A Deputación da Coruña convida a asistir ao foro de diagnose do proxecto ¨Compartimos Plan¨, na comarca da Barcala, este mércores día 4 de xullo, ás nove da mañá, no Telecentro da Casa da Cultura.
Este proxecto ten como finalidade realizar un estudo de diagnose das políticas de igualdade entre mulleres e homes, e de prevención da violencia de xénero na provincia. É un plan de acción dirixido a establecer liñas estratéxicas de actuación a nivel provincial.
No afán de que ¨Compartimos Plan¨ sexa un proxecto dinámico, participativo e colaborativo, está orientado á participación do tecido asociativo, centros educativos, centros de saúde, ou corpos de seguridade.
É importante que todas as persoas que asistan a este foro confirmen a súa asistencia a través da web: compartimosplan.com
Infórmase que debido aos traballos de limpeza anual do depósito municipal de augas da Chanceira, o martes día 3 de xullo, procederase ó corte do fornezo de auga da traída municipal, dende as 15:00 ata as 20:00 horas, e que afectará aos seguintes núcleos:
- Zas
- Gonte
-Gándara
- Maio Pequeno
-Escola Unitaria de Río Seco
A rede considerase en presión a tódolos efectos xa que estes traballos poderían levar menos tempo do previsto. O servizo municipal de augas pide disculpas polas molestias que se poidan ocasionar, e para calquera dubidan convidan a chamar ós teléfonos 981 88 15 69 e 626 98 69 41.
O Concello de Negreira vén de poñer a disposición de toda a veciñanza, a través da web municipal, os planos de tódolos núcleos habitados das dezaoito parroquias do noso concello, coa correspondente sinalización das franxas de seguridade e as distancias para a limpeza de biomasa.
Os planos de cada núcleo pódense descargar directamente da web municipal, se ben, o Concello tamén facilitará a cada parroquia os planos para que poidan ser consultados nos locais sociais.
O 28 de decembro de 2017, a Xunta de Galicia aprobou as modificacións na Lei 3/2007 de prevención e defensa contra incendios forestais de Galicia. Uns cambios que afectan, entre outros, ás franxas secundarias; é dicir, á xestión da biomasa vexetal ao redor de núcleos habitados ou vivendas illadas.
O principal cambio é o que afecta ao solo urbán, e ao de núcleo rural e urbanizable. Amplíase de 30 a 50 metros a distancia que ten que estar rozada e onde non pode haber especies pirófitas, como piñeiros, eucaliptos ou acacias.
Ademais, nos 50 metros de franxa establecidos, as copas das árbores deberán distar como mínimo 10 metros das edificacións e nunca se poderán proxectar sobre os tellados das vivendas.
Máis información
O Concello de Negreira súmase aos actos da semana do orgullo 2018 coa colocación de sendas bandeiras arcoíris, que ondean na Casa do Concello e maila Casa da Cultura, así como cun acto este xoves 28 de xuño, no Día Internacional do Orguio LGTBIQ.
Esta actividade consiste nunha mostra de graffiti e muralismo, a cargo de Asten, artista da asociación Vella Escola, especializada en arte urbán. Este acto terá lugar este xoves 28 ao mediodía no Parque do Coto, polo que convídase á veciñanza a achegarse e desfrutar en directo da realización desta obra mural, cuxo traballo comeza o martes 26.
Dito graffiti xira entorno á temática do Día Internacional do Orgullo LGTBIQ, incluíndo referencias á igualdade.
O Concello de Negreira informa a toda a veciñanza dos horarios e lugares polos que pasarán as rutas de bus para asistir este domingo á romaría de San Xoán do Carballoso, na parroquia de Xallas, onde as misas comezarán a partir das dez da mañá, sendo a solemne á unha da tarde, seguida da procesión. Como tódolos anos haberá unha pulpeira e o xantar campestre. As actuacións musicais estarán a cargo da charanga Tíralle do aire e mailo grupo Iris.
Ruta da Andaina
Sairá ás 9:30 horas do bar Celta, en Negreira, para aquelas persoas que queiran facer a andaina dende a Ponte da Pedra (Liñaio), ata San Xoán. As persoas interesadas deben apuntarse na Delegación de Cultura e Deportes.
Ruta 1 (Negreira)
Saída do bar Celta, ás 10:30 horas, pasando por Negreiroa, Gándara, Gonte, Trece, Liñaio, Barbazán, Porqueira, Romarís e Fornos.
Ruta 2 (Portor)
Saída da parroquia de Portor (Local social), ás 9:45 horas pasando por Negreira, Zas, San Martiño, Broño, San Vicente, Portochancas, Pedralonga, Tuñas, Gorgal, Vilar de Xallas e Fornos.
Ruta 3 (Landeira)
Saída dende Landeira ás 10:00 horas pasando por Marcelle, Vilaserío, Bugallido, Cornado, Campolongo, San Tomé, Pesadoira, Quintela, Libreiro, Gorgal, Vilar de Xallas e Fornos.
Os buses voltan para Negreira, Portor e Landeira, a partir das sete da tarde.
Páxina 168 de 256