Ao amparo do Plan Territorial de Emerxencias da Xunta de Galicia e mailo Real Decreto de estado de alarma, dende o Servizo de Emprego de Galicia, en coordinación co Servizo Público de Emprego Estatal (SEPE), acordouse as seguintes medidas:

 

- Non será necesario renovar a demanda de emprego (renovación do paro), ata o día 30 de abril de 2020.

 

- Se o cidadán precisa facer algún trámite urxente coa súa demanda de emprego, deberao facer a través da oficina virtual ou chamando ao 012.

 

- As oficinas de emprego permanecerán pechadas ao público.

 

- Quedan suspendidas as citas presenciais de Orientación laboral.

 

- Quedan aprazadas, mentres dure a suspensión da actividade educativa, as accións de formación profesional para o emprego que son xestionadas ou financiadas pola Xunta, os obradoiros de emprego e os programas integrados de emprego.

 

 

Ademáis, é preciso que teñas en conta que, no que se refire ás Oficinas de Prestacións dependentes do SEPE:

 

- Non se terán en conta os prazos establecidos para solicitar a prestación ou subsidio. O dereito á prestación ou subsidio queda plenamente garantido sen ter que cumprir os prazos habituais para solicitalos.

 

- Habilitaranse canais para a recuperación da demanda de aquelas persoas inscritas con anterioridade ou para facilitar, no seu caso, a inscrición inicial.

 

- Non se esixirá a acreditación da búsqueda activa de emprtego na solicitude de subsidio extraordinario ou renda activa de inserción.

 

Fonte: Emprego Galicia (Xunta de Galicia).

powered by social2s

O alcalde de Negreira, Manuel Ángel Leis Míguez, informa á veciñanza do Concello de Negreira, da adopción de medidas ante a situación de urxencia que está xerando o avance do coronavirus (COVID-19).

 

BANDO

Attachments:
Download this file (BANDO.pdf)Bando
powered by social2s

O equipo das Sinerxéticas, do IES Xulián Magariños, clasificouse de forma extraordinaria para a final do Club de Debate 2020 que organizan os equipos de normalización lingüística de diferentes concellos, entre eles, o de Negreira, na que foi a segunda fase de zona da presente edición, e na que participaron un total de oito equipos, celebrándose na Casa da Cultura de Outes.

 

Quedaron segundas, con 415 puntos, tralo equipo Canido, pertencente ao IES de Canido (Ferrol), con 438 puntos, defendendo o argumento, a favor e en contra, sobre a seguinte cuestión: «A monarquía é necesaria no século XXI?»

 

As Sinerxéticas, que ao igual que As Falangueiras, participan no Club de Debate co apoio do Concello de Negreira, quen sufraga os gastos de participación xunto ao resto de concellos; está formado polos seguinte alumnado: Reyes Freire; Lara Vieito; Raúl Castro; Lorena Golán; Andrea Losada; Eda Bove e Iria Sánchez, e a súa preparadora é Sara Marchena, estando acompañados por Begoña Leal, coordenadora do Servizo de Normalización do instituto, e xunto á directora do centro, Clara Rodríguez; e maila técnica de Normalización Lingüística do Agrupamento A Baña-Negreira, Carme Pereiro.

 

Tamén estiveron arroupando ao alumnado de Negreira, os concelleiros Iván Guardado Porto, segundo tenente de alcalde e concelleiro de Deportes, Novas Tecnoloxías e Participación Cidadá; Juan Plata Barbazán, concelleiro de Comercio, Turismo e Industria, e Adolfo Manuel Barbosa Pérez, concelleiro de Agricultura, Medio Ambiente, Parques e Xardíns.

 

O segundo equipo participante, As Falangueiras, non puido clasificarse entre os dous primeiros para a final. As Sinerxéticas fixéronse cos 300 euros e unha praza, ao igual que os vencedores, para a fase final, da que xa se coñece o tema a debater: O futuro do galego está en nós. Porén, aínda queda por celebrar a terceira rolda destas xornadas da que sairán outros dous participantes na final, e que enfrontará a alumnos de Santiago, Teo e Ames.

powered by social2s

Co obxectivo de prevención e frear o avance do coronavirus (COVID-19), o Concello de Negreira tomou as seguintes medidas, á espera de coñecer as actuacións de xestión dos concellos na reunión entre a Xunta de Galicia e maila Federación Galega de Municipios e Provincias (FEGAMP).

