Pedra Mámoa prepárase para albergar catro importantes eventos deportivos
Coa chegada da primaveira van a celebrarse os primeiros eventos deportivos desta tempada no noso Concello, e van a ter lugar no Pavillón municipal de Pedra Mámoa.
- Baby Basket - Domingo 23 de marzo (120 participantes)
Nesta actividade de promoción os nenos dos equipos da zona nados entre 2017 e 2018 (1º e 2º de primaria) van a disputar distintos partidos en canasta pequena, na que será a gran festa do deporte base do baloncesto.
Organiza: Deleite Baloncesto
- XXXII Torneo de Kárate Vila de Negreira - Sábado 5 de abril (300 participantes)
O segundo evento máis antigo do noso Concello (despois da Carreira Internacional "A Clásica") terá lugar o primeiro fin de semana de abril, coa participación de numerosos karatecas galegos.
Organiza: Club Kárate O Coto
- II Fase 7º Torneo Interescolas ximnasia rítmica - Sábado 17 de maio (700 participantes de Galicia e Asturias)
Despois da primeira xornada deste torneo celebrado en Burela, a competición recala en Negreira con ximnastas de Galicia e Asturias.
Será un dos eventos máis multitudinarios deste ano.
Organiza: Ximnasia Rítmica Compostela
- XIII Copa Akai Ryu - Sábado 24 de maio (400 participantes de España e Portugal)
Despois de acadar o recoñecemento como mellor evento deportivo do ano 2024, a Copa Akai reunirá os mellores deportistas galegos e españois.
Tamén asistirán karatecas de Portugal e a selección nacional de para-kárate en categorías escolares.
Organiza: Club kárate Akai Ryu