá lugar o vindeiro 10 de setembro, nun acto a partir das 18:00 horas no Auditorio do Centro Sociocultural.

A continuación detallamos os horarios das asignaturas grupais da Escola Municipal de Música para o curso 2021-2022. 

Hoxe presentamos a variada oferta do Verán Cultural 2021 no parque do Coto, un dos grandes espazos de lecer na nosa vila. O programa foi presentado polo alcalde, Manuel Ángel Leis Míguez; primeira tenente de alcalde, María del Mar García Vidal e os concelleiros, Iván Guardado Porto e Adolfo Manuel Barbosa, cando aos técnicos de Cultura e Deportes, así como de Turismo.

O programa –pódelo consultar ao final do texto-, contempla máis dunha trintena de actividades entre os meses de xullo e setembro, onde sobresaen concertos como os de Mekánika Rolling Band, o venres 9 de xullo; Andrea Pousa e Sheila Patricia, o sábado 10 de xullo, englobados nas festas de San Cristovo, do 9 ao 11 de xullo, incluíndo o domingo o concerto da Banda Ateneo de Negreira; aos que se engaden os de Sés, nun dos primeiros directos da súa xira Liberar as arterias, con Adhara & Ritman de teloneiros, o venres 16 de xullo – con entradas a seis euros en www.ataquilla.com-, e Luar na Lubre, quen actuará o sábado 21 de agosto. Son os pratos fortes cos concertos no patio do CEIP O Coto, pero hai moito máis.

En xullo haberá oportunidade de gozar do Propulsada danza, na Ponte Maceira, un programa de danza e artes de movemento que patrocina o Xacobeo 21-22 e, en agosto, o día 27 o Festival Folclórico; o 28 a segunda edición do Wakau Urban Fest. Tampouco faltarán as citas do Cultura a pé de rúa, con Fran Rei, a modo de clow o 2 de xullo, mentres que en agosto Lila Star, espectáculo acrobático (día 6) e Marta Alonso e Paula Quintas, con Analepsis+ Dancing Queen, o 13.

Unha das novidades que salientou o alcalde de Negreira, vai sela xira “máxica” que o mago Romarís realizará por distintas parroquias durante todo o verán. A iso, súmanselle o campamento urbano Respira, os campamentos de verán en Boiro, os obradoiros Diververán no Centro Sociocultural, ou os cursos de natación na piscina municipal do Coto.

No mes de setembro, pendentes de que se poida celebrar a Feira do Románico na primeira fin de semana, confirmámos o Festival de Bandas de Música, o domingo 19 de setembro coa participación da Banda de Música Ateneo de Negreira e maila Banda de Música Municipal de Padrón, na praza do Concello.

Impulso ó deporte

Durante os meses de xullo e agosto desenvolveranse distintos campus deportivos organizados polos clubes locais, tal é o caso do Campus Compos de fútbol, pola Asociación Deportiva Nicrariense (ADN); o Summer Training Days, de baloncesto, e o Clínic de Tenis de Verán, organizado polo club Tenis Negreira, así como o Torneo de tenis Circuito FF Concello de Negreira, do 26 de xullo ao 1 de agosto, no Complexo Deportivo de Pedra Mámoa.

Consulta aquí programa completo. 

Manuel Ángel Leis Míguez, alcalde do Concello de Negreira, comunica á veciñanza, que debido aos cambios que se produciron nas restricións en vigor por parte da Xunta de Galicia, cómpre lembrar as principais novidades en vigor dende o sábado, día 26 de xuño de 2021.

A vila de Negreira celebra dende o venres 9 ao domingo 11 de xullo as súas populares festas na honra a San Cristovo que desta volta contarán con tres concertos coma pratos fortes: o venres 9 coa Mekánika Rolling Band; o sábado 10 con Andrea Pousa e Sheila Patricia –ambos no patio do CEIP O Coto-, e o domingo 11 co tradicional concerto a mediodía da Banda de Música Ateneo de Negreira, na praza do Concello.

Os concertos ás 22:00 horas no Patio interior do colexio do Coto son gratuitos, se ben é necesario reservar a entrada con rexistro previo nos seguintes enlaces:

- Mekánika Rolling Band: https://bit.ly/3qNLhtV
- Andrea Pousa e Sheila Patricia:

.

O programa das festas de San Cristovo 2021 inclúe aparte das actuacións musicais ao vivo, outras propostas ben interesantes. Na xornada festiva do venres 9 teremos unha dobre cita coa actuación do mago Romarís na planta baixa do Centro Sociocultural, cun aforo máximo de 30 persoas para cada pase (20 e 21 horas), dentro da súa Xira Máxica por distintas parroquias de Negreira. É necesario anotarse para a actuación no número de teléfono: 676 454 879.

Procesión motorizada

Non cabe dúbida que un dos momentos máis esperados das festas é o da procesión motorizada de camións, autobuses e coches engalanados, o sábado despois da misa fixada para as 12.30 horas na capela do Cotón. Nesta ocasión, os profesionais do transporte volven a transitar polas rúas da vila cos seus vehículos no día do seu patrón, cuxa imaxe é transportada por un dos vehículos abrindo a procesión.

E a partir das 20:00 horas do sábado será a charanga Os Celtas e maila agrupación musical Tíralle do aire quenes poñan a nota musical coa animación de rúas.

Para rematar, o domingo dende as 09:00 horas no Campo de fútbol Jesús García Calvo vaise desenvolver a undécima proba da Liga Autonómica de Agility, onde o público poderá comprobar in situ a evolución dos cans cos seus preparadores á hora de superar unha serie de circuitos con probas de habilidade e no menor tempo posible. A entrada é gratuita ata completar o aforo disponible.

A Corporación Municipal de Negreira celebrará o luns, día 12 de xullo, ás 21:00 horas, unha sesión do Pleno, con carácter ordinario, conforme á seguinte orde do día:

1º.- Aprobación, se procede, das actas seguintes:

- Acta da sesión extraordinaria de data 12 de abril de 2021.

- Acta da sesión ordinaria de data 10 de maio de 2021.

- Acta da sesión extraordinaria de data 7 de xuño de 2021.

2º.- Dar conta dos Decretos de Alcaldía emitidos dende o último Pleno Ordinario: do nº 77/2021 ó nº 204/2021, ambos inclusive.

3º.- Dar conta das resolucións de alcaldía sobre nomeamento de Concelleira de Educación e Sanidade, Tenente de Alcalde, e membro da Xunta de Goberno Local.

4º.- Festividades locais 2022.

5º.- Incorporación de ben ao Inventario Municipal.

6º.- POS + 2019.- Ratificación, se procede, do Decreto de Alcaldía nº 167/2021, de data 19 de maio de 2021.

7º.- POS +COMPLEMENTARIO/2021.- Ratificacion, se procede, dos Decretos de Alcaldía nº 163/2021, de data 14 de maio de 2021 e nº171/2021, de data 27 de maio de 2021.

8º.- POS +COMPLEMENTARIO/2021.- Ratificacion, se procede, dos Decretos de Alcaldía nº 165/2021, de data 18 de maio de 2021 e nº174/2021, de data 1 de xuño de 2021.

9º.- Aprobación inicial, se procede, do Regulamento e Manual de identidade visual corporativa.

10º.- Aprobación provisional, se procede, da modificación da ordenanza fiscal reguladora da taxa pola recollida de lixo.

11º.- Orzamento municipal exercicio 2021.

12.- Proposta de acordo que formula o Grupo Municipal do P.P relativa a determinadas actuacións a realizar na Barquiña