Con motivo da celebración do XXVII Día da Muiñeira, prégase non estacionar en todo o recinto da praza do Concello dende primeira hora da mañá do sábado 1 de xuño para deixar a praza liberada de vehículos. Vánse pechar os accesos e débese retirar os vehículos que estén estacionados en todo o recinto. Ademáis, a parada de taxis vaise a reubicar de forma provisional durante a tarde do sábado, na rúa do Carme.

Dende o Concello de Negreira agradécese a colaboración dos residentes e que disculpen as molestias que poidan ocasionar aos veciños.

O alumnado e profesorado do módulo de Turismo do Obradoiro de Emprego Xallas-Barcala-Dubra IV, e mailo técnico municipal de Turismo, acompañados polo arquitecto municipal, Alfredo Varela, e mailo tenente de alcalde en funcións, Manuel Ángel Leis, realizaron unha visita a diferentes restos arqueolóxicos da zona alta do concello como os restos do castelo de San Martiño, a calzada romana da Brea, en A Devesa, ou ás zonas onde se atopan os restos de mámoas como a de Espiñaredo, na chaira do monte Corzán. Tamén estiveron a ver a ponte da Pedra, en Vilar de Ordoeste.

O Concello informa que con motivo da celebración da festa do San Xoán 2019 na noite do domingo 23 de xuño, toda a veciñanza que desexe realizar unha fogueira ou cacharela, precisa unha autorización deste concello, co obxecto de garantir unha maior seguridade durante o evento.

Para o seu trámite poderanse recoller as solicitudes no Rexistro Xeral do Concello de Negreira para a súa posterior entrega.

O prazo de entrega e rexistro de solicitudes é ata o mércores día 19 de xuño.

A Escola Municipal de Ximnasia Rítmica puso o broche a unha gran tempada con dous podios na fase final do II Torneo Interescolas no que participaron distintas escolas das provincias de A Coruña e Ourense. O conxunto Infantil logrou por segundo ano consecutivo facerse co título de campioas, e as integrantes do conxunto Cadete proclamáronse subcampioas.

A terceira fase e última, desenvolveuse o pasado sábado 1 de xuño na localidade de O Carballiño (Ourense), na que as cadetes acadaban o bronce. Na fase final chegaban os mencionados dous podios cun primeiro posto en Infantís e un segundo en Cadetes, para os conxuntos preparados por María Fernández.

A nosa noraboa a todas elas, tamén para o conxunto Alevín, polo seu excelente traballo durante todo o curso.

Agardámosvos este sábado 8 de xuño con motivo da estrea do documental sobre a industria e maila actividade económica do noso concello, a cargo da produtora de contidos audiovisuais Xurdir, en colaboración co Concello de Negreira, Cooperativas Lácteas Unidas (CLUN) e diversas firmas comerciais.

¨Negreira, un camiño de todos¨, é o título do documental que se vai proxectar este sábado, a partir das 20:30 horas, no Auditorio do Centro Sociocultural, contando coa participación do alcalde en funcións, Jorge Tuñas Caamaño; e un relatorio a cargo do vicepresidente de Cooperativas Lácteas Unidas (CLUN), José Montes Pérez. O acto será presentado por Ignacio Seijo, director da produtora Xurdir.

O noso concello foi seleccionado pola Secretaría Xeral dá Igualdade, de cara a impartir un curso de defensa persoal e autocapacidade dirixido a mulleres, de oito horas de duración e impartido por membros das forzas e corpos de seguridade do Estado.

Trátase dun curso de adestramento físico e psíquico para crear protocolos de actuación ante diversas situacións, impartindo técnicas de prevención e autoprotección, cuxas datas de celebración son os venres 7 e 21 de xuño, en horario de 16:00 a 20:00 horas.

As prazas son limitadas, e para máis información hai que dirixirse ao Centro de Información ás Mulleres (CIM), na pranta baixa da Casa do Concello, ou no número de teléfono: 981 886 320.

Esta actividade inclúese no acordo de colaboración entre a Xunta e a Federación Galega de Municipios e Provincias para conformar unha rede de entidades locais contra a violencia de xénero.

O bono social de luz está destinado ás persoas cunha situación económica complicada para poder pagar as súas facturas da luz con máis comodidade. Esta axuda ofrécea o Goberno Español para que as familias poidan beneficiarse dun desconto nos recibos de luz. As persoas que poden pedir o bono social son os consumidores vulnerables.

A normativa do bono social de outubro de 2017, o Real Decreto 897/2017 do 7 de outubro, indica que esta consideración outórgase a quen cumpre uns requisitos determinados en canto á súa situación familiar e o seu nivel de renda anual.

