O pasado día 30 de setembro, foi publicado no DOG o anuncio de "Apertura de Listas de Contratación Temporal e Actualización de Méritos" para as listas de SEAGA (Empresa Pública de Servicios Agrarios Galegos). 

Para solicitude e consulta de Bases da Convocatoria, podedes entrar no seguinte enlace: http://www.epseaga.com/ofertas_emprego.php 

Si se precisa axuda para cumplimentar a documentación, podese solicitar no Servizo Local de Emprego de Negreira. 

En setembro foron 1.595 os peregrinos que se achegaron ata a Caseta de Información que o Concello ten instalada na avenida de Santiago, e que debido á afluencia rexistrada decidiuse prorrogar a súa apertura ata o vindeiro día 15 de outubro.

Os peregrinos nacionais cun 35,55% foron os máis que máis solicitaron o servizo, cun total de 565, seguidos dos alemáns con 206 (12,96%), os italianos 169 (10,63%), e na cuarta posición están os que procedían de México, un total de 120. O quinto posto das nacionalidades que máis demandaron o servizo está compretado polos franceses con 102 peregrinos.

Por franxas de idades, os de 35-60 anos foron 652 (41%), seguidos dos de 18 a 35 anos con 528, e os maiores de sesenta anos cun total de 375 (23,6%). 

De todo o mes de setembro, a xornada de maior demanda do servizo foi a do sábado 10 de setembro con 144 peregrinos e o luns día 12 con 97. Do total, máis do 97% era a primeira vez que facían o Camiño de Fisterra, cun total de 1.551 persoas.

Un 88% chegou a Negreira a pé, e o 5% en bicicleta. En canto á motivación, o espiritual lévase a palma con 622 (39%), seguido do relixioso con 340 (21%), deporte 186 e por motivos culturais 184, por 165 que dixeron facelo por turismo. 

O vindeiro xoves 6 de outubro remata o prazo de inscrición da Liga de Fútbol sala do Concello de Negreira 2016/17. Esta tempada agárdase unha gran competición con novos equipos e retos.

Para este ano mantense as mesmas condicións do ano pasado:

1.- Categoría para xogadores Sénior (maiores de 16 anos)

En caso de ser menores de idade deberán presentar unha autorización dos seus pais, para poder disputar a liga.

2.- Poderán participar todos os equipos, sexan federados ou non e do Concello de Negreira ou de fora del.

3.- A inscrición deberán formalizala na oficina de Cultura e Deportes do Concello de Negreira ata o 6 de outubro de 2016.

4.- Os equipos deberán entregar a folla de inscrición que contará cun máximo de 12 xogadores, e deberán abonar a cota de inscrición na seguinte conta:

Abanca /  ES33 2008-0305-01-3110000021

5.- A reunión terá lugar o venres 7 de outubro no Telecentro da Casa da Cultura as 21:00 h. Nesta reunión os equipos entregarán a ficha de inscrición debidamente cuberta e darase a primeira xornada de liga.

6.- Os partidos disputaranse os luns, martes, mércores e xoves, xogándose tres partidos cada día: as 21.00 h., 21:45 h. e 22:30 h. 

7.- A competición iniciarase o luns 17 de outubro.

O teléfono de información é o 981 885 886. Tamén se pode enviar un correo electrónico a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Comunicamos que a Unidade Móbil de Inspección Técnica de Ciclomotores desplazarase ao noso concello, o martes día 8 de novembro, quedando instalada no Campo da Feira, en horario de 9:00 a 13:30 horas da mañá.

Para solicitar cita previa:

- Por teléfono: 902 30 90 00

- A través da web: http://www.sycitv.com/gl/ (apartado de cita previa)

O Concello vén de compretar a mellora da eficiencia enerxética no alumado público de toda a rúa Rosalía de Castro e maila primeira parte de Teresa Fabeiro mediante un proxecto cun investimento de 70.000 euros, cuxa meirande parte dos fondos son financiados con cargo ás axudas que concede o Instituto Enerxético de Galicia (Inega), dependente da Consellería de Industria.

Os traballos consistiron no cambio das antigas luminarias de ferro fundido por uns novos soportes a maior altura e que trasladan a iluminación sobre a propia rúa e beirarrúas, limitando a contaminación lumínica e, mellorando a luz, co conseguinte aforro enerxético para as arcas municipais.

A execución do proxecto foi contratada á empresa Técnicas Enerxéticas Integrales Galicia S.L.

O Concello está a executar as obras de ampliación e mellora do servizo de cantina no campo de fútbol municipal de Cepelo, trala demanda da Sección de fútbol base da Sociedade Deportiva Negreira para aumentar a zona cuberta onde resgardarse do mal tempo, á vez que gaña a cantina en espazo habilitado para colocar mesas e cadeiras. 

