O Concello de Negreira promove un ano máis o programa de mobilidade transnacional Galeuropa. A través del a mocidade poderá facer prácticas formativas non remuneradas 100% subvencionadas en empresas do Reino Unido.

A iniciativa está destinada a mozos e mozas de menos de 30 anos inscritas no Sistema de Garatía Xuvenil. Ofértanse 10 prazas entre os concellos de Negreira e Val do Dubra, co que existe un convenio de colaboración.

A duración estimada é de 3 meses e a axuda cubre todos os gastos de viaxe, aloxamento, manutención e seguros, así como cursos formativos en inglés e orientación laboral.

O prazo de inscrición remata o 3 de Agosto. Para anotarse ou obter máis información deben poñerse en contacto co departamento de emprego do Concello de Negreira (teléfonos 881.035.150 / 881.035.162).

Poden consultarse as bases completas pinchando na seguinte ligazón: Galeuropa 2018 ou Bases

O delegado territorial da Xunta na Coruña, Ovidio Rodeiro, visitou onte mércores 18 de xullo o centro IES Xulián Magariños de Negreira no que este novo curso se implantará un novo ciclo de FP de “Sistemas microinformáticos e redes” e que ofrece 30 prazas.

Na provincia da Coruña a oferta de novos ciclos chega ata os 30 con 523 prazas. Cómpre lembrar que este ano, entre primeiro e segundo ciclo, hai máis de 51.000 matriculados en ensinanzas de FP en Galicia.

A oferta que tamén avanza na cidade e comarca de Santiago é a implantación da FP dual xa que se ofertarán 6 ciclos deste tipo de formación con 97 prazas. Esta FP dual é unha aposta do departamento educativo da Xunta de Galicia para impulsar a empregabilidade dos titulados e para axustar a formación profesional ás necesidades dos sectores produtivos.

Amplíase ademais a oferta en ciclos en réxime ordinario e de adultos con importante demanda de emprego, como o caso da familia de Informática e comunicacións en Negreira e Santiago de Compostela.

O vindeiro sábado, 28 de xullo, celebrarase un acto solemne de entrega dos restos de vítimas da represión franquista exhumados en Paramos (Val do Dubra). Trátase, en concreto, de José María Castelo Mosquera, Manuel Pena Camino, Vicente Peña Tarrasa e Manuela Teiga (esta última veciña de Zas - Negreira).

O evento terá lugar a partir das 12:30 no auditorio de Bembibre e despois haberá un xantar de confraternización no restaurante O Brañón (reservas no 981 88 90 00).

Esta iniciativa está impulsada polos concellos de Negreira e do Val do Dubra xunto coa Asociación para a Recuperación da Memoria Histórica.

Nestes días estase procedendo á limpeza e lavado dos colectores de lixo nas zonas rurais de Negreira.

Dende o concello prégase a colaboración da veciñanza para que non depositen nada no interior dos colectores de residuos mentras vexan na súa zona os vehiculos adaptados para limpeza, xa que se precisa que os contedores esten baleiros para procer coas labores de lavado.

Na mañá deste venres presentouse oficialmente a XII Feira do Románico de Negreira. O acto tivo lugar na praza do Cotón ás 11h e nel o alcalde, Jorge Tuñas Caamaño, avanzou algúns detalles da programación deste ano, se ben aínda non está pechada de todo.

O rexedor anunciou, entre outras cuestións, que haberá animación musical e teatral continua nas rúas e que desta volta se vai apostar especialmente polas actividades para nenos e nenas. Durante toda a fin de semana do 24 ao 26 de agosto haberá mercado de artesanía, campamentos e exposicións, exhibicións de cetrería, demostracións de voo e de oficios; entre outras propostas.

A Feira comezará o venres ás 18h, día no que pola noite haberá un espectáculo de lume. O sábado o mercado abrirá ás 11h e desenvolveranse actividades durante toda a xornada co colofón dun espectáculo pirotécnico á medianiote, seguido dun concerto de Wyrdamur. A despedida da Feira será o domingo arredor das 23h cun espectáculo musical e teatral de rúa.

