O sábado 14 celébrase a décimo terceira edición do Día da bicicleta en Negreira coa habitual concentración dos participantes a partir das 10.00 horas na chaira a carón do instituto Xulián Magariños, e con dous percorridos: O infantil, de 1,2 quilómetros, a partir das 10.30 horas e o de adultos, de 10 quilómetros e dende as 11.00 horas. Ambos percorridos finalizarán no Campo da Feira.

 

Haberá refrixerios e agasallos para tódolos participantes, de tódalas idades e as inscricións hainas que formalizar na Delegación de Cultura e Deportes, na Casa da Cultura, en horario de mañá, ou no número de teléfono 981 885 886.

 

É obrigatorio o uso de casco protector, e ao rematar os percorridos realizarase o sorteo de agasallos como unha mountain bike, xentileza de Comercial Vigo.

powered by social2s

Sonámbulo é unha viaxe onírica, un cabaré portátil, un shou de variedades a bordo dunha cama, onde viviremos o universo do bufón rosmón que non consegue durmir. Un pallaso insomne que conta ovellas. Mais quen está esperto, quen durme e quen soña?

 

Antón Coucheiro presenta un espectáculo de rúa, a través da compañía Pistacatro Produtora de Soños, sen palabras: Clown, teatro físico e efectos máxicos, nunha comedia visual na que a participación do público resulta fundamental.

 

A cita que está dirixida a tódolos públicos é este venres 6 de setembro, a partir das 20.30 horas no Parque do Coto, na que vai ser a última parada do programa de animación de rúa ¨Cultura a pé de rúa¨, incluído no Verán Cultural 2019 do Concello de Negreira.

powered by social2s

Durante os próximos tres días, Negreira trasladarase ó medievo poñendo as súas mellores galas.

 

O mercado cobrará vida hoxe a partir das seis da tarde, cando empezarán os espectáculos de música itinerante a cargo de Gálata, Luís Oviedo e Human no limits. Ademais, ás oito da tarde e ás once da noite, haberá un espectáculo de circo e un gran espectáculo de lume, na praza do cotón, tamén da man de Human no limits.

 

O sábado a feira abrirá ás once da mañá, de novo acompañada de músicos medievais e seres doutras épocas. Ás doce en punto, será a inauguración oficial por parte das autoridades, que dará paso ao Gran Baile Medieval, organizado pola asociación de Carnavaleiros de Liñaio. Á unha e media haberá a primeira das exhibicións de cetrería, na praza do cotón.

 

Pola tarde, ademais dos habituais pasarrúas, teremos a segunda exhibición de cetrería ás seis e media e ás oito en punto, a primeira xusta do torneo medieval, organizado pola empresa Legend especialistas. Ás dez e media terá lugar o espectáculo quimera, na explanada do campo da feira, dando paso a partir das once e media ao gran espectáculo de lume e acrobacias de Human no limits, o espectáculo pirotécnico, e finalmente, a gran queimada popular.

 

O domingo o mercado abrirá de novo ás once da mañá, con pasarúas e a segunda exhibición de cetrería, as once e media, seguida polo espectáculo de circo aéreo de Human no limits na praza do cotón.

 

Á unha da tarde terá lugar a segunda xusta do torneo medieval, e pola tarde, volverán as exhibicións de cetrería ás seis e media, os espectáculos de circo ás sete e media, e a última xusta do torneo ás oito en punto. Finalmente pecharán estes tres días de festa os espectáculos itinerantes e pasarrúas de seres doutra época acompañados de músicos medievais.

 

No seguinte arquivo adxunto pódense consulta os horarios.

powered by social2s

Rematado o mes de agosto, pasaron polo punto de información 1608 persoas. Este é o cuarto mes consecutivo no que se superan as 1000 persoas atendidas, e supón o mes con maior afluencia pola caseta de información turística situada na avenida de Santiago.

 

Polo xeral, a meirande parte das persoas solicitan o selo da credencial e piden información sobre o Camiño e o aloxamento, ademais de que ver en Negreira e determinados servizos da vila. A franxa de idade con maior presenza é entre os 35 e os 60 anos, con case a metade. No que respecta ao sexo, as cifras están equilibradas no 50%. Sobre o 95% das persoas atendidas na caseta veñen por primeira vez a Negreira. En torno a 8 de cada 10 persoas veñen a pé, e o resto repártense entre os que viaxan en coche/autobús e en bicicleta.

 

Os países emisores que máis presenza tiveron en agosto despois de España son, por esta orde, Italia, Portugal, Francia e Alemaña, mentres que as provincias con maior protagonismo son Madrid, Barcelona, Valencia e a propia provincia da Coruña.

 

Por outra banda, o programa de roteiros guiados Verán no Tambre, levado a cabo nos concellos de Negreira, Val do Dubra e A Baña durante o mes de agosto, supuxo a cifra de 130 participantes entre as 3 citas. O vindeiro 7 de setembro, os tres concellos volverán colaborar no ámbito do turismo para realizar a Ruta do Románico, na que as persoas inscritas poderán viaxar no autobús de xeito gratuíto para coñecer catro igrexas do románico rural galego: Santa María de Paramos, Santa Baia de Lañas, Santa María de Portor e San Pedro de Gonte.

powered by social2s

A celebración esta fin de semana Feira do Románico de Negreira obriga a cortar o tráfico desde a tarde de hoxe xoves na Carreira de San Mauro.

 

O principal desvío alternativo será pola zona de Abeanca e A Chancela para os vehículos que procedan das estradas de Outes, Pontenafonso e Urdilde, así como á inversa en sentido saída do centro urbano negreirés.

 

O segundo desvío alternativo será a través do núcleo de Vilachán de Abaixo, pero unicamente en sentido de baixada cara ao campo da feira.

 

Ademáis este ano o concello ten a intención de pechar ó trafico a Rúa do Carmen dando espazo o maior número de postos dos comerciantes.

 

En previsión de informar á veciñanza e visitantes, o Concello xa instalou carteis informativos nas zonas onde estará prohibido aparcar. Habrá varias zonas na contorna da feira, e este ano como novidade tamén no tramo final da Rúa Cidade Vicente López.

 

O corte na circulación da Carreira de San Mauro será efectivo ata o vindeiro luns ao mediodía, unha vez conclúan os traballos de limpeza viaria da contorna do pazo do Cotón.

powered by social2s