Ata este martes 10 de setembro aínda estás en tempo de inscribirte no Obradoiro de emprego xuvenil 2024 do que é promotor o concello de Santa Comba, e os concellos de Negreira, Val do Dubra e A Baña como entidades colaboradoras. A duración será 12 meses para moz@s menores de 30 anos dos catro concellos para a formación dun total de 16 alumn@s traballadores/as nas seguintes accións formativas:

✅ Actividades auxiliares en conservación e mellora de montes. Nivel 1

✅ Actividades auxiliares en viveiros, xardíns e centros de xardínería. Nivel 1

A preselección de alumnos/as traballadores/as farase na Oficina de Emprego Santiago Norte, onde serán preseleccionadas as persoas inscritas no Servizo Público de Emprego de Galicia coma demandantes de emprego, e teñan solicitado algún dos seguintes servizos: Escolas Taller (320); Casa de Oficios (330); Taller de Emprego (340); Outros programas de emprego en formación dual (370).

Aquelas persoas interesadas en participar neste programa como alumnado e que aínda non estean inscritas nos devanditos códigos poderán facelo dirixíndose á citada oficina de maneira presencial ata o martes 10 de setembro ás 14:00h ou a través da Oficina virtual do SPEG.

Para máis información ou se precisas axuda na inscrición podes dirixirte ao Servizo Local de Emprego do Concello de Negreira (1° pranta).

A Corporación municipal de Negreira reúnese este venres, día 27 de setembro, a partir das 09:00 horas en sesión extraordinaria do Pleno municipal, no Salón de Plenos da Casa do Concello, coa seguinte orde do día:

Único.- Conta Xeral correspondente ao exercicio 2023.

O Concello de Negreira promove o III Concurso fotográfico “Día da Muller rural de Negreira”, co gallo da celebración o vindeiro día 15 de outubro (martes) do día internacional da muller rural. A finalidade do certame é reivindicar o papel da muller, recoñecéndose o seu papel e contribución na promoción do desenvolvemento agrícola e rural, mellora da seguridade alimentaria e a erradicación da pobreza no rural.

O obxectivo é facer partícipes ás persoas para que fagan chegar as súas instantáneas, nas que as mulleres deben ter un papel protagonista.

A continuación, expóñense as bases do III Concurso fotográfico “Muller rural” do Concello de Negreira. A temática principal é a reivindicación do papel das mulleres no mundo rural, buscándose fotografías que incidan no concepto de orgullo da realidade rural das mulleres de Negreira.

O presente concurso réxese polos seguintes prazos: para a presentación de fotografías, o prazo vai dende o 1 ó 10 de outubro de 2024 (ata as 23.59 horas).

Mediante resolución do 16 de setembro de 2024, a Dirección Xeral de Enerxías Renovables e Cambio Climático, dependente da Consellería de Medio Ambiente e Cambio Climático (Xunta de Galicia), arquívase o expediente do parque eólico Alvite (IN408A/2018/032), e cancélase unha garantía económica de 414.150€ depositada por Green Capital Power, S.L. para tramitar a solicitude de acceso e conexión á rede de transporte.

Este anuncio vén recollido hoxe mércores 2 de outubro, no Diario Oficial de Galicia.

Devandito proxecto afectába aos concellos de Negreira, Mazaricos e Santa Comba, e foi solicitado o 27 de xullo de 2018 pola empresa Green Capital Power, S.L., ao abeiro do procedemento IN408A. O 19 de xaneiro de 2021, o promotor solicitou unha modificación substancial para a autorización de instalacións de produción de enerxía eléctrica e as súas infraestructuras de evacuación, sendo admitida con data do 1 de xullo de 2021.

Anuncio Diario Oficial de Galicia:

https://acortar.link/lMAdOw

Doutra banda, o Tribunal Superior de Xustiza de Galicia (TSXG), ten acordado a suspensión cautelar do proxecto do parque eólico Alvite II, tamén promovido por Green Capital Power, S.L., de afectación aos territorios de Negreira, Mazaricos e Santa Comba, segundo o acordo de xuño de 2024 da Sala Terceira do Contencioso-administrativo, quen advirte que “a prevalencia da protección ambiental non significa que si a actuación incide no medio ambiente teña que ser suspendida de forma automática”.

A ciberseguridade e a confianza dixital son hoxe en día, dous dos retos máis importantes aos que se enfrontan gobernos, empresas e cidadáns. Trátase de aspectos de crucial importancia nun contexto global, interconectado e dependente da tecnoloxía como é o actual, e imprescindible para alcanzar a necesaria confianza no ámbito dixital.

Por todo iso, o Instituto Nacional de Ciberseguridade (INCIBE), en colaboración co Concello de Negreira, pon en marcha durante o luns 7 e mailo martes 8 de outubro, un conxunto de accións de sensibilización, concienciación, educación, promoción e divulgación en ciberseguridade para favorecer a confianza na adopción das tecnoloxías dixitais de cidadáns, pemes, profesionais e fortalecer as capacidades da sociedade (cidadáns, menores, pemes, profesionais e autónomos).

#Experiencia INCIBE é un conxunto de experiencias itinerantes que percorre toda España e permanecerá instalada na entrada do Centro Sociocultural da vila nos seguintes horarios:

 - De 09:00 a 14:00 horas reservado para o CEIP O Coto, o IES Xulián Magariños e asociacións do concello de Negreira.

 - De 16:30 a 19:30 horas, entrada libre.

María Rivas López visitou hoxe o stan de Experiencia INCIBE que foi instalado no Centro Sociocultural, onde estivo acompañada polo alcalde, Manuel Ángel Leis Míguez e membros do goberno local como a primeira tenente de alcaldesa, Teresa Duro Leis.

Este espazo interactivo do Instituto Nacional de Ciberseguridade (INCIBE), recalou este luns e martes en Negreira para estenderse nas vindeiros semanas aos municipios de Padrón (15 e 16 de outubro), Boiro (18 e 19), Vimianzo (22 e 23), Serra de Outes (29 e 30) e Santiago de Compostela, os días 6 e 7 de novembro.

A través de demostracións prácticas e talleres para aprender a protexerse no mundo dixital; tamén inclúe actividades lúdicas e xogos interactivos. Maiormente, foron grupos de escolares do colexio O Coto e do instituto Xulián Magariños quenes visitaron o stan.

María Rivas subliñou a importancia de “formar e informar sobre a seguridade no manexo de internet”, e é necesario adquirir novas competencias para facer un uso máis seguro dos servizos da internet. A de Negreira foi a primeira dunha serie de actividades, sinalou María Rivas, que se van a desenvolver na provincia desde o Instituto Nacional de Ciberseguridade. De feito, está prevista a visita a Santiago do camión Road Show entre o 6 e mailo 8 de novembro.