A importancia dun pobo non se define tanto polo tamaño do seu territorio nin polo maior ou menor número dos seus habitantes, senón máis ben pola calidade de vida que ofrece. E a calidade de vida mídese, entre outras cousas, polo grao de acceso dos cidadáns ós medios de educación e cultura. Conscientes disto, dende a Concellería de Cultura trabállase na procura de varios obxectivos:
• Incentivar e favorece-la creación cultural, creando novos espacios para a cultura e apoiando material e economicamente os procesos creativos.
• Rentabiliza-los investimentos culturais, programando actividades para tódolas idades e intereses e durante todo o ano.
• Fomenta-lo asociacionismo, favorecendo así a participación cidadá e poñendo á disposición dos veciños recursos, programas e espacios para o ocio e a creación.
• Promove-la conservación do patrimonio cultural, organizando e patrocinando todos aqueles eventos a favor da defensa da tradición cultural e festiva do noso pobo.
O Concello dispón das seguintes instalacións municipais:
A Casa de Cultura e un edificio de pedra situado na rúa máis emblematica de Negreira, a Carreira de San Mauro. O recinto conta con salas de diferentes capacidades adaptadas para a celebración de xuntanzas, congresos e cursos e múltiples actividades culturais.
A Biblioteca ten como obxectivo fomentar a creación e a promoción de hábitos de lectura: acercando á poboación o coñecemento; ofertando un espazo flexible, dinámico e organizado; dispoñendo dunha colección viva, actualizada e adaptada á comunidade de Carballo e os seus arredores; poñendo en valor e difundindo a creatividade galega.
O Centro Sociocultural e un moderno edificio na rúa da Restreva. O recinto conta con salas de diferentes capacidades adaptadas para a celebración de xuntanzas, congresos e cursos e múltiples actividades culturais.
O auditorio conta cun aforo de 300 butacas e cun escenario que permite representar diversas funcións e actuacións de medio e gran formato. Ten un completo equipo de luces e son, así como camerinos para as distintas representacións.
O Telecentro de Negreira pentence á Rede de Centros para a Modernización e a Inclusión Tecnolóxica (Red CeMIT) é unha iniciativa posta en marcha pola Axencia para a Modernización Tecnolóxica de Galicia (Amtega) da Xunta da Galicia que forma parte da Axenda Digital 2014.gal, enmarcada no Plan Estratéxico Galicia 2010-2014 que ten como fin alcanzar a converxencia tecnolóxica con Europa no horizonte do ano 2020.
No ano 2002, entrou en funcionamento o Aula de Informática, situada na segunda planta onde os nenos e adultos de Negreira pódense beneficiar deste servizo, que lle ofrece a posibilidade de conectarse gratuitamente á rede nun total de 10 termináis.
A Bebeteca é un espazo diferenciado para vincular os bebés e os pais coa literatura, un espazo adecuado para desenvolver e estimular os hábitos de lectura entre os máis pequenos.
A Aula de Pintura está situada no 3º andar do Centro sociocultural e nela impártese as clases de Pintura da Escola Municipa de Pintura e Gravado.
