O Concello de Negreira informa que este venres 15 de xuño abrirán ó público para a tempada estival, as dúas piscinas municipais ao aire libre do Parque do Coto, prolongándose a tempada até o día 15 de setembro.

O seu horario de apertura durante os meses de xuño e setembro será de 16:00 a 20:30 horas; e durante os meses de xullo e agosto, de 10:00 a 15:00, e de 16:00 a 20:30 horas.

Abonos

Pódense solicitar na Delegación de Cultura e Deportes, cos seguintes prezos:

Mensual: 10 euros

Tempada: 20 euros

Familiar: 30 euros

Familia numerosa: 40 euros

Cursos de natación

Do 2 de xullo ó 29 de agosto, mediante pago dunha cota de 8 euros, entregándose o xustificante do ingreso bancario e maila solicitude cuberta. As solicitudes pódense realizar dende o luns día 11 de xuño na Delegación de Cultura e Deportes, na primeira pranta da Casa da Cultura (Carreira de San Mauro, 11).

- Grupo 1: do 2 ó 30 de xullo, de 10 a 13 horas, de luns a venres (100 prazas)

- Grupo 2: do 1 ó 29 de agosto, de 10 a 13 horas, de luns a venres (100 prazas)

- Natación para bebés: do 2 de xullo ó 29 de agosto, de 13 a 13:30 horas. De luns a venres.

- Natación para adultos e Terceira Idade: de 14 a 15 horas.

A clausura será o día 31 de xullo para o Grupo 1 e o 30 de agosto para o Grupo 2. O venres 31 de agosto terá lugar a Festa da Auga con inchables, a partir das 16:00 horas.

O Concello de Negreira fomenta as actividades de conciliación da vida familiar e laboral durante o verán, cunha nova edición dos Obradoiros de manualidades e xogos Diververán.

Durante os meses de xullo e de agosto (de luns a venres), de 10.30 a 13:30 horas na pranta baixa do Centro Sociocultural, os rapaces e rapazas, en dúas quendas, poderán participar nestas sesións de manualidades e xogos onde van a aprender técnicas de pintura, traballos en coiro e moitas cousas máis.

Horarios

Primeira quenda: de 10.30 a 12:00 horas, os nados de 2013 a 2015.

Segunda quenda: de 12:00 a 13:30 horas, os nados de 2009 a 2012.

O prezo da inscrición é de 15 €. Prazas limitadas por orde de anotación na Delegación de Cultura e Deportes, antes do 26 de xuño. Máis información no número de teléfono: 981 885 886.

O Concello de Negreira informa que os días 19 e 20 de xuño, a unidade móbil de Inspección técnica de agrícolas estará no campo da festa de Pesadoira, na parroquia de Alvite; e os días 21, 22 e 25 farao no campo da feira, en Negreira.

Comunícase aos interesados que o horario de atención ó público será de 9:00 a 13:30 horas, e de 15:15 a 18:00 horas, de luns a venres.

Para solicitar cita previa:

* Por teléfono: 902 30 90 00

* A través da web: www.sycitv.com (Cita previa)

Presentamos aos grupos que o venres 13 de xullo participarán no festival Nicrarock 2018 no Parque do Coto. Nesta edición contaremos con: Exit, Nao, Aphonnic e Astarot. Todos eles teñen unha ampla e dilatada traxectoria musical, participando nos mellores festivais galegos, ou enchedo salas e locais de concertos.

​O público poderá desfrutar dun evento totalmente de balde, escoitando aos mellores grupos do panorama rock galego, pois o venres 13 de xullo, a partir das 22:00 horas, a vila de Negreira convértese no epicentro da música metal na Área de Compostela e Costa da Morte.

EXIT (A Coruña). Un grupo que logo de varios anos de andaina polos escenarios galegos, nos directos sabe como poñernos as pilas para gozar a lume de biqueira da súa música: grandes clásicos do rock de todos os tempos, desde Hendrix a Bowie, de AC/DC a Led Zeppelin. É o grupo residente da Sala Coruñesa Mardigras.

