A Corporación Municipal de Negreira acordou fixar para o sábado día 3 de febreiro, ás 13:00 e diante da Casa do Concello, a celebración dun acto de apoio á familia da pequena Julia, así como a todas aquelas outras que padecen unha enfermidade rara para que sexan recollidas no Real Decreto 1148/2011,  e teñan acceso aos mesmos dereitos como as compensacións económicas pola reducción da xornada laboral dos pais e nais para atender aos seus fillos/as, dentro sistema da Seguridade Social, posto que a aplicación do Real Decreto está dando lugar a situacións de desprotección para as familias de menores afectados por cancro ou outra enfermidade grave, o que conleva unha constante atención e coidado  dos menores.

 

A realidade revela que a aplicación práctica do Real Decreto 1148/2011 está dando lugar a situacións de desprotección en supostos de enfermidades graves e incapacitantes, en menores que precisan unha constante atención e coidado, pero que non poden incluírse na listaxe de 109 enfermidades que recolle o Real Decreto, nin tampouco, nas cláusulas abertas contidas no mesmo.

 

Respecto da concesión das prestacións, o verdadeiramente relevante non é tanto a inclusión do nome exacto da enfermidade na listaxe, senón si esa enfermidade é en verdade grave ou invalidante.

0
0
0
s2sdefault