O Boletín Oficial da Provincia publica hoxe o anuncio de pago de depósitos previos das expropiacións necesarias para a construción de 5 quilómetros de sendas peonís peonís na estrada DP5603, de Negreira a Marco do Condado, pola que discorre o Camiño de Fisterra-Muxía.

A Deputación destina 1.012.495 euros a este proxecto, dos cales 893.378 corresponden ao orzamento das obras e outros 119.116 euros á expropiación dos 89 predios necesarios para executar os traballos, que hoxe se detallan no BOP:

A Deputación cita aos propietarios dos terreos afectados o vindeiro 2 de abril, de 16.30 a 19.00 horas, no Centro Sociocultural de Negreira, para compretar o trámite de expropiacións co pago dos depósitos previos.

Este investimento realízase dentro do Plan de Sendas Peonís, que pretende mellorar a seguridade viaria dos peóns nas vías de titularidade provincial. Así mesmo, a Deputación realiza este tipo de actuacións especialmente naqueles tramos polos que discorren as sendas xacobeas, co obxectivo de mellorar as dotacións para os peregrinos e evitar que teñan que transitar pola calzada ou as beiravías, co consecuente perigo.

As obras na DP 5603 de Negreira a Marco do Cornado completará esta mellora da seguridade peonil nas estradas polas que discorre o Camiño e realizaranse en catro tramos situados entre os puntos quilométricos 1+430 e 2+170, 7+300 e 7+820, 8+750 e 10+770 e do 11+110 ao 12+900.

Por mor da celebración do desfile do sábado de Entroido, o Concello de Negreira lembra a prohibición de estacionar desde primeiras horas do sábado en toda a contorna da Praza do Concello, así como na totalidade das rúas de Castelao e o Carme, por onde accederán as carrozas, comparsas e grupos participantes no desfile na parte final do mesmo, ata chegar á Casa do Concello.

En previsión de informar á veciñanza e visitantes, o Concello xa instalou notas informativas nas tres zonas onde estará prohibido aparcar dende primeiras horas do sábado e ata que devanditas rúas queden definitivamente abertas á circulación, unha vez rematado o desfile.

Para velar polo bo desenvolvemento do desfile, está en marcha un dispositivo integrado pola Policía Local e os voluntarios de Protección Civil, quenes velarán pola seguridade dos participantes e mailo público asistente, polo que prégase sigan en todo momento as indicacións deste persoal.

É importante que non se estacione en cruces e zonas de xiro das carrozas e comparsas, de cara a facilitar as manobras das grandes estructuras durante o desfile.

Asemesmo, recoméndase non utilizar os seus vehículos polo centro de Negreira, na tarde do sábado día 2 de marzo, a partir das 17:00 horas en diante e ata que rematen os actos.

Infórmase de algúns cambios que afectan ás rúas Nelson Mandela e Tourío. O Concello, tras escoitar as demandas da veciñanza da zona, e tras consultar á Policia Local un informe sobre a viabilidade de ditos cambios e, tras recibir un informe que os aproba, decidiuse levar a cabo os cambios.

Así pois, a partir do venres 1 de marzo, a rúa Tourío pasa a ter sentido único de circulación dende a avenida Xulián Magariños e saída pola avenida de Barcala, quedando de dobre sentido a rúa de confluencia entre a rúa Tourío e a rúa Nelson Mandela.

Por outro lado, rematados os traballos de mellora e sinalización das marcas viarias da rúa Nelson Mandela, ésta pasa a ter sentido único en dirección desde a avenida de Barcala hacia a avenida Xulián Magariños.

A comparsa Talismán fantasía circense, de Salceda de Caselas, foi a gran triunfadora do desfile-concurso de Entroido 2019 do Concello de Negreira, sendo un dos de maior participación de concursantes e público dos últimos anos, demostrando o gran tirón que segue tendo o desfile de Negreira, situándose entre os máis participativos de toda Galicia. O actor Luis Zahera, premio Goya ao mellor actor de reparto pola película El Reino, animou co seu pregón a vivila festa.

