Esta convocatoria enmárcase dentro do Programa operativo de emprego xuvenil 2014-2020, cofinanciado cunha porcentaxe do 91,89 % pola Iniciativa de emprego xuvenil e o Fondo Social Europeo.

Durante o mes de febreiro e o presente mes de marzo, executouse no noso concello varias actuacións da programación do Obradorio de emprego Xallas-Barcala-Dubra V, promovido polo Concello de Santa Comba en colaboración cos concellos de Negreira, A Baña e Val do Dubra, consistentes en mellorar a ocupabilidade de dezaseis alumnos traballadores, a través dá súa cualificación profesional en alternancia coa adquisición de experiencia laboral mediante a realización de obras ou a prestación de servizos de utilidade pública ou interese social.

Actuacións en Negreira

Executouse a limpeza das seguintes parcelas municipais: Na Área recreativa de Campolongo; área do albergue e a área recreativa en Vilaserío; pista polideportiva de Pesadoira; campo da festa de Alvite; pista polideportiva en Bugallido; campo de fútbol de Landeira; área recreativa de Marcelle; área do cruceiro de Piaxe-A Pena; campo de fútbol de Liñaio; campo de fútbol de Gonte; área recreativa de San Vicente; área recreativa do Refuxio de Covas; paseo fluvial da Restreva; área casa da Barquiña; paseo fluvial do parque empresarial de Covas; contorna do Comprexo Deportivo de Pedra Mámoa; parque do Coto; campo de fútbol de Portor, e contorna do depósito de incendios de Padín, na parroquia de Covas.

As vinte actuacións levadas a cabo no noso concello abarcaron un área de máis de 250 quilómetros, e isto foi debido tanto pola súa diversidade coma a súa diseminación e heteroxeneidade dos puntos nos que se debía levar a cabo os traballos a executar, englobando a máis de dez parroquias de Negreira.

As tarefas realizadas consistiron na limpeza, desbroce, acondicionamento ou mantemento... Obtendo un eixe común de mellora e conservación de montes en todas elas que era o obxetivo do propio certificado de profesionalidade impartido neste Obradoiro de emprego.

Do 5 ao 11 de abril, a Escola Municipal de Música do Concello de Negreira levará a cabo unha serie de xornadas de portas abertas achegando a escola a toda a veciñanza.

Estas xornadas comezarán o venres 5 de abril, ás 18:00 horas cunha audición de frauta, guitarra e percusión, na Aula 3; e seguirán o luns 8 ás 17:30 horas no Auditorio cunha audición de saxofón, clarinete e canto. O martes 9 ás seis da tarde terá lugar unha audición de metáis, no auditorio da Casa da Cultura.

As dúas últimas xornadas, o mércores 10 celebrarase unha audición do alumnado de iniciación musical, piano e gaita, a partir das cinco da tarde no Auditorio do Centro Sociocultural, mentres que o xoves 11 ás 18:30 horas será a quenda dos alumnos de violín e alumnos de intercambio da escola de Boiro.

Curso de composición

A Escola Municipal de Música promove a súa vez, un curso de composición que será impartido polo prestixioso mestre Andrés Valero - Castells, os días 29 e 30 de xuño, en horario de 10 a 14, e de 16 a 20 horas, no Telecentro da Casa da Cultura.

Máis información e matricula na seguinte ligazón:

Un ano máis o Concello de Negreira, a través da delegación de Cultura e Deportes,  e con esta  e xa van catorce, promove o certame de pintura, este vai dirixido ós mozos con idades de entre seis e dezaeoito anos, dividos en dous grupos, facendo a partición nos doce anos.

O motivo da pintura, asi como os materiales e as técnicas son completamente libres, as únicas restricción é: a obra debe ser orixinal e non pode ter sido premiada en nalgún outro premio ou certame. O tamaño é preferible que sexa A3.

