No Nadal, un tempo festivo e de lecer, en Negreira existe unha oferta cultural diversa, pensada para todos os públicos pero na que os máis pequenos son os protagonistas.
O Nadal Negreira, desenvólvese cada ano entre os meses de decembro e xaneiro e agrupa un nutrido número de actividades que abranguen exposicións, o Festival de Nadal, teatro ou a visita de Papa Noel e a tradicional Cabalgata dos Reis Magos.
Así mesmo, cada ano o cartel oficial e a postal de felicitación do Concello escóllense a través dun concurso no que participan os alumnos e alumnas dos centros escolares negreireses.