Talismán fantasía circense fixo dobrete a xuízo do xurado, pois levouse o primeiro premio en comparsas e mailo primeiro en carrozas, dotado cada un con mil euros. As carolinas van de romería, dos Carnavaleiros de Liñaio, foron outros dos triunfadores co segundo premio en comparsas (600€), e o terceiro en carrozas (300€). Os Remolóns, de Vilagarcía de Arousa, leváronse o terceiro en comparsas e máis un accésit de cen euros en carrozas con A accidentada chegada a Oz. O premio Juan Varela Areoso á mellor copla recaeu en: Barcala en forma, dotado con cen euros, dos Carnavaleiros de Barcala.

En grupos o gañador foi Os paiasos manicómicos, de Ordes (250€), seguidos de Maricón o último (150€), e Alicia no país das maravillas (100€). Na modalidade de individuais e parellas: O primeiro premio foi: Raiña de corazóns e sombreireiro tolo, de Aguiño (150€); seguido de Parella de palacio, de Santiago (100€), e terceiro foi o disfraz: Pulpo á feira, de Negreira.

Resultado do concurso

Modalidade de comparsas:

1) Talismán fantasía circense (Salceda de Caselas)

2) As carolinas van de romaría (Negreira)

3) Os Remolóns (Vilagarcía)

4) Tesouros do mar (Noia)

Accésit 1 - Os amesais (Ames)

Accésit 2 - GA-LEGOS (Teo)

Modalidade de carrozas:

1) Talismán fantasía circense (Salceda de Caselas)

2) Amigos da troula (Portas)

3) Pazo do Cotón (Negreira)

4) Tesouros do mar (Noia)

Accésit 1 - A accidentada chegada a Oz (Vilagarcía)

Accésit 2 - Welcome to Chueca (Negreira)

A Asociación Galega de Matronas congratúlase da entrega do Premio 8 de Marzo, este xoves 7 por parte do Concello de Negreira, a Beni Castro Calvo, matrona da comarca de Barcala, nun  acto a desenvolverse no Auditorio de Negreira, a partir das sete da tarde.

Segundo indicou a Asociación Galega de Matronas: «Sentímonos dobremente orgullosas por esta distinción, xa que ademáis da merecida homenaxe pola traxectoria da nosa compañeira, trátase tamén dun galardón que axudará a destacar a profesión das matronas, sempre ao lado das mulleres», sinalou.

Dende fai tres anos, o Concello de Negreira instituiu este galardón que anualmente recoñece a labor dunha muller vencellada co noso territorio. Trátase dun acto aberto a toda a cidadía da comarca de Barcala. 

Celebrado o concurso infantil de disfraces das festas de Entroido 2019 do Concello de Negreira, ofrecémosvos o resultado final do certame celebrado no Auditorio do Centro Sociocultural, coa participación do alcalde, Jorge Tuñas Caamaño, e a concelleira de Educación e Servizos Sociais, María Jesús Veiga Hortas, quenes acompañaron ás familias participantes.

Categoría A (1 a 6 anos):

1º clasificado.- Teo e Julieta Pedrouzo Riveiro, con Capitán pirata e princesa do mar.

2º clasificado.- Gael Barreiro Lodeiro, por Paiaso terrorífico.

3º clasificado.- Pedro e Rita Silva Noya, por Sr. e Sra. Potato.

Categoría B (7 a 16 anos):

1º clasificado.- Catuxa Sampedro Pereira, por A raiña do xeo.

2º clasificado.- Manuel e Aihnara Calo Gorgal, por Loriños de Negreira.

3º clasificado.- Lucia Mariño Garrido, por Chica just dance.

A estudante do IES Xulián Magariños, Alicia Romarís, gañadora do II Concurso de Pintura Mural Quen dixo medo?, a campaña de sensibilización contra a violencia de xénero da Área de Igualdade e Benestar da Deputación da Coruña, vén de rematar e plasmar  a  obra presentada ao concurso nunha parede de máis de catro metros de ancho e dous de alto.

O lugar escollido finalmente foi o Pavillón Municipal de Pedra Mámoa, espazo que cedeu e adaptou o Concello de Negreira para que a alumna do IES Xulián Magariños, puidese levar a cabo ou mural.

A autora do debuxo estivo arroupada por persoal do Concello, así como compañeiras e compañeiros do Equipo de Igualdade do instituto negreirés. A nosa noraboa polo premio e o traballo agora plasmado na parede exterior do pavillón de deportes. 

Dende o Concello de Negreira queremos promover e facer ver aos nosos veciños que nós tamén nos sumamos ao movemento vencellado ao día de hoxe ca folga xeral polo Día Internacional da muller.

