Tambre2020

Os concellos de Negreira, A Baña e Val do Dubra organizan por segundo ano consecutivo o Verán no Tambre, un programa con tres rutas de sendeirismo nas proximidades do río Tambre, coas que se visitarán paisaxes únicas e enclaves singulares que forman parte da historia da zona.

 

O 8 de agosto, xuntarémonos na praza da feira de Negreira para percorrer a coñecida Ruta dos tres Pazos, con 15,5 Km circulares, pasando polo paseo fluvial do río Barcala, o refuxio de Covas, o monte Bergando, a eterna Ponte Maceira e os tres grandes pazos que hai no concello: o do Cotón, o de Baladrón e o de Albariña, todos eles a pouca distancia do Tambre

.
O 29 de agosto, partiremos da área recreativa de Fiopáns (A Baña) para facer a Ruta da Ribeira do Tambre cos seus 11 Km entre ida e volta. Subindo o río ao deixarmos atrás o Portalaxe coas súas pontellas, percorreremos camiños de pescadores e de labregos, e deixarémonos levar por un inmenso bosque de galería con carballos centenarios (como o de Cancelos) e muíños que contribuíron a escribir a nosa historia.


O 5 de setembro achegámono á Ruta do Remuíño, con 13 Km entre ida e volta; partimos do colexio de Portomouro (Val do Dubra), para subir río arriba pasando a impoñente ponte de Portomouro, a pequena aldea abandonada de As Novais e os restos da súa vella capela, bosques autóctonos e a histórica fábrica do Remuíño, pioneira desta zona na transformación da enerxía hidráulica en electricidade a mediados do S. XX.


As saídas serán ás 09:00 e cómpre inscribirse previamente no número de teléfono 650 796 956 para calquera das tres rutas.


Debido á situación sanitaria actual, haberá prazas limitadas, e cada persoa poderá inscribir un máximo de 4 persoas.


É imprescindible o uso de máscara e seguir as recomendacións sanitarias vixentes.

 

Attachments:
Download this file (Tambre2020.jpg)Cartel Tambre 2020
powered by social2s

ardeiro29072020

O poeta noiés Manuel López Rodríguez, gañador do VIII Certame de Poesía "Xosé M. López Ardeiro", recollía o pasado luns no Auditorio da Casa da Cultura de Negreira os 300 exemplares que formaban parte do premio do certame do que resultou gañador co poemario "Desde onde non nace".

 

O acto tivo lugar coa presencia do propio gañador e mailo alcalde Manuel Ángel Leis Míguez así como o secretario xeral de Políticas Culturais, Anxo Manuel Lorenzo Suárez, cuxo departamento colabora coa organización do certame de poesía na súa promoción e coa edición do poemario.

 

O acto foi conducido por Xosé Antonio Ponte Far, membro do xurado, quen tamén fixo a presentación do “IX Certame de Poesía Xosé M. López Ardeiro” que ao igual que en anteriores edicións, será publicado por parte da Xunta de Galicia, a través da Dirección Xeral de Políticas Culturais, facéndolle entrega dun lote de exemplares ao autor ou autora, ademais dun premio en metálico de 700 euros. Haberá tamén un segundo premio que constará de 300 euros.

 

Os traballos, escritos en lingua galega, deberán ser orixinais e inéditos e cunha extensión mínima de 350 versos e máxima de 700. Cada persoa poderá participar cunha única obra, e para iso deberá presentar unha copia impresa e outra dixital na Delegación de Cultura e Deportes do Concello de Negreira.

 

O prazo para participar xa está aberto e esténdese até o 7 de decembro de 2020. A entrega de premios será o día 18 dese mesmo mes, coincidindo co 13º aniversario do pasamento do poeta de Logrosa, Xosé Manuel López Ardeiro.

 

Cartel IX Certame de Poesia X. Manuel Lopez Ardeiro

Triptico exterior IX Certame de Poesia X. Manuel Lopez Ardeiro

Triptico interior IX Certame de Poesia X. Manuel Lopez Ardeiro

powered by social2s

O sábado 1 de agosto Ponte Maceira será distinguida como un dos Pobos máis fermosos de España, nun acto organizado polo Concello de Negreira e a Asociación "Los Pueblos Más bonitos de España".

 

A partir das 22:00 h están programado o acto, no que se despois da intervención das autoridades, realizarase a descuberta do cartel que acredita á pequena localidade de Ponte Maceira, como un dos lugares máis fermosos e singulares de España.

