O Concello de Negreira publica no Boletín Oficial da Provincia de hoxe as bases para a contratación de persoal laboral temporal para o servizo das “Brigadas de prevención e defensa contra incendios forestais” ao aveiro do convenio de colaboración entre a Consellería de Medio Rural e o Concello de Negreira para as seguintes prazas:

-2 xefes de brigada.
-6 peóns forestais.
-2 peóns conductores.

O prazo de presentación de solicitudes é de 5 días hábiles (ata o 14 de xullo), no rexistro de entrada do Concello, ou na sede electrónica do Concello de Negreira. As contratacións teñen carácter temporal por un período de 3 meses.

Toda a información está nas bases anexas.

O programa do Verán Cultural deste ano segue traendo máis propostas, e para a xornada do venres 15 de xullo prepara unha das súas citas principais como son os concertos do Nicrarock.

Este evento xa é un dos festivais máis importantes da nosa comarca, e trae unha interesante proposta para os que gusten de estilos musicais vinculados co heavy, metal e rock galego.

A velada contará con tres bandas de solvencia que porán en escea un directo cargado de intensidade:

-Talesien, será a formación que abrirá ás 22:30h.

- Bala, comezarán a súa actuación ás 00:00h.

- Arrithmya, pechan o evento a partir da 1:30h.

O lugar de celebración será a Praza do Concello con acceso totalmente gratuíto.

Os Concellos de Negreira e Ames suman unha vez máis esforzos na súa aposta por poñer en valor a paraxe natural de Ponte Maceira. Con tal motivo celebraranse “As Noites en Vela” un ano máis.

Será o sábado 23 de xullo e contarase coa actuación da formación ?? ??????? ás 9 da noite e o ????? ????? ás 10. Ao rematar haberá unha sesión de fogos de artificio e o acendido de 300 velas no entorno da Ponte Maceira.

Esta noite convértese así nunha cita ineludible no entorno do vello viaduto de pedra, único lugar da Provincia de A Coruña incluído en “Los Pueblos Mas Bonitos de España”.

A Ponte Maceira foi declarada “Ben de Interese Cultural” no ano 2016, valorando especialmente a súa antigüidade e calidade construtiva.

O Concello de Negreira, abre o prazo de inscrición para o “Programa Madrugadores” e o “Concilia Merendas” que se desenvolverán nas instalacións do CEIP O Coto.

Están dirixidos a familias con menores de 3 a 12 anos durante o curso lectivo 2022-2023 e terán prazas limitadas. O prazo para anotase será do 26 de xullo ao 5 de agosto e as solicitudes poden presentarse nas oficinas do rexistro da Casa do Concello.

Para máis información deben dirixirse ao Centro de Información ás Mulleres de Negreira, no teléfono 981 88 63 20, en horario de 9:00 h a 14:00 h de luns a venres.

Nos seguintes enlaces atópanse os formularios de inscrición e as ordenanzas cos prezos.

Ante o prazo de exposición pública ao que se somete toda a documentación técnica referente ó proxecto do parque eólico Alvite II, promovido por Green Capital Power SL, infórmase á veciñanza que ábrese un período de alegacións de 30 días para que calquera veciño poida obxectar todo o que considere convinte.

Para facilitar información sobre o referido proxecto eólico que afecta aos concellos de Negreira, Mazaricos e Santa Comba, o Concello de Negreira considerou necesario poner a disposición da cidadanía un asesoramento técnico e xurídico. Débese chamar previamente ao número de teléfono: 981 885 250 para ser avisados do día e hora do asesoramento.

Acceso ao anuncio do acordo publicado no Diario Oficial de Galicia:

Infórmase da próxima realización dun novo obradoiro de emprego dual, que ten ao Concello de Santa Comba coma promotor, cando aos de Negreira, Val do Dubra e A Baña; sendo beneficiarios dunha subvención da Consellería de Emprego e Igualdade, e dirixido a persoas maiores de 18 anos. En total serán 20 alumnos/as traballadores/as distribuídos nas seguintes especialidades formativas: Actividades auxiliares en viveiros, xardíns e centros de xardineiría (AGAO0108) con 10 alumnos/as e, o de Limpeza en espazos abertos e instalacións industriais (SEAG0209), para 10 alumnos/as.

Este programa de emprego vai ter unha duración de 12 meses, e a preselección de alumnos/traballadores farase na Oficina de Emprego de Coruña-Tornos, onde serán preseleccionadas aquelas persoas inscritas no Servizo Público de Emprego de Galicia como demandantes de emprego; e teñan solicitado algún dos seguintes servizos: Escolas Taller (320), Casa de Oficios (330), Taller de Emprego (340), e outros programas de emprego en formación dual (370) e 699 suspensión específica programas experimentais de emprego.

A veciñanza de Negreira interesada en participar neste programa como alumnado e que aínda non estean inscritas nos devanditos códigos poderán facelo dirixíndose á citada oficina a través das seguintes canles:

- Na propia oficina, pedindo cita previa na seguinte ligazón:

Mais información nos servizos de emprego dos concellos participantes.

Coa colaboración da Concellaría de Servizos Sociais, Muller e Igualdade, o Concello de Negreira cederálles un local e o asesoramento da asociación Sen Valos, quenes levan anos traballando en materia de migración co departamento municipal de Servizos Sociais, pois vén de nacer unha nova entidade que agrupa a persoas migrantes dende o Brasil, xa que é colectivo de migrantes que máis medrou nos últimos anos en Negreira. Chámase Assis Unión e a súa presidenta é Alessandra Moreira Castro, quen leva dezaseis anos residindo na vila. Cando a ela figuran outras cinco persoas: Bruno Da Silva que é o secretario; Keila, a tesoureira, e coma vogais figuran Elaine e Irene.