Os traballos hánse de entregar na Delegación de Cultura e Deportes, na Casa da Cultura. O prazo abriuse o día 26 e estará neste estado ata o dia 10 de maio. Os traballos entregados deberán estar acompañados do formulario de inscripción.

A decisión do xurado faráse pública o 15 de maio e farase a entrega de premios ese mismo dia ás 20:00h no Auditorio do Centro Sociocultural.

Hánse repartir premios económicos para os tres primeiros postos de cada categoría de idade.

Toda a información ampliada no tríptico oficial e o formulario, na seguinte pdf:

Unha vez máis o Concello de Negreira, a través da delegación de Cultura e Deportes, e con esta xa van catorce, promove o certame de contos, este vai dirixido ós mozos con idades de entre seis e dezaeoito anos, ambolos dous incluidos.

Os contos terán que ser orixinais e inéditos, e non premiados noutros concursos nin certames e deberán estar escritos en lingua galega.

Será obrigado para participar enviar unha copia dos orixinais, escrita a máquina, a ordenador ou mesmo en formato dixital, e terán que ter polo menos 8 folios de extensión, a dobre espazo por unha cara e en letra Times New Roman o similar.

Os traballos hánse de entregar na Delegación de Cultura e Deportes, na Casa da Cultura. O prazo abriuse o día 26 e estará neste estado ata o dia 10 de maio. Os traballos orixinais entregados deberán estar acompañados dos datos persoais dentro do sobre, e, por fóra, solo ira o pseudónimo do autor.

A decisión do xurado faráse pública o 15 de maio e farase a entrega de premios ese mismo dia ás 20:00h no Auditorio do Centro Sociocultural.

Hánse repartir premios económicos para os tres primeiros postos.

Toda a información ampliada no tríptico oficial e o formulario, na seguinte pdf:

A Primavera Deportiva e Cultural 2019 abarcará os meses de abril, maio e xuño, onde destacan actividades como o Ciclo de Teatro, o Torneo Interescolar e maila Gala de Ximnasia Rítmica (sábado 4 e domingo 5 de maio); a VII Copa Akai Ryu de kárate (sábado 18 de maio); o quinto Triatlón Solidario (sábado 25 de maio), ou citas clásicas como o 27º Día da Muiñeira (sábado 1 de xuño); o concerto das Letras Galegas da Banda Ateneo (sábado 18 de maio), ou a festa de clausura das Escolas Deportivas, a tarde do sábado 11 de maio no Pavillón de Pedra Mámoa.

Son máis dunha trintena de actividades dun variado programa que ábrese o venres 5 de abril coa Fase de Zona do Club de Debate, onde participan equipos de Ferrol, Oleiros e por suposto, un equipo do IES Xulián Magariños, en representación local. E o domingo 7 de abril teremos unha Fase Intercomarcal de Xadrez, a partir das seis da tarde no Pavillón de Pedra Mámoa.

O sábado 13 de abril, teremos a representación da obra de teatro vertical ¨Alma, non é hipie¨, ás nove da noite no Auditorio, a cargo da Produtora Pistacatro que estivo de residencia técnica en Negreira.

O sábado 27 de abril comezará o Ciclo de Teatro, que nesta ocasión presenta seis propostas que inclúen dende teatro profesional ao afeccioado. Sempre en horario das nove da noite. Ibuprofeno Teatro abre o ciclo coa obra: ¨O Furancho¨, o día 27 e continuará o venres 3 de maio con Malasombra Teatro e a obra: "Bernarda". Para o 10 de maio teremos á Escola de Muros coa obra: "Lisístrata".

Entre as propostas culturais, salientar que na festividade das Letras Galegas (17 de maio), teremos a oportunidade de desfrutar do espectáculo folclórico ¨Raigame¨, da agrupación Ximiela, de Muros, no Auditorio do Centro Sociocultural.

