Dende o Concello de Negreira querémonos sumar ao Día Nacional das Linguas de Signos Españolas e mostrar dende aquí o noso total apoio a este colectivo. O Concello de Negreira ven desenrolando nos últimos catro anos diversas iniciativas de apoio e fomento do uso da lingua de signos, como a sinatura dun convenio coa Asociación de Persoas Sordas de Santiago de Compostela, polo cal se conveniaba un servicio de interpretación de lingua de signos e guía intérprete de persoas xordocegas, servizo  que se utilizou en diversos actos ó longo do ano, así como a posta en marcha dun curso de lingua de signos, promovido dende o Servizo Local de Emprego, no cal participaron 30 persoas, entre elas varias traballadoras do Concello de Negreira.

 

Con todo isto, o Concello de Negreira quere expresar o seu firme compromiso ca inclusión real e efectiva deste colectivo na vida cotiá do noso pobo e a súa intención de seguir polo camiño marcado nestes últimos catro anos, no que se fixo un esforzo, totalmente necesario e de xustiza para que este sexa un Concello diverso e integrador.

0
0
0
s2sdefault

Este venres 14 de xuño entra en vigor o horario de verán na atención ao público nas dependencias municipais da Casa do Concello, na rúa do Carme 3, e que se extenderá ata o día 13 de setembro co seguinte horario: De 08.00 a 14.00 horas.

0
0
0
s2sdefault

O Servizo de Infraestructuras Agrarias da Consellería do Medio Rural informa da toma de posesión provisional dos predios de sustitución da zona de Aro-Campelo-Gonte, no noso concello, cuxas datas son as seguintes:

 

- Para terreos de prado, pasteiro, e labradío sen colleita e monte, o día 15 de xullo de 2019.

- Para os restantes terreos, no momento, no que segundo a costume, se retiren as colleitas actuais.

- Para o caso de que se pretenda retirar arborado, a data límite é o día 15 de xaneiro de 2020 (seis meses despois da toma de posesión), debendo contarse co preceptivo permiso do Servizo de Montes, e xestionándose o aproveitamento con suxeición ao establecido no Decreto 50/2014, do 10 de abril e na Orde do 20 de abril de 2018 que modifica os seus anexos II, III e VI.

 

No prazo de dous meses contados a partir do seguinte á data establecida para a posta a disposición dos predios, poderá reclamar por defecto de superficie nas fincas atribuídas, xuntando unha medición pericial asinada por técnico competente, sobre diferenzas de superficie superiores a unha marxe de tolerancia variable entre a medición in situ e a que conste no boletín de atribucións de novos predios, conforme ao disposto no antedito artigo 37.

 

Importante

As persoas propietarias das parcelas de achega deben permitir aos titulares das novas fincas, o acceso ás mesmas para proceder no prazo de dous meses arriba sinalado, á medición das mesmas.

0
0
0
s2sdefault

A aprobación da acta do pleno ordinario do pasado 13 de maio reuniu onte mércores por última vez á Corporación municipal do mandato 2015-2020 e cuxos membros aproveitaron para despedirse e fotografarse todos xuntos, nunha sesión de puro trámite na que os distintos representantes desexáronse o mellor e congrutalaronse de que fose unha lexislatura de entendemento e diálogo na que por primeira vez o goberno non contou con maioría absoluta.

 

Sesión constitutiva

Os concelleiros e concelleiras electos das pasadas Eleccións Municipais do 26 de maio, foron citados para a sesión constitutiva da nova Corporación municipal, sinalada como marca a Lei para este sábado día 15 de xuño, ás 12.00 horas no Salón de Plenos da Casa do Concello, conforme á seguinte orde do día:

 

Punto primeiro. - Constitución da nova Corporación.

Punto segundo.- Elección de Alcalde.

0
0
0
s2sdefault

Do 1 de xullo ao 12 de setembro permanecerá aberto o prazo de matrícula para o curso 2019/2020 na Escola Municipal de Música, que como novidades incorpora a especialidade de acordeón e unha nova modalidade de matrícula de clases grupais para todos aqueles que non estedes interesados en vir ás clases individuais. Coro, clases grupais de acordeón e tamén gaita e percusión tradicional, a un prezo mensual reducido (10 € ao mes).

 

Os interesados en clases individuais de gaita, acordeón e canto, tamén terán incluidas, dentro do prezo da modalidade, as clases grupais, igual que nos demáis instrumentos.

 

O alumnado que xa pertence á Escola xa pode formalizar a matrícula, ben na Biblioteca municipal en horario de tarde, ou a través da páxina web da escola: www.esmusnegreira.com.

 

A presentación do novo curso e dos horarios terá lugar o venres 13 de setembro, ás 18:00 horas no auditorio da Casa da Cultura.

0
0
0
s2sdefault