Cartaz

Presentamos as actividades do Entroido 2021 no noso concello; unha celebración que por mor das restricións vixentes derivadas da Covid19, toca facelo dende a casa. Anímate e participa nunha edición distinta pero na que poderemos pasar un bo rato.

É moi sinxelo, entre o 8 e mailo 17 de febreiro, só tes que disfrazarte de forma individual, en parella ou en comparsa familiar (só podes participar nunha categoría das mencionadas), e únicamente, os membros da unidade familiar (persoas conviventes).

Unha vez disfrazados/as, tes que sacar unha foto ou facer un vídeo (pódese realizar unha pequena coreografía, canción, baile… aínda que non é imprescindible).

É obrigatorio o uso de máscara, xa que así demostramos que a foto ou vídeo é deste ano. Despois, tes que descargar o Anexo I, na web: www.concellodenegreira.gal, imprímea, cubrea e asina a mesma.

O último paso sería enviar a fotografía (en formato JPG ou PNG) ou o vídeo (que non exceda de 30 segundos), ao número de teléfono 650 358 044 ou ao correo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.; e tedes de prazo dende o 8 ao 17 de febreiro (ambos incluidos).

Poden concursar veciños de Negreira e de fora do concello, e os premios serán VALES AGASALLOS, para gastar nos locais comerciais e/ou hostalaría de Negreira.

Vive o Entroido barcalés!

 

powered by social2s

itv ciclo

Infórmase que a Unidade Móbil 7 de Inspección Técnica de Ciclomotores desprazarse ao concello de Negreira, o vindeiro 2 de marzo (martes), en horario de atención ó público de 9:00 a 13:30 horas pola mañá, e de 15:15 a 18:00 horas, pola tarde. O servizo prestarase no Campo da Feira


Para solicitar cita previa:
• Por teléfono: 902 30 90 00
• A través da web: www.sycitv.com - Cita previa


NOTA: A admisión de vehículos con características particulares estará condicionada á posibilidade de realizar as operacións de inspección regulamentarias.

powered by social2s

A Delegación de Cultura e Deportes e o Concello de Negreira, súmanse as condolencias á familia polo pasamento dun referente do atletismo e do deporte galego coma Alejandro Gómez Cabral. Vaise un dos máis importantes corredores dos últimos anos despois dunha longa enfermidade.

 

Negreira contou coa súa presenza en varias ocasións na Carreira Popular de Negreira "A Clásica", onde no ano 1993 conqueriu o primeiro posto, quedando o seu nome gravado no grupo de ilustres vencedores da proba atlética. No ano 2010 foi a súa derradeira participación, xa como veterano, acadando un 6º posto na clasificación xeral daquela edición, demostrando que aínda era un gran competidor.

 

Desgraciadamente nunca se lle recoñeceron os seus éxitos, quizáis porque o atletismo non acapara a atención mediática como outros deportes, pero dende logo foi un dos máis importantes atletas de España de todos os tempos.

 

Seguramente o galgo de "Zamáns" correrá moitas probas alá onde esté...

 

D. E. P.

 

 

 

powered by social2s

paxariños

O Día das Candeas ou Día da Candeloria, celébrase cada 2 de febreiro, época importante no ciclo astronómico, pois coincide coa metade do inverno, no intre xusto entre o solsticio da estación fría e o equinoccio de primavera.


Pola Candeloria, medio inverno vai fóra, di o refraneiro popular galego; sendo o momento en que medran os días e a natureza comeza a preparar o "estourido" de vida que está por chegar cara á agardada primavera.


A partir da Candeloria, ningunha ave voa soa, di o refrán, para lembrar que o mes de febreiro comeza, na cultura popular, cunha celebración ben especial, xa que casan os paxariños, ao que comeza o retorno das aves migratorias e os cortexos preludian o renacer primaveral...
Como cada ano pola Candeloria, o Servizo de Normalización Lingüística do Agrupamento A Baña - Negreira, repartiu adhesivos entre o alumnado do IES Xulián Magariños, dos últimos cursos do CEIP O Coto e a todo o alumnado de Secundaria do CPI DE San Vicenzo da Baña; cunha imaxe do día en que casan os paxariños, baixo o lema: Quen puidera namorala!


Feliz día do casamento dos paxariños!

powered by social2s

O departamento municipal de Servizos Sociais informa sobre as axudas urxentes de tipo social (Auxs) para evitar os cortes de subministración eléctrica aos consumidores vulnerábeis severos en risco de exclusión.

 

Requisitos

a.    Ser residentes na Comunidade Autónoma de Galicia.

b.    Ser o titular do contrato de subministración eléctrica. (Ás persoas en aluguer asístelles o dereito a solicitaren ser titulares das submnistracións da vivenda alugada)

c.      Ter contratada a tarifa de último recurso (TUR) con aplicación do bono social de consumidor vulnerable severo (desconto do 40 %), para o que deberán cumprir os límites de renda establecidos.

d.     Estar en risco de exclusión social, o que será acreditado mediante certificado ou informe social expedido polos servizos sociais. InformeSocial_AUXS.pdf.

e.     Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións.

 

Documentación complementaria

1.     De ser o caso, autorización aos empregados públicos correspondentes para a presentación electrónica da solicitude e da documentación relativa a esta orde de axudas (anexo III). Neste caso, deberá presentarse tamén o anexo II asinado polo solicitante.

2.     Certificado emitido polos servizos sociais de que o solicitante está en risco de exclusión social (anexo IV), salvo que sexa beneficiario da Risga e non se opoña á consulta.

3.     Documento acreditativo de ser beneficiario do bono social para consumidor vulnerable severo. Poderá acreditarse mediante copia dunha factura en que figure aplicado o desconto do 40 % do bono social para consumidores vulnerables severos.

4.     De ser o caso, título de familia numerosa (só no caso de que o dito título non fose expedido pola Xunta de Galicia).

 

Prazo

O prazo de presentación de solicitudes comezará o día seguinte ao da publicación desta orde no DOG (23 de xaneiro) e rematará o 2 de novembro de 2021.

 

Máis información no departamento de Servizos Sociais do Concello de Negreira, no número de teléfono: 981 885 381; ou na web oficial da consellería: http://ceei.xunta.gal, ou no enderezo de correo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

powered by social2s