 

Despois terá lugar a actuación do cuarteto de arpas "Lulavai", e o acto pecharase coa tirada de fogos de artificio.

 

Para poder asistir, hai que retirar os convites na Delegación de Cultura e Deportes, xa que por motivos sanitarios haberá prazas limitadas coas medidas de seguridade oportunas.

 

Na actualidade só dous pobos de Galicia obstentan dito galardón Ponte Candelas e Mondoñedo, e convértese na primeira da Provincia de A Coruña.

 

Un enclave máxico

Hai moitas lendas arredor da Ponte, a tradición Xacobea fala de que foi derrubado aplastando entre as súas lousas os soldados do "régulo de Dugium" que perseguían aos discípulos do Apóstolo Santiago, despois de ser liberados da prisión por un anxo. Son moitos os autores que lle otorgan orixe romano, xa que é habitual a atribución dunha base romana a maioría das grandes pontes medievais. O que non é cuestionable é a orixe medieval da estructura actual, que data dos seculos XIII-XIV, debido á necesidade da mitra de comunicar Santiago de Compostela cos portos occidentais.

 

A ponte, chamada Ponte Vella, conta con cinco arcos principais de sillería de seis a dez metros e dous de aliviadeiro, dividindo os municipios de Negreira e Ames. A súa estabilidade, grazas á cimentación da parte dos pilares sobre a rocha nai, fixo que se mantivera en pé o longo dos seus anos de servizo. Foi esceario tanto do incesante paso de pelegríns, como da batalla entre as tropas da mitra Compostelana e as do Conde de Altamira.

 

A aldea de A Ponte Maceira, é un dos conxuntos mellor coidados de todos os Camiños de Santiago. Ademáis da histórica ponte, os antigos muiños a carón do río, os horreos, pombais, a capela de San Brais, a igrexa románica de Santa María de Portor e o Pazo de Baladrón, conforman un dos conxuntos histórico artísticos de maior relevancia de Galicia.

powered by social2s

obradoiros emprego

O Concello de Negreira será o promotor do “Programa de Emprego Mocidade 2020” xunto cos Concellos da Baña, Santa Comba e Val do Dubra.

 

Contase coa colaboración da Consellería de Economía, Emprego e Industria para a realización dun programa dirixido ás persoas mozas incluídas no ficheiro do Sistema Nacional de Garantía Xuvenil, con 16 prazas distribuídas nas seguintes área formativas; Fábrica de Albanelería, e Actividades Auxiliares en Viveiros, Xardíns e Centros de Xardinería, con 8 prazas para cada especialidade.

 

Este programa de emprego terá unha duración de 1 ano e a preselección tanto do persoal docente como de participantes farase na Oficina de Emprego Santiago Norte, onde serán preseleccionados aqueles que xa están inscritos no Sistema Nacional de Garantía Xuvenil e que  demanden algún dos seguintes servizos; Escolas Taller, Casa de Oficios, Taller de Emprego, e outros programas de emprego formación dual.

 

Quen aínda non estea inscrito poderá facelo dirixíndose a citada oficina, e pedindo cita previa no seguinte link; https://emprego.xunta.es/citaprevia

 

A tramitación da oferta realizarase na maior brevidade posible, xa que a previsión de inicio será a mediados de setembro.

 

Para máis información a cerca deste proceso poden poñerse en contacto coas oficinas de emprego de cada Concello participante.

Concello de Negreira: 881 03 51 50
Concello de Val do Dubra: 981 88 90 00
Concello da Baña: 981 88 67 77
Concello de Santa Comba: 981 88 00 75

 

powered by social2s

O Centro de Información ás Mulleres do Concello de Negreira informa que está aberto o prazo de matrícula do programa Madrugadores, de cara ao vindeiro curso educativo 2020-2021.

 

Trátase dun programa de conciliación da vida familiar e laboral que se leva a cabo no Colexio de Educación Infantil e Primaria O Coto, dende as 7:30 até as 9:45 horas (hora de entrada no colexio).

 

As persoas interesadas en beneficiarse deste servizo poden facela inscrición dende o venres 17 de xullo e até o venres 24 de xullo, no Centro de Información ás Mulleres, na pranta baixa da Casa do Concello, na área de Servizos Sociais, en horario de mañá.

 

Tamén poden chamar aos números 981 88 63 20 ou 662 37 04 48.

powered by social2s