clausura07 1.jpgO Pavillón Municipal de Pedra Mámoa acolleu onte a xornada de clausura da tempada 2016-17 das Escolas Deportivas Municipais cunha mostra dun bo número de disciplinas deportivas que son impartidas para os rapaces e rapazas do noso concello, entre os meses de outubro e maio, e nas cales participaron máis de 400 alumnos/as.

 

Fútbol sala, patinaxe, baloncesto, kárate, tenis, ciclismo, atletismo e ximnasia rítmica, xunto coas actividades de predeporte e multideporte que se imparten no CEIP O Coto, así como as de ximnasia de mantemento, conforman a ampla variedade de disciplinas que oferta anualmente o Concello de Negreira.

 clausura07 3.jpg

 

O acto de clausura contou coa participación do alcalde, Manuel Ángel Leis Míguez, e mailo concelleiro de Deportes, José Daniel Casal Leis, xunto cos monitores/as das diferentes escolas deportivas que realizaron exhibicións sobre a pista de xogo e cunha bancada ateigada de xente que desfrutou coas demostracións levadas a cabo ao longo de toda a tarde.

 

clausura07 2.jpg

 

Os alumnos/as recibiron un agasallo do Concello de Negreira unha vez que foron rematando as súas exhibicións.

powered by social2s

maiores080517 1.jpgO Concello de Negreira celebrou como cada primeiro sábado do mes de maio, o seu encontro anual dos maiores coa participación dunhas setecentas persoas no xantar popular que tivo lugar baixo a carpa montada no campo dá feira. Durante a festa entregáronse os galardóns á veciña e veciño de maior idade participantes. No caso da primeira recaeu en Pilar Mayo Brantuas, natural da parroquia de San Mamede da Pena, de 101 anos de idade. O varón de maior idade foi Jesús Dourino Forján Mayo, natural da parroquia de San Estevo de Landeira, e de 98 anos de idade.

 

maiores080517 2.jpg


A celebración estivo acompañada de animación musical a cargo da Banda Municipal de Negreira e mailo dúo Meigas Son, encargadas de amenizar o baile de tarde como colofón a un evento que contou coa presenza do alcalde, Manuel Ángel Leis Míguez, xunto coa concelleira de Servizos Sociais, María Jesús Veiga Hortas, e mailos concelleiros de Deportes, José Daniel Casal Leis, e de Cultura, Flora Grille Novío. Por parte do grupo municipal do Partido Popular, acoderon os concelleiros Juan Rey Maceira, Manuel Hombre Porto e María José Carballo Villar.

powered by social2s

itvagricola.jpgA Unidade Móbil número 3 de Inspección Técnica de Agrícolas desplazarase ao Concello de Negreira nas seguintes datas e ubicacións:

 

- Do 26 ao 27 de xuño – Campo da festa de Pesadoira (Alvite)
- Do 28 ao 30 de xuño – Campo da feira de Negreira

O horario de atención ó público será de 9:00 a 13:30 horas, e de 15:15 a 18:00 horas.

 

Para solicitar cita previa:

 

- Por teléfono: 902 30 90 02
- A través de Internet na seguinte ligazón: www.sycitv.com


Nota: A admisión de vehículos con características particulares estará condicionada á posibilidade de realizar as operación de inspección regulamentarias.

powered by social2s

teatro 385.jpgTeatro do Noroeste é unha compañía profesional galega fundada no 1987, e que polo tanto cumpre o seu trinta aniversario sobre os escenarios. Na súa dilatada traxectoria ten producido e distribuído unha grande cantidade de espectáculos.

 teatro 389.jpg

 

Este sábado 6 de maio desembarca no Ciclo de Teatro de Negreira co seu espectáculo teatral Palabras malditas, baixo a dirección de Eduardo Alonso, a partir das 21:00 horas no Auditorio do Centro Sociocultural. Con entrada de balde.

 

 teatro 388.jpg

 

Sipnóse

 

Un perseguido profesor experto en poesía francesa e unha prostituta coinciden nunha sórdida pensión da Coruña, nos anos corenta, en plena época de represión e asasinatos. Malia as aparentes diferenzas que os separan, aférranse o un ao outro como á única táboa de salvación no inmenso océano da soidade. E entre os dous formarán un tándem pletórico de inspiración.

 

Reparto

 

Miquel Insua, no papel de Vicente; Manuela Varela, no papel de Clara; Luma Gómez, no papel de Ermitas, e Ima António, en papel de camareira e axudante de dirección.

 

Xénero: Teatro contemporáneo

Duración: 100 minutos

Público: + 18 anos

Idioma: Galego

powered by social2s

A Consellería de Política Social da Xunta de Galicia, a través da Dirección Xeral de Maiores e Persoas con Discapacidade, concedeu ao Concello de Negreira, no exercicio 2016, unha subvención por importe de 45.284´25 euros, para a obra: Vestiarios adaptados ao Pavillón Deportivo do Colexio Público “O Coto”.

 

A axuda concedida foi financiada pola Unión Europea, a través do Programa Operativo Feder Galicia 2014-2020, baixo o lema: “Unha maneira de facer Europa”.

 

Acadaronse os obxectivos e os resultados da operación financidada que non eran outros que os de garantir a autonomía e a accesibilidade dos alumnos e alumnas do Colexio Público “O Coto”, evitando a discriminación e favorecendo a igualdade.

powered by social2s