Assis Unión naceu neste 2022 se ben foi xestada o 8 de abril de 2021. Trátase dunha organización sen ánimo de lucro e que como ben sinala Alessandra “queremos aportar apoio para os migrantes na integración na sociedade de Negreira, a través de prestar apoio psicolóxico, xurídico, coñecemento da cultura galega, ou mesmo participar dun intercambio cultural para lograr unha maior integración en Negreira”, segundo afirmou Alessandra na súa presentación nos micrófonos de Radio Negreira.

“Queremos además ser un canal para los usuarios que necesiten información, y realizar talleres y charlas para ayudar con apoyo escolar, clases de refuerzo a recién llegados, y ofrecer información sobre los recursos existentes», expón Bruno Da Silva. Sinalan que as persoas que veñen de chegar a Galicia dende outro país non saben cómo adquirir a sua tarxeta sanitaria, ou qué servizos poden solicitar, permisos ou convalidar estudos e títulos, e que mesmo poden ter problemas co idioma, a búsqueda de traballo e en definitiva, a adaptación. Por iso están dispostos a axudar a persoas migrantes e non só do Brasil, tamén aos procedentes de outros países, din.

Escoita a entrevista en Radio Negreira

Requisitos

- Ser muller.

- Estar inscrita como demandante de emprego ou en condición de mellora de emprego.

- Ter máis de 18 anos.

Inscricións

Cubrir un TEST obrigatorio para coñecer as túas habilidades dixitais e así determinar o curso que debes facer. Hai 3 niveis.ç

Data límite de inscrición: 31 de agosto.

Solicita máis información: www.mullerdixital.gal

O sábado 27 de agosto poderemos disfrutar en Negreira de ❞?????????❞, un espectáculo en directo que fusiona baile e música tradicional con teatro e recursos audiovisuais. Será no ???????́? ?? ????? ??́??? ?́? ??:?? ?.

A produción, dirixida por Henrique Peón, conta coa participación dun elenco dunhas oitenta persoas, con músicos, bailaríns, o coro e as pandereteiras da agrupación ???????????? ?? ? ????? ?? ???????́?? ❞?? ?? ????? ?? ?????❞. Tamén participan as actrices Lucía Veiga e Marita Martínez.

“Endaterra” é un cóctel artístico moi atractivo que fusiona música e baile tradicional con teatro e recursos audiovisuais.

O fío condutor deste espectáculo son o Camiño Inglés e o de Fisterra-Muxía. E en base a historia dunha peregrinación dunha aristócrata inglesa e a súa doncela vaise encetando un “camiño” cheo de danzas, cancións, tradicións, etc.

Patrimonio inmaterial, cultura tradicional que será protagonista. Moitos foron tesouros conservados polas recolleitas do propio Peón, que ten moita vinculación coa Costa da Morte. “Endaterra” conta cunha banda sonora exclusiva para o evento, composta por Ismael Marcos e Francisco Barcia.

Para poder asistir é necesario retirar os convites na ?????????́? ?? ??????? ? ???????? antes do venres 26 de agosto ás 14:00 h. ou anotarte na seguinte ligazón:
https://forms.gle/BEZk35AFqhmuPh9G6

Na fin de semana, do 2 ao 4 de setembro, vaise a levar a cabo a décimo quinta Feira do Románico na contorna do Pazo do Cotón. É por isto a partir do xoves día 1 as 13.00 h, a Carreira de San Mauro quedará cortada ao trafico por motivos de organización e haberá desvíos alternativos pola Abeanca, A Chancela e Vilachán de Abaixo. Así mesmo, tamén comezarán os traballos de decoración das rúas e do mercado.

 
As principais zonas da vila as que afecta a feira son a Carreira de San Mauro e Rúa do Carme onde se emprazaran as tendas de artesanía. Na Praza do Concello estarán a zona infantil así como a tirolina. A zona da Capela do Cotón e ao Campo da Feira resérvanse para os espectáculos e demostracións, e a espalnada do IES Xulián Magariños para o Gran Torneo Medieval.

 
A celebración comezará o venres as 18:00h con actividades variadas, cetrería e unha Queimada Popular e Danzas Medievais programado para as dez da noite na Praza do Cotón.

 
Para o sábado ás doce do mediodía cando as autoridades locais e a Corporación Municipal inauguren de maneira oficial á Feira do Románico, xusto antes dos espectáculos e acrobacias de Malatich que estará na Praza do Cotón á unha e cuarto. Pola tarde, repetirá no mesmo lugar para ofrecer unha sesión de malabares e acrobacias dirixida aos máis pequenos da familia ás sete e media. Unha hora máis tarde, o campo da feira acollerá unha das citas máis importantes do Románico: o gran combate medieval a mans da compañía Hípica Celta. Pola noite, o espectáculo de Suaren Bataila e a pirotecnia pechará a xornada as 12 da noite.

 
O domingo a feira abre ás once con máis pasarúas da man de Turdión e Hípica Celta. O ambiente medieval continuará ás doce coas actuación musicais e as acrobacias de Malatich, que se estenderán ata as sete e media. Ás 13:00h e a 20:00h o Gran combate Medieval será un dos platos fortes da Feira, na explanada do IES Xulián Magariños. Para rematar, teatro a pé de rúa con Troula Animación e a mostra “Sub-Umbra”.