A Primavera Deportiva-Cultural inclúe dúas citas específicas para os centros de ensino: O luns 8 de abril, ás once da mañá, teatro coa obra: ¨Languaje Planing¨, a cargo da compañía Os Quinquilláns; e o xoves 16 de maio, ás 11:30 horas para o colexio O Coto, con Malasombra Teatro: ¨A historia de Galicia¨. Ambas citas terán lugar no Auditorio.

Consulta aquí toda a programación:

O Concello de Negreira ten aberto o prazo para a renovación de matrícula e solicitude de novo ingreso, de nenos e nenas, de entre 0 e 3 anos, na Escola Infantil Municipal para o curso 2019-2020.

Este prazo de renovación de matricula vai dende o día 1 ao 15 de abril, e para novos ingresos será dende o 1 ao 30 de abril. Deben presentar as solicitudes no Rexistro Xeral, na Casa do Concello, en horario de 9 a 14 horas.

A documentación necesaria pódese consultar a continuación.

O Concello de Negreira súmase por segundo ano consecutivo, á campaña de sensibilización "Light it up blue" (ilumínao de azul), unha campaña de carácter internacional pola que edificios e monumentos emblemáticos de todo o mundo tínguense de azul, en apoio e solidaridade co colectivo de persoas con Trastorno do Espectro do Autismo (TEA) e as súas familias.

A iniciativa consiste na iluminación de azul da fachada da Casa do Concello, entre as nove e as doce da noite, no Día Mundial de Concienciación sobre o Autismo.

No ano 2018 o Concello apoiou a iniciativa emprendida por Raquel Quintáns e Ainhoa Rodríguez, veciñas de Negreira, quenes promoveron o proxecto para colocar un total de 304 pictogramas en edificios e instalacións públicas de Negreira, logrando a adaptación cognitiva dos espazos mediante debuxos e a súa descrición en castelán e inglés.

#ilumínalodeazul

Emparellamentos 

Os equipos Benxamín e Alevín das Escolas Deportivas Municipais de Fútbol Sala, en calidade de campións da Fase Final Comarcal celebrada en Muros, xa coñecen os seus emparellamentos para a Fase Final Intercomarcal a celebrarse o sábado 13 de abril, na localidade de Padrón, dentro do programa Xogade de deporte en idade escolar da Xunta de Galicia, clasificatoria para a Fase Final Provincial.

Categoría Benxamín. Pavillón Grupo Escolar de Padrón

Os de Negreira mediranse na súa semifinal (13:00 horas) coa Escola Municipal de Vimianzo, logo da outra semifinal que enfrontará ao C.F. Outes e A Pobra do Caramiñal, a partir das once da mañá. Ás 16 horas xogarase o partido polo terceiro e cuarto posto, e ás 17:00 horas, a final.

Categoría Alevín. Pavillón Municipal de Padrón

O equipo Alevín medirase na súa semifinal (12:00 horas) ao Fisober Dumbría, logo da outra semifinal entre o C.F. Outes e o Pontecesures. Ás 15:30 horas xogarase o partido polo terceiro e cuarto posto, e ás 16:30 horas, a final.

A entrega de trofeos e medallas a todos os equipos participantes, farase unha vez rematada a final de cada categoría.

Negreira acolle este venres a Fase do Club de debate 2019

O Centro Sociocultural de Negreira alberga este venres 5 de abril, unha das tres Fases de Zona da competición do Club de debate previas á gran final de 2019 dentro da iniciativa que desenvolven os equipos de Normalización Lingüística de diversos concellos galegos, entre eles, o de Negreira.

O Concello de Negreira conta coa participación dun equipo do IES Xulián Magariños, xunto aos centros educativos de Rianxo (IES Félix Muriel), Dodro (CPI Lourenzo Baleirón), e de Ferrol (IES Canido e IES Leixa).

O equipo local do IES Xulián Magariños comezará a xornada no primeiro encontro do día, ó redor das dez da mañá, e debaterá contra o equipo do IES Canido I, e ós nicrarienses tócalles defender a postura “En contra”.

