As gañadoras do primeiro Concurso Fotográfico sobre a Muller, convocado polo Centro de Información á Muller, do Concello de Negreira, fallados polo xurado no día de hoxe, son as seguintes:

- Categoría maiores de 18 anos. Premio consistente nunha cámara de fotografía instantánea para:

Isabel Insua Barca, coa imaxe: Retratos dunha vida de sacrificio anónimo.

- Categoría menores de 18 anos. Premio consistente nunha cámara de fotografía deportiva para:

Aldara Tuñas Búa, coa imaxe: O teu sorriso dáme vida.

A entrega terá lugar este sábado 23 de novembro, ao remate da VIII Andaina ¨Negreira Camiña contra a Violencia de Xénero¨, no Centro Sociocultural.

Para cumprir co proceso de liberación do Dividendo Dixital, a Xunta de Galicia está poñendo en marcha unha serie de actuacións para realizar os cambios necesarios nos centros de extensión de cobertura do sinal de TDT. Informámoslle que, ditas actuacións realizaranse o martes día 26 de novembro no centro de extensión de cobertura de TDT de Babión.

O proceso consiste no apagado neste centro da frecuencia de emisión actual do múltiple autonómico e acendido na nova frecuencia asignada: 

- Canle 31 (MUX AUTONÓMICO): TVG, TVG2, GHD, G2HD. 

Para poder seguir desfrutando desta canle, os interesados deberán, en primeiro lugar, dispor da cobertura axeitada do devandito centro, podendo confirmar tanto o centro emisor como a calidade da cobertura por vía telefónica - 881 866 388 - ou na web www.tdtgalicia.gal.  A continuación, bastará con realizar unha busca da nova canle no receptor de TDT.  

De cara a facilitar a información aos veciños, anexamos as entidades de poboación do concello que, segundo os cálculos de cobertura, teñen a este centro de extensión de cobertura de TDT de Babión como mellor servidor e que se beneficiarán deste cambio: 

O actor Carlos Blanco actuará o venres día 3 de xaneiro de 2020 no Auditorio do Centro Sociocultural, a partir das 21:00 horas, dentro da programación de Nadal do Concello de Negreira.

Carlos Blanco decide revisar algún dos seus mais coñecidos monólogos. As bravas da Arousa (queres kiwis?), a dobraxe porno; galizara, as grandes frases das nosas avóas…en 60 minutos de risas garantidas, porque Carlos introduce ademáis cada noite elementos de actualidade e improvisación. Carlos adapta, xoga, fai jazz coa palabra e resulta imprescindible nestes tempos onde a risa é algo máis ca terapéutica. O mellor do mellor. Os monólogos escollidos de Carlos Blanco.

Venda de entradas anticipadas: 10€ en Restaurante Casa Barqueiro e Delegación de Cultura.

Na billeteira: 12€

Non recomendado para menores de 13 anos.

A Dirección Xeral da Policía Nacional comunicou ao Concello de Negreira, as datas do vindeiro ano nas que o Equipo Móvil da Comisaría da Policía Nacional de Santiago de Compostela se desprazará ata Negreira para a renovación do Documento Nacional de Identidade, que son as seguintes:

A listaxe para cada renovación sempre está aberta ata chegar ao límite de prazas, que son 45 por cada día de realización do documento, e que para apuntarse é necesario ou ben chamr ao Concello (Tlf. 981 885 250), ou ben persoarse nas Oficinas Xerais, na primeira pranta.

A Asociación ¨Los pueblos más bonitos de España¨ remitiu ao Concello de Negreira, unha comunicación formal informando que na súa Asemblea Nacional celebrada o pasado día 30 de novembro de 2019 en Puebla de Sanabria (Zamora), o noso concello foi admitido como novo membro da asociación, unha vez aceptada a candidatura de A Ponte Maceira como un dos pobos máis fermosos de España, polo que a partir de agora traballaremos xuntos para mellorar e conseguir os obxectivos que nos marquemos no futuro.

Este domingo 15 comezan as actividades do programa de Nadal en Negreira co Festival da Escola Municipal de Teatro, ás seis da tarde no Auditorio do Centro Sociocultural, coas representacións dos distintos grupos da escola que dirixe Sandra Lesta:

- Uvas 2020 - alumnos de Infantil e 1º Primaria

- Tendas navideñas - usuarios da Fundación de Discapacitados

- O espíritu navideño - alumnos de 2º de Primaria

- Axentes do Nadal - alumnos de 3º e 4º de Primaria

- Fin de ano en Lugo e Badulaque - de 5º e 6º de Primaria

 - Contos de Nadal (Charles Dickens) - alumnos de Secundaria

O mércores 18 teremos a Videoconferencia con Papá Noel, ás 13 horas no Telecentro, e pola tarde, a partir das 18:30 horas o acto do fallo do oitavo Premio de Poesía Xosé Manuel López Ardeiro, no Auditorio. Actuará o grupo Oîma.

O venres 20 teremos a visita de Papá Noel á Escola Infantil Municipal, ás 12 horas, e videoconferencia con Papá Noel, no Telecentro, así como a Audición da Escola de Música, ás 18:30 horas no Auditorio; seguida ás 21 horas da segunda Gala de Fútbol de ADN.

O sábado 21 pola tarde, dende as 18 horas e no Auditorio, celébrase o vixésimo noveno Gran Festival de Nadal, con entrada de balde.

O domingo 22 pola mañá, de 11 a 13 horas na Casa da Cultura, teremos o Torneo de Xadrez do Nadal.

O debuxo realizado polos nenos e nenas de 2 a 3 anos da Escola Infantil Municipal de Negreira, será o que ilustre o cartaz da programación do Concello polas festas de Nadal, ao ser o debuxo gañador do Concurso de Cartaces do Nadal, cuxo premio entregarase o vindeiro día 5 de xaneiro durante a celebración da festa posterior á Cabalgada dos Reis Magos, no pavillón do CEIP O Coto, e cando tamén se entregarán os tres premios do concurso de decoración navideña. O premio consiste nun vale agasallo por valor de 90 euros.

Noraboa e Bo Nadal !!

Tralo éxito de participación da súa primeira edición, o sábado 28 de decembro celebramos a II Carreira do Turrón, de carácter non competitiva e solidaria, e ideal para potenciar o exercicio físico nestas datas de tantos excesos.

Agardámosvos o sábado 28 a partir das 16:00 horas coa concentración e recollida dorsais no pavillón do CEIP O Coto. A partir das 16:30 horas vanse celebrar tres carreiras que con distancias dende os 100 metros ata os 4.000 metros, van a dar cabida a nenos e adultos, nunha xornada de festa, onde o menos importante e gañar.

A inscrición é de balde e para participar, só tedes que traer 1 quilo de alimentos non percedeiros, que serán entregados aos Servizos Sociais do Concello para distribuilo entre as familias con menos recursos do noso municipio. Tralas carreiras haberá unha chocolatada para tódolos participantes.

A inscrición está aberta ata o venres 27 de decembro ás 14:00 horas, ben na propia Delegación de Cultura e Deportes, na Casa da Cultura, ou ben chamando ao número de teléfono 981 88 58 86, así como en Internet no seguinte enderezo: https://carreiradoturronnegreira.blogspot.com/p/inscricion.html