Na súa intervención o alcalde insistiu na necesidade de que haxa un bo clima de convivencia. Fixo fincapé no cumprimento das normas e dos horarios para que o Románico manteña a súa esencia de mercado medieval, máis alá da festa nocturna que o rodea.

Velaquí o cartel oficial da XVI edición da Noite Folk de Negreira. Coma noutras ocasións, o encargado de plasmar en imaxes todo o que representa esta celebración foi Xosé Vizoso. O ilustrador mindoniense tamén se encargou este ano do deseño do cartel das Festas do Apóstolo de Santiago, entre outras.

A combinación de violetas, azuis e vermellos semellan transmitir xa o eco das músicas de Xabier Díaz, Caxade e Malvela, protagonistas desta edición. Así, o vindeiro sábado 18 de agosto o Refuxio de Pescadores de Covas encherase de música folk a partir das 22:00h cuns concertos que serán completamente de balde.

O Concello está a sinalizar o sentido único de circulación na rúa Cidade de Vicente López desde a Carreira de San Mauro, ao igual que na rúa Serzedo en sentido subida hacia A Cachurra, mentres que a conexión coa avenida de Vilachán será de dobre sentido de circulación.

Os traballos de sinalización horizontal e vertical chegan un mes despois de que se procedese ó asfaltado con aglomerado en quente, e tras dotar de novas redes de sumidoiros e recollida de augas pluviais á rúa Serzedo e maila propia Cidade de Vicente López, así como de beirarrúas.

Xa podes consultar neste enlace https://goo.gl/kWmjbn o mapa en liña dos recursos turísticos do concello de Negreira.

Dende a sección de turismo do concello estamos a tirarlle proveito ás novas tecnoloxías e empezamos este ano a xeolocalizar os elementos máis senlleiros do noso concello, para facer un mapa en liña fácil de consultar e tamén de actualizar. Este mapa en lina quere recoller os sitios máis fermosos para visitar do noso concello, as rutas para percorrer, pero tamén a información básica e localización dos servicios e equipamentos do concello. Para facer máis accesible a información, agrupámola segundo varios temas: Que facer, que visitar, onde aloxarse, onde comer, onde tomar algo... así como un grupo que inclúe a información e localización dos servizos do concello, o trazado do camiño de Fisterra-Muxía e a situación das nosas parroquias.

Neste mapa en liña recollemos información útil para os que nos visiten, pero tamén para a veciñanza de Negreira que queira descubrir o noso concello. Podes activar e desactivar estes grupos de información, e deixar á vista só a información que te interese ver. Ademais podes empregar este mapa no teu móbil ou tableta, xa que o podes abrilo dende a aplicación de Google Maps e así, chegar aos sitios que te interese visitar e consultar a información asociada a cada punto, aproveitando así as capacidades de xeolocalización do teu dispositivo.

Sabemos que é un mapa incompleto, seguro que falta información, faltan fermosos sitios, recunchos singulares, historias fermosas... Para lograr facer un mapa completo e sen erros, precisamos a túa axuda. Se detectas erros ou que falta algo, por favor comunícalo no correo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. Integraremos a túa suxestión o antes posible.

O Refuxio de Covas, no paseo fluvial do río Barcala, é un ano máis o escenario natural e nun marco incomparable, do festival Noite Folk, promovido polo Concello de Negreira, a desenvolverse este sábado 18 de agosto dende as 22:00 horas, e coas actuacións de: Xabier Díaz e Adufeiras de Salitre; Caxade e Malvela.

O público asistente contará cun amplo aparcadoiro iluminado, accedendo a través do Parque Empresarial. Xa na propia área recreativa de Covas, non faltarán servizos de cantina, baños e postos de comida.

A sua curiosidade facilitou a chegada de experiencias que se sucederon tendo sempre á música popular no horizonte. Xacarandaina, Rumbadeira, os primeiros traballos de campo, a través dunha incesante actividade docente, asociacións, concursos ou certames.

A traxectoria de Xabier Díaz tivo un momento importante coa Nova Galega de Danza, coa que participou nos espectáculos: Alento engado e Tradición, entre os anos 2005 e 2009. Berroguetto chamou a porta de Xabier a inicios de 2008 e a viaxe durou ata o ano 2014, no que se anunciaba a disolución da banda.