Máis información: https://selectra.es/energia/info/bono-social

O bono social térmico é unha medida proposta polo Goberno Español na que se dan axudas económicas ás persoas vulnerables e en risco de exclusión. Así, estas persoas e unidades familiares poderán facer fronte aos pagos das facturas de gas que teñan que ver coa climatización do fogar.

A axuda mínima do bono social térmico que determinou o Goberno serán 25 euros, pero esta contía pode verse aumentada dependendo do grao de vulnerabilidade da persoa e da Comunidade Autónoma na que estea, incrementándose ata nun 60% o valor inicial.

Máis información: https://preciogas.com/faq/bono-social-termico

O Abono Social telefónico ou de Telecomunicacións atópase dentro da Carta de Dereitos dos Usuarios dos Servizos de Telecomunicacións Electrónicas, no artigo 29, promovida por Real Decreto no ano 2009, e é un compoñente do Servizo Universal promovido polo Ministerio de Enerxía, Turismo e Axenda Dixital.

O Servizo Universal é un conxunto de servizos básicos de Telecomunicacións promovidos polo Goberno que se prestan a todos os usuarios que o necesiten en relación ás súas circunstancias económicas. Dentro do Servizo Universal de Telecomunicacións, o Abono Social é unha bonificación para xubilados e pensionistas na liña telefónica fixa individual que se basea en dous aspectos: a redución do 70% da cota de alta da liña fixa e do 95% do pago mensual da mesma.

Máis información: https://www.comparaiso.es/manuales/abono-social-telefono

Despois de ser os vencedores da segunda edición da Copa de Futsal conxunta entre os concellos de Negreira e Santa Comba, o equipo de Covas FT alzouse onte na pista de Pedra Mámoa, co título de campións da Liga de Negreira ao vencer por 6 goles a 4 ao conxunto do Autoescola Antonio. Previamente, disputouse o partido polo terceiro posto no que venceu Construccións Quintáns por 6 - 3 ao equipo de Castiñeiriño FS.

Na entrega de trofeos participaron o alcalde en funcións, Jorge Tuñas Caamaño, e mailo tenente de alcalde en funcións, Manuel Ángel Leis Míguez. Ademáis dos trofeos aos campións, subcampións, e terceiro e cuarto clasificados, entregáronse os trofeos de mellor xogador, máximo goleador e porteiro menos batido.

Cadro final

1º - Covas FT

2º - Autoescola Antonio

3º - Construccións Quintáns

4º - Castiñeiriño FS

Mellor xogador: Pedro Currais (CovasFT)

Máximo goleador: Joaquín Becerra (A. Antonio)

Porteiro menos batido: Mateo Couso (A. Antonio)

Do 1 de xullo ao 12 de setembro permanecerá aberto o prazo de matrícula para o curso 2019/2020 na Escola Municipal de Música, que como novidades incorpora a especialidade de acordeón e unha nova modalidade de matrícula de clases grupais para todos aqueles que non estedes interesados en vir ás clases individuais. Coro, clases grupais de acordeón e tamén gaita e percusión tradicional, a un prezo mensual reducido (10 € ao mes).

Os interesados en clases individuais de gaita, acordeón e canto, tamén terán incluidas, dentro do prezo da modalidade, as clases grupais, igual que nos demáis instrumentos.

O alumnado que xa pertence á Escola xa pode formalizar a matrícula, ben na Biblioteca municipal en horario de tarde, ou a través da páxina web da escola: www.esmusnegreira.com.

A presentación do novo curso e dos horarios terá lugar o venres 13 de setembro, ás 18:00 horas no auditorio da Casa da Cultura.

A aprobación da acta do pleno ordinario do pasado 13 de maio reuniu onte mércores por última vez á Corporación municipal do mandato 2015-2020 e cuxos membros aproveitaron para despedirse e fotografarse todos xuntos, nunha sesión de puro trámite na que os distintos representantes desexáronse o mellor e congrutalaronse de que fose unha lexislatura de entendemento e diálogo na que por primeira vez o goberno non contou con maioría absoluta.

Sesión constitutiva

Os concelleiros e concelleiras electos das pasadas Eleccións Municipais do 26 de maio, foron citados para a sesión constitutiva da nova Corporación municipal, sinalada como marca a Lei para este sábado día 15 de xuño, ás 12.00 horas no Salón de Plenos da Casa do Concello, conforme á seguinte orde do día:

Punto primeiro. - Constitución da nova Corporación.

Punto segundo.- Elección de Alcalde.