Hoxe e un día histórico porque, a pesar dos máis de 150 anos de loita pola igualdade, este é o segundo ano que a folga e legal, posto que a folga do ano pasado foi simbólica.

Como todos saben, o Concello de Negreira está moi vencellado ao momevento igualitario, de feito, onte día 7 de marzo, levouse a cabo a terceira gala do Premio 8 de marzo, onde este ano a homenaxeada foi Beni Castro.

O movemento feminista deixounos grandes persoaxes femininas, aquí unas poucas frases de algunas delas:

“He aprendido a aceptar el reto de hacer cosas que nunca antes he hecho. Crecer como persona y la comodidad nunca pueden coexistir juntos.” - Virginia Rometty., Directora executiva de IBM.

“Cuántas preocupaciones se pierden cuando alguien no decide ser algo, sino alguien.” -Coco Chanel., Fundadora de Chanel.

“No puedo decir si las mujeres son mejores que los hombres. Sin embargo, sí puedo decir sin dudar que no son peor.” -Golda Meir., Primeira muller ministra de Israel nada en 1898.

“La igualdad llegará cuando una mujer tonta pueda llegar tan lejos como hoy llega un hombre tonto.” -Estella Ramey., Psicóloga, endocrina e feminista.

Un auditorio de Negreira ateigado de público, preferentemente mulleres da comarca de Barcala, rendeuse en aplausos e postos en pé, cando o alcalde de Negreira, Jorge Tuñas Caamaño, entregoulle a Beni Castro, o Premio 8 de marzo, que anualmente recoñece a traxectoria e o labor dunha muller na súa faceta profesional e persoal.

Interviron entre outras, Yolanda Abruñeiras, unha das súas primeiras usuarias, e mais outras nais asistentes, así como compañeiras de profesión como Diana Luque, secretaria da Asociación Galega de Matronas, entidade á que pertence Beni, asistindo Angélica Núñez, matrona de Boqueixón, e María Teresa Moreira, matrona de Val do Dubra. Ademais, tamén participaron estudantes do equipo de Igualdade do instituto Xulián Magariños.

A concelleira da Muller, Mar García Vidal, e mailo alcalde, Jorge Tuñas Caamaño, deron paso a unha longa alocución da homenaxeada, quen tivo tempo para os agradecementos, e tamén, para deixar caer críticas e reflexións sobre a importancia do papel das mulleres.

O Concello de Negreira aprobou a nova proposta para impulsar o emprego entre mozos e mozas da zona. No pleno ordinario do pasado luns 11 de marzo, deuse luz verde de forma unánime á solicitude dunha subvención á Consellería de Política Social para poñer en marcha un maior número de accións dirixidas á mocidade. O plan pretende mellorar a formación, o emprendemento e a ocupación da xuventude, así como fomentar a participación xuvenil no ámbito municipal e promover a educación non formal.

Esta proposta presentarase conxuntamente co Concello de Val do Dubra, co cal Negreira comparte necesidades nun espazo limítrofe, e co que xa colaborou anteriormente nesta materia obtendo uns bos resultados. “Cremos que é importante para ambas as administracións cooperar, como o fixemos ata agora, para levar a cabo labores locais que permitan a inserción da xente nova no mundo laboral”, explicou o alcalde de Negreira, Jorge Tuñas Caamaño.

A iniciativa, que estaría enmarcada dentro do Programa Operativo de Emprego Xuvenil (POEX), inclúe formacións en novas tecnoloxías, idiomas, prospección empresarial, así como obradoiros para mellorar as habilidades nunha entrevista, entre outras accións. Todas estas actuacións están dirixidas a facilitar a inserción laboral deste sector da poboación.

Medidas para o Xacobeo 2021

No pleno tamén se aprobou a colaboración entre os Concellos de Negreira, A Baña e Val do Dubra, na solicitude conxunta das axudas para levar a cabo o proxecto “Val de vales, unha peregrinaxe polos sabores, o patrimonio e a natureza dos vales da Barcala e Dubra”. Un plan que forma parte do programa de dinamización do Xacobeo 2021 na zona.

Os traballos que se pretenden levar a cabo nese ámbito incluirían medidas de desenvolvemento e impulso de áreas rurais, de promoción do patrimonio artístico, natural e cultural da zona, así como de fomento da gastronomía local.