Grandes parceiros e amigos seus foron Guadi Galego, Guillermo Fernández e Xosé Luis Romero, cos que participou no proxecto Acadacanto, e cos que editou Acadacanto (2012) e Rosa d’adina (2014). Ao longo dos anos realizou un feixe de colaboracións en discos e concertos de diferentes artistas: Carme París; Xosé Manuel Budiño; Kepa Junquera; Guadi Galego e Os Cempés, entre outros.

Dende a presentacion de ¨The Tambourine man¨, e con mais de setenta concertos ás costas en apenas dous anos, visitou Alxer, Oslo, Lorient, Le Chatre, Glasgow, Lisboa, Madrid ou Bruxelas. Agora chega Noró, que pon o acento nas músicas do Norte. Chega acompañado das cantareiras de Adufeiras de Salitre.

O proxecto persoal de Alonso Caxade: Folk-pop, cun arrecendo a música minimalista e a sons bucólicos pastoris da vella Europa. Música elegante, modesta e sinxela, surrealismo posmodernista e discurso reivindicativo metafórico e irónico. Mellor artista nos XII Premios Opinión, Premio Martín Códax da música galega, gañador do certame Música Xove e representante galego do SUNS Europe 2015.

O seu primeiro traballo discográfico "A Dança dos Moscas", contou cos músicos que na actualidade seguen formando a súa banda: Manu Paino (trompeta e teclado), Manu Espinho (bombardino e trombone), Xosé Tunhas (batería) e o propio Alonso Caxade (voz e acordeón). Dous anos depois, en decembro de 2015 saiu á venda o DVD+CD "A Dança dos Moscas ao vivo" gravado coa Banda de Música da Bandeira. O seu último disco "E isto é o Amor" saiu á venda en maio de 2016.

Malvela        

Cantaban nas súas casas, tiñan nos seus corazóns as cantigas das avóas, e un día puxéronse a facer festa con elas para achegarnos o seu tesouro musical. Malvela ofrecenos as cancóons que veñen da terra. As cancións que moitas voces interpretaron a través dos tempos, as melodías que nos identifican.

Malvela é música con enerxía para que os cantos tradicionais, eses que elas aprenderon cando eran nenas, sigan a facer festa e ser patrimonio vivo de todos e todas, a engaiolar coa su beleza e o seu ritmo. Malvela son varias xeracións que se xuntan para transmitir o máis rico legado, cantigas interpretadas en celebracións tradicionais que agora eles recuperan para levar aos máis diversos escenarios ou para que son nas casas a través dos seus discos.

Esta fin de semana, do venres 24 ao 26 de agosto, Negreira viaxa no tempo coa súa decimo segunda Feira do Románico. É por isto que a partir de mañá, mércores 22, a Carreira de San Mauro quedará cortada ao trafico por motivos de organización e haberá desvíos alternativos pola Abeanca, A Chancela e Vilachán de Abaixo. Así mesmo, tamén comezarán os traballos de decoración do Pazo do Cotón.

A celebración comezará o venres as 18:00h e, dende ese momento, haberá actividades variadas practicamente cada media hora ata o domingo a media noite, momento no que se pechará a Feira ata o ano que ven cunha actuación musical. Por primeira vez, incorporará dúas serpes e unha chama, xunto á cetrería. Repetirá o espectáculo de lume de Fire Dragóns, o venres e o sábado, ás dez e media da noite; mentres que o fin de semana, recoméndase non perderse os pasarúas de Kabayla Zingary. Na animación de rúa destacan o espectáculo cómico O clan dous Mcwapos do circo Elfa Cuca, os faunos, o número aéreo de Maleficio e os malabares de Pistacatro. O prato forte do sábado serán os números nocturnos de lume e acrobacias. A medianoite chegará o gran espectáculo pirotécnico, seguido do concerto do grupo murciano Wyrdamur. O domingo o peche poñerao Subumbra, de Troula Animación, ás dez da noite. A novidade deste ano é un parque infantil e tamén a instalación dunha tirolina de 80 metros.