​+ info: PREMA AQUÍ

APHONNIC (Vigo). É un grupo de metalcore procedente de Vigo. Logo dos seus dous primeiros discos editados "Silencce" (2003) e "Foolproof" (2006), o seu último traballo "6 baixo par" non deixou de sorprender en cada un dos seus cortes, non só pola súa calidade, se non tamén pola súa nova e firme aposta musical, dando paso a unha maior explosión de contidos en castelán.

+info: PREMA AQUÍ

ASTAROT (Cangas). Fúndase no ano 1983 por catro rapaces en Cangas do Morrazo, dispostos a tocar versións heavys nos locais que daquela eran o berce do rock na bisbarra do Morrazo. Na actualidade con máis de vinte discos no mercado, presumen de ser todo un referente do rock feito en Galicia.

+info: PREMA AQUÍ

NAO (A Estrada). É unha banda de rock creada para transmitir – sensacións e sentementos – mentres tocan. A banda está formada por: Pablo Carracedo "Jasper", a guitarra e voz; Gustavo Brea "Gus", á guitarra; Antón "Torroncho", ao baixo, e Amós, encargado da batería.

+info: PREMA AQUÍ

Máis información do festival na seguinte ligazón. NICRAROCK WEB 

Destinados a rapaces/as, de entre 9 e 14 anos de idade, desenvolveranse no centro Calvo Sotelo, na cidade da Coruña, en catro quendas; do 1 ao 6 de xullo, do 8 ao 13 de xullo, do 15 ao 20 de xullo e do 22 ao 27 de xullo. O prazo de inscrición está aberto ata o 15 de xuño.

Negreira participará na terceira quenda, do 15 ao 20 de xullo cando a mozos de Ames, A Baña, Boiro, Boqueixón, Brión, Dodro, Lousame, Noia, Padrón, A Pobra do Caramiñal, Porto do Son, Rianxo, Ribeira, Rois, Santiago, Teo, Tordoia, Trazo, Val do Dubra, e Vedra.

O prezo do campamento é de 85 euros e inclúe transporte interno, estadía, manutención en residencia e todo gasto que ocasionen as actividades programadas. En cada quenda participarán un máximo de 100 rapaces, supervisados por dez monitores.

Durante a súa estadía, os rapaces contarán cun amplo programa de actividades que inclúe dende a práctica de equitación, actividades náuticas, equitación, sendeirismo, ademais de practicar fútbol, tenis, voleipraia, voleibol, baloncesto, aeróbic ou baile ata visita a centros de interese cultural na comarca e na cidade da Coruña.

O programa cultural complétase con veladas nocturnas nas que os nenos e nenas desenvolverán actividades e xogos que fomenten a comunicación, a convivencia, o intercambio de experiencias e o respecto polos demais.

Infórmase que debido á avaría na bomba principal do circuito de auga da piscina municipal ao aire libre do parque do Coto, e xa que foi imposible reemplazar o equipo afectado, o Concello decidiu adiar a apertura das instalacións prevista para este venres 15 de xuño ata a vindeira semana, unha vez instalado o novo equipamento que permite encher o vaso e realizar as pertinentes análises sobre o estado das augas.

A día de hoxe non se pode concretar unha nova data de inicio da tempada, comprometéndose o Concello de Negreira a dala a coñecer en canto lle sexa posible.

O Concello de Negreira lamenta as molestias que este cambio poida ocasionar entre os usuarios e usuarias.  

Este sábado 23 de xuño, a partir das 16:30 horas, celébrase nun circuito urbán e pechado ó tráfico, a sexta edición da Volta Ciclista ¨Concello de Negreira¨, de categorías escolas, cadete e xúnior, dentro do circuito de carreiras do Campionato Galego en estrada, baixo a organización do Club Ciclista Negreira e maila Federación Galega de Ciclismo, e coa colaboración do Concello e o apoio de distintas firmas comerciais de Negreira.