A trixésimo sétima edición da Carreira Popular de Negreira conta xa con máis dun cento de participantes inscritos nas súas cinco probas a disputarse o domingo 13 de novembro. Para os corredores da proba absoluta de 10.000 metros segue o prezo reducido de inscrición ata o vindeiro día 31 de outubro con seis euros. Do 1 ao 10 de novembro que é cando se precha a mesma, o prezo será de 9 euros. 

Para o resto de probas dende a Infantil, Cadete e Xuvenil ata Chupetes, a inscrición é de balde, e pódese rexistrar a través da web concellodenegreira.gal.  

Entre os servizos dos que disporán os atletas da carreira absoluta destacan os caixóns de saída por marcas (dorsais por cores), tres globos de lebres (40´-45´-50´), ademáis de servizo de cronometraxe por chip, bolsa do corredor que inclúe camiseta técnica, bebida, barrita enerxética e batido, así como servizo de gardaroupa, de duchas e fisioterapia, xunto con tres avituallamentos, dous líquidos nos quilómetros 5 e 8 e sólido e líquido na liña de meta. 

Deixámosvos o mapa compreto da XXXVII Carreira Popular elaborado pola organización e onde se recollen os quilómetros e puntos de avituallamento, lugares de recollida de dorsais e percorrido ao circuito de 5 quilómetros ó cal haberá que cubrir en dúas voltas.

Precísase un condutor de autobús con experiencia en transporte escolar e con coñecemento da zona de Santa Comba e arredores. 

Dispoñibilidade para traballar 2 horas ao día de luns a venres.

Imprescindible experiencia demostrable de alomenos 2 anos en posto similar ao ofertado, estar en posesión do CAP e tarxeta de tacógrafo dixital.

Ofrécese contrato por obra ou servizo ata finalización do curso escolar.

Salario según convenio (8,69 € brutos/hora)

Interesados dirixirse ao Servizo Local de Emprego do Concello de Negreira.

A Xunta de Goberno Local celebrada con carácter ordinario con data de 6 de outubro de 2016, aprobou os expedientes de contratación dos proxectos: Cuberta de pista de pádel e, o de Melloras da accesibilidade e seguridade vial en instalaciónsmunicipais do Concello de Negreira (pavimentación e aparcamento adaptado no Local Social de Romarís; pasos sobreelevados e accesibilidade de minusválidos en vías urbanas do núcleo de Negreira, e pavimentación do viario e colocación de marquesiña do núcleo rural de Bugallido), ambos proxectosincluídos no Plan de Acción Social (PAS 2015 de carácter social).

Mediante a publicación desteacordofíxase o prazo de 8 días naturais contados a partir do venresdía 21 de outubro de 2016 para a presentación de propostas. Poderánobterse copias do proxecto técnico e dos anexos óPrego, na Secretaría do Concello de Negreira (rúa do Carme, 3).

David Perdomo actúa esta noite ás 21.30 horas co seu monólogo En crudo, no cuarto Ciclo de monólogos que dende o pasado 7 de outubro vén celebrándose cada venres no Auditorio de Negreira. As entradas pódense media hora antes da función.

David Perdomo conta cunha gran experiencia e bagaxe a pesar da sua xuventude. Formado nos inicios en Casa Hamlet e na Compañía Estragón, coa que estivo xirando durante dous anos por teatros de toda España, especializouse no humor e a comedia da man de Manicómicos. Durante dous anos consecutivos viaxa a Avignon (Francia) o Festival Internacional de Teatro, un dos máis importantes do mundo, a presentar os seus traballos.

Nos últimos anos labrouse un nome na televisión autonómica e nacional, onde traballou en “Arre Demo” (TVG), “O país dos pequenos” (TVG), “Land Rober” (TVG), “No le digas a mamá que trabajo en la tele” (Cuatro), “Ecce Perdomo” (V Televisión)… Actuou en teatros e salas de toda Galicia, Madrid, Valencia, ou Murcia Conta con un club de fans nacional tralo seu paso por “No le digas a mamá que trabajo en la tele”. Actualmente está preparando unha nova serie para YouTube, Moncho”, que se poderá ver próximamente na súa web www.perdomo.tv.

En crudo

O monólogo que poderemos ver en Negreira supon unha volta aos seus inicios co obxectivo de entregarse o público en teatros e salas a través das suas sátiras e grandes descargas de humor. David Perdomo logrou centos de miles de visitas na Rede coa sua interpretación de personaxes característicos da sociedade galega como o lusista, o koruño ou o pijo…