A xornada irá avanzando ao longo do día. Xa pola tarde, e pechando a xornada, o equipo de Negreira enfrontarase ao IES Canido II (16:40 horas), esta vez defendendo a postura “A favor”. Xusto despois de rematar, preto das seis da tarde, terá lugar a entrega de premios.

¨Hai liberdade de expresión nos medios de comunicación¨, é a temática escollida polos centros de ensino participantes na Fase de Zona de Negreira, coa participación de equipos mixtos de entre 4 e 10 estudantes, de 3º e 4º da ESO, e de 1º de Bacharelato e Ciclos Formativos.

Consulta aquí todo o horario detallado:

Existe un descoñecemento xeneralizado da realidade de españois e galegos nos campos de concentración e de exterminio nazis. Por estes motivos, a ARMH (Asociación para a Recuperación da Memoria Histórica), organiza en colaboración co Concello de Negreira, a exposición sobre Francesc Boix, preso de Mauthausen e fotógrafo catalán que axudou a documentar coas súas fotografías o horror sufrido nos campos nazis e de gran utilidade como proba no xuízo de Núremberg. Esta exposición está acompañada do vídeo documental Boix, fotógrafo del infierno.

A exposición inaugúrase o luns 8 de abril ás 20:00 horas, na Casa da Cultura de Negreira. Interveñen: Jorge Tuñas Caamaño, alcade de Negreira; Carmen García-Rodeja, investigadora galega da ARMH, e familiares dos deportados. Incluirá a actuación do grupo Na quinta.

Complementa a exposición o visionado da película: El fotógrafo de Mauthausen, e maila conferencia de María Torres: A investigación sobre os deportados ós campos de concentración nazis, o mércores 10 de abril, ás oito da tarde.

A investigación sobre Boix

A exposición de Boix serve para soporte á investigación da ARMH sobre os deportados galegos. Un grupo de colaboradores da Asociación Para a Recuperación da Memoria Histórica está traballando para sacar á luz as historias de tantos homes e mulleres que desde Galicia acabaron nun campo de exterminio, principalmente en Mauthausen. O arduo traballo consiste en localizar a documentación, dispersa en diferentes arquivos, e localizar ás familias co obxectivo de homenaxear a estas persoas tal como se fixo en toda Europa. Sacar do esquecemento e honrar a tantas persoas é un dos obxectivos do traballo da ARMH.

Os datos dos deportados

En España, dos que hai constancia documental, foron deportados 9.328 prisioneiros, morreron 5.185 e sobreviviron 3.809. Representan unha taxa de mortandade do 59%.

Mauthausen e os subcampos que dependían del recibiron o maior número de prisioneiros españois. Deportados 7.532, morreron 4.816. Representa unha taxa de mortandade do 64%. A maioría morreron en Gusen, subcampo situado a 5 quilómetros de Mauthausen. A el irían 5.266 españois, 3.959 morreron.

Dachau e Buchenwald recibiron a uns 1.100 españois dos que, polo menos, 500 morreron ou foron dados por desaparecidos. e Ravensbrück foi o campo das mulleres. Por el pasaron unhas 170 españolas das que faleceron, polo menos unhas 14.

Tamén houbo españois noutros campos como: Bergen Belsen, Auschwitz, Flossenbürg, Natzweiler, Neuengamme, Sttuthof, Sachsenhausen, Gross- Rosen, Aurigny, Guernesey e Neu Bremm.

En Galicia, foron deportados 179 prisioneiros e faleceron 106. Representan unha taxa de mortandade do 59%.

Provincias:

A Coruña: 78 deportados deles 46 falecidos.

Lugo: 42 deportados deles 30 falecidos.

Ourense: 30 deportados deles 20 falecidos.

Pontevedra: 33 deportados deles 22 falecidos.

Cartel completo: