Tralo éxito de participación da súa primeira edición, o sábado 28 de decembro celebramos a II Carreira do Turrón, de carácter non competitiva e solidaria, e ideal para potenciar o exercicio físico nestas datas de tantos excesos.
Agardámosvos o sábado 28 a partir das 16:00 horas coa concentración e recollida dorsais no pavillón do CEIP O Coto. A partir das 16:30 horas vanse celebrar tres carreiras que con distancias dende os 100 metros ata os 4.000 metros, van a dar cabida a nenos e adultos, nunha xornada de festa, onde o menos importante e gañar.
A inscrición é de balde e para participar, só tedes que traer 1 quilo de alimentos non percedeiros, que serán entregados aos Servizos Sociais do Concello para distribuilo entre as familias con menos recursos do noso municipio. Tralas carreiras haberá unha chocolatada para tódolos participantes.
A inscrición está aberta ata o venres 27 de decembro ás 14:00 horas, ben na propia Delegación de Cultura e Deportes, na Casa da Cultura, ou ben chamando ao número de teléfono 981 88 58 86, así como en Internet no seguinte enderezo: https://carreiradoturronnegreira.blogspot.com/p/inscricion.html
O debuxo realizado polos nenos e nenas de 2 a 3 anos da Escola Infantil Municipal de Negreira, será o que ilustre o cartaz da programación do Concello polas festas de Nadal, ao ser o debuxo gañador do Concurso de Cartaces do Nadal, cuxo premio entregarase o vindeiro día 5 de xaneiro durante a celebración da festa posterior á Cabalgada dos Reis Magos, no pavillón do CEIP O Coto, e cando tamén se entregarán os tres premios do concurso de decoración navideña. O premio consiste nun vale agasallo por valor de 90 euros.
Noraboa e Bo Nadal !!
Informámos da convocatoria dunha reunión que terá como tema central a tratar, a Concentración parcelaria de Aro-Campelo e Gonte, sobre prazos para a tala de madeira, entre outros asuntos de relevancia, así como outras cuestións de interese veciñal, o mércores día 11 de decembro, ás 20:30 horas e no Local Social da parroquia de Aro.
Debido á importancia dos temas a tratar, dende o Concello de Negreira animamos a toda a veciñanza a que asista e participe activamente na devandita reunión, co fin de dar voz a todos e buscar o benestar xeral.
Este domingo 15 comezan as actividades do programa de Nadal en Negreira co Festival da Escola Municipal de Teatro, ás seis da tarde no Auditorio do Centro Sociocultural, coas representacións dos distintos grupos da escola que dirixe Sandra Lesta:
- Uvas 2020 - alumnos de Infantil e 1º Primaria
- Tendas navideñas - usuarios da Fundación de Discapacitados
- O espíritu navideño - alumnos de 2º de Primaria
- Axentes do Nadal - alumnos de 3º e 4º de Primaria
- Fin de ano en Lugo e Badulaque - de 5º e 6º de Primaria
- Contos de Nadal (Charles Dickens) - alumnos de Secundaria
O mércores 18 teremos a Videoconferencia con Papá Noel, ás 13 horas no Telecentro, e pola tarde, a partir das 18:30 horas o acto do fallo do oitavo Premio de Poesía Xosé Manuel López Ardeiro, no Auditorio. Actuará o grupo Oîma.
O venres 20 teremos a visita de Papá Noel á Escola Infantil Municipal, ás 12 horas, e videoconferencia con Papá Noel, no Telecentro, así como a Audición da Escola de Música, ás 18:30 horas no Auditorio; seguida ás 21 horas da segunda Gala de Fútbol de ADN.
O sábado 21 pola tarde, dende as 18 horas e no Auditorio, celébrase o vixésimo noveno Gran Festival de Nadal, con entrada de balde.
O domingo 22 pola mañá, de 11 a 13 horas na Casa da Cultura, teremos o Torneo de Xadrez do Nadal.
A Asociación ¨Los pueblos más bonitos de España¨ remitiu ao Concello de Negreira, unha comunicación formal informando que na súa Asemblea Nacional celebrada o pasado día 30 de novembro de 2019 en Puebla de Sanabria (Zamora), o noso concello foi admitido como novo membro da asociación, unha vez aceptada a candidatura de A Ponte Maceira como un dos pobos máis fermosos de España, polo que a partir de agora traballaremos xuntos para mellorar e conseguir os obxectivos que nos marquemos no futuro.
Páxina 106 de 257