 

EDUCACIÓN

Péchase a Escola Infantil de xestión municipal, a partir do luns 16 de marzo. No obstante, recoméndase, na medida do posible, non levar aos nenos e nenas á escola dende o venres 13 de marzo. Catorce días contados dende o luns 16 de marzo.

 

Suspéndensen as clases da Escola Municipal de Música, no Centro Sociocultural, dende o xoves 12 de marzo. Catorce días contados dende o luns 16 de marzo.

 

CULTURA

Suspéndense dende hoxe as distintas escolas culturais (teatro, debuxo e pintura, pandeireta, baile tradicional), así como toda a actividade nas bibliotecas municipais, auditorios, aulas específicas e outras dependencias municipais da Casa da Cultura, do Centro Sociocultural, e do edificio do antigo instituto).

 

DEPORTES

Suspéndense dende hoxe as distintas escolas deportivas (ximnasia rítmica, ximnasia de mantemento, pádel, fútbol sala, patinaxe, baloncesto, tenis, ciclismo ou atletismo), que se realizan nas instalacións municipais, decretándose o peche do pavillón de Pedra Mámoa, as pistas de tenis e pádel, os campos de fútbol Jesús García Calvo e Cepelo, así como as actividades da Piscina Climatizada; suspendéndose as actividades organizadas por entidades alleas, en instalacións municipais.

 

OUTRAS ACTIVIDADES

Quedan suspendidos os Obradoiros de manualidades e creatividade ¨Animando as parroquias¨, así como os cursos que son impartidos dende o servizo de Voluntariado Social.

 

ATENCIÓN SOCIAL E SERVIZOS MUNICIPAIS

Non se suspende a actividade municipal, pero adoptaránse as medidas necesarias para evitar a concentración de persoas.

 

Prégase á cidadanía que realice as súas consultas de forma telemática e telefónica, e que acuda presencialmente só en casos imprescindibles.

powered by social2s

O Obradoiro de Emprego Xóvenes 2019, participado polos concellos de Val do Dubra, A Baña, Negreira e Santa Comba, sendo promotor o primeiro deles e co apoio da Xunta de Galicia; promove a vindeira semana no noso concello, unha serie de talleres baixo o título: Move o teu corpo e mente, a levarse a cabo, entre o luns 16 e mailo luns 23 de marzo, nos locais sociais de Marcelle, Bugallido, Gonte, Broño, Romarís, Barbazán, Liñaio e Portor.

 

A especialidade de Actividades de Animación Física, Deportiva e Recreativa (AFDA0211), organiza talleres para persoas adultas onde se procura poñer en práctica o aprendido a través da estimulación cognitiva, a diversión, o movemento e as relacións sociais.

 

Segundo informan, en cada lugar, acompañarase a actividade dunha pequena chocolatada para facer máis amena a xornada, e todas as persoas interesadas en participar só teñen que acudir aos locais socias que queiran, no horario que mellor lles conveña, dentro da súa dispoñibilidade.

 

Horarios

 Luns 16 de marzo:

- Local social de Marcelle (de 10:00 a 11:30 horas)

- Local social de Bugallido (de 12:00 a 13:30 horas)

 

Martes 17 de marzo:

- Local social de Gonte (de 10:00 A 11:30 horas)

- Local social de Broño (de 12:00 a 13:30 horas)

 

Mércores 18 de marzo:

- Local social de Romarís (de 10:00 a 11:30 horas)

- Local social de Barbazán (de 12:00 a 13:30 horas)

 

Luns 23 de marzo:

- Local social de Liñaio (de 10:00 a 11:30 horas)

- Local social de Portor (de 12:00 a 13:30 horas)

 

powered by social2s