Corte de tráfico

Con motivo da celebración deste importante evento deportivo en Negreira, e para poidase desenvolver coa máxima seguridade dos participantes, o Concello solicita a colaboración veciñal facendo o menor uso posible dos vehículos durante a tarde do sábado.

As rúas que permanecerán cortadas de 16 ás 20 horas son as seguintes: Avenida das Brañas; rúa Deportivo da Coruña; rúa Carballiños; rúa Xosé M. López Ardeiro; rúa Castelao; rúa Teresa Fabeiro Caamaño; rúa do Tambre e rúa Camiño Vello (só un carril).

O programa Apego, dos concellos de Negreira e A Baña, celebra este xoves 21 de xuño á chegada do verán cunha festa na área recreativa do Refuxio de Covas, a partir das cinco da tarde.

O Apego é un programa que promove a transmisión do galego entre cativos de cero a seis anos de idade, promovido dende o Servizo de Normalización Lingüística do Agrupamento A Baña-Negreira.

Entre as actividades programadas figuran unha biblioteca móbil e a ludoteca ambulante de Os Biosbardos. Tamén haberá unha serie de espectáculos como A máquina do tempo, con Teatro de Ghazafelhos, e ás 19:30 horas con De aquí para alá, con Lidia Botana.

O Concello de Negreira informa a toda a veciñanza dos horarios e lugares polos que pasarán as rutas de bus para asistir este domingo á romaría de San Xoán do Carballoso, na parroquia de Xallas, onde as misas comezarán a partir das dez da mañá, sendo a solemne á unha da tarde, seguida da procesión. Como tódolos anos haberá unha pulpeira e o xantar campestre. As actuacións musicais estarán a cargo da charanga Tíralle do aire e mailo grupo Iris.

Ruta da Andaina

Sairá ás 9:30 horas do bar Celta, en Negreira, para aquelas persoas que queiran facer a andaina dende a Ponte da Pedra (Liñaio), ata San Xoán. As persoas interesadas deben apuntarse na Delegación de Cultura e Deportes.

Ruta 1 (Negreira)

Saída do bar Celta, ás 10:30 horas, pasando por Negreiroa, Gándara, Gonte, Trece, Liñaio, Barbazán, Porqueira, Romarís e Fornos.

Ruta 2 (Portor)

Saída da parroquia de Portor (Local social), ás 9:45 horas pasando por Negreira, Zas, San Martiño, Broño, San Vicente, Portochancas, Pedralonga, Tuñas, Gorgal, Vilar de Xallas e Fornos.

Ruta 3 (Landeira)

Saída dende Landeira ás 10:00 horas pasando por Marcelle, Vilaserío, Bugallido, Cornado, Campolongo, San Tomé, Pesadoira, Quintela, Libreiro, Gorgal, Vilar de Xallas e Fornos.

Os buses voltan para Negreira, Portor e Landeira, a partir das sete da tarde.

O Concello de Negreira vén de poñer a disposición de toda a veciñanza, a través da web municipal, os planos de tódolos núcleos habitados das dezaoito parroquias do noso concello, coa correspondente sinalización das franxas de seguridade e as distancias para a limpeza de biomasa.

Os planos de cada núcleo pódense descargar directamente da web municipal, se ben, o Concello tamén facilitará a cada parroquia os planos para que poidan ser consultados nos locais sociais.

O 28 de decembro de 2017, a Xunta de Galicia aprobou as modificacións na Lei 3/2007 de prevención e defensa contra incendios forestais de Galicia. Uns cambios que afectan, entre outros, ás franxas secundarias; é dicir, á xestión da biomasa vexetal ao redor de núcleos habitados ou vivendas illadas.

O principal cambio é o que afecta ao solo urbán, e ao de núcleo rural e urbanizable. Amplíase de 30 a 50 metros a distancia que ten que estar rozada e onde non pode haber especies pirófitas, como piñeiros, eucaliptos ou acacias.

Ademais, nos 50 metros de franxa establecidos, as copas das árbores deberán distar como mínimo 10 metros das edificacións e nunca se poderán proxectar sobre os tellados das